അഞ്ചാം പിറന്നാൾ ദിനത്തിൽ ഓടിക്കളിച്ച വീട്ടുമുറ്റത്ത് എത്തുക ധ്യാനിന്റെ ചേതനയറ്റ ശരീരം. കഴിഞ്ഞ ദിവസം എരുമേലിയിൽ കിണറ്റിൽ വീണ് മരിച്ച നാലു വയസുകാരന്റെ വിയോഗമാണ് നാടിന്റെ നൊമ്പരമായി മാറിയത്. മുട്ടപ്പള്ളി കരിമ്പിന്തോട്ടിൽ ഷിജോ (രതീഷ് രാജൻ -സി എച്ച് സി കൗൺസിലർ വെച്ചൂച്ചിറ )യുടെ മകൻ ധ്യാൻ രതീഷ് ആണ് മരിച്ചത്.

ധ്യാനിന്റെ സംസ്കാരം ഏപ്രിൽ 18 തിങ്കളാഴ്ച നടക്കും. ഇന്ന് ധ്യാനിന്റെ അഞ്ചാം പിറന്നാളാണ്. ഇന്ന് തന്നെയാണ് ധ്യാനിന്റെ സംസ്കാരം നടക്കുന്നത്. കഴിഞ്ഞ രാവിലെ കളിക്കുന്നതിനിടയിൽ മുട്ടപ്പള്ളിയിലെ വാടകവീടിനോട് ചേർന്ന കിണറ്റിലാണ് കുട്ടി അപകടത്തിൽപെട്ടത്. ഉടൻ തന്നെ മുക്കൂട്ടുതറയിലെ അസ്സീസ്സി ആശുപത്രിയിലെത്തിച്ചെങ്കിലും, മരണം സംഭവിക്കുകയായിരുന്നു. മുട്ടപ്പള്ളിയിലെ വാടകവീട്ടിലാണ് ഇവർ താമസിക്കുന്നത്.

ഈ വീടിനോട് ചേർന്ന് ആൾ മറയില്ലാത്ത കിണറുണ്ടായിരുന്നു. കളിക്കുന്നതിനിടെ കുട്ടി അപ്രതീക്ഷിതമായി കിണറ്റിൽ വീഴുകയായിരുന്നു. ശബ്ദം കേട്ട് ഓടിയെത്തിയ മാതാപിതാക്കൾ കണ്ടത് കുട്ടി കിണറ്റിൽ വീണ് കിടക്കുന്നതാണ്. ഉടൻ തന്നെ കുട്ടിയെ പുറത്ത് എടുത്തെങ്കിലും മരണം സംഭവിച്ചിരുന്നു.

കുഞ്ഞിന്റെ തലയിൽ മുറിവുണ്ട് .ഉടൻ തന്നെ മുക്കൂട്ടുതറയിലെ അസ്സീസ്സി ആശുപത്രിയിലെത്തിച്ചെങ്കിലും, മരണം സംഭവിക്കുകയായിരുന്നു. മൃതദേഹം മുക്കൂട്ടുതറ അസീസി ആശുപത്രി മോർച്ചറിയിലായിരുന്നു.