ഹിന്ദു ധർമ്മ പരിഷത്തിന്റെ ആഭിമുഖ്യത്തിൽ 2012 മുതൽ ജഗദ്ഗുരു സ്വാമി സത്യാനന്ദ സരസ്വതി തിരുവടികളുടെ അദൃശ്യമായ അനുഗ്രഹാശിസ്സുകളോടെ തിരുവനന്തപുരത്ത് നടത്തിവരുന്ന 'ഹിന്ദുമഹാസമ്മേളനം' 2022 ഏപ്രിൽ 27 മുതൽ മെയ് 1 വരെ വിവിധ പരിപാടികളോടെ നടത്തപ്പെടും.

ഏപ്രിൽ 27 ന് വൈകുന്നേരം, ശ്രീ പദ്മനാഭ സ്വാമി ക്ഷേത്രത്തിന്റെ തെക്കേ നടയിലെ പ്രിയദർശിനി ക്യാമ്പസിൽ ബഹു. കേരള ഗവർണർ ശ്രീ. ആരിഫ് മുഹമ്മദ്‌ ഖാൻ ഭദ്രദീപം തെളിച്ച് സമ്മേളനത്തിന്റെ ഉദ്ഘാടനം നിർവഹിക്കും. സംപൂജ്യ ചിദാനന്ദപുരി സ്വാമികൾ മുഖ്യപ്രഭാഷണം നടത്തുന്ന ചടങ്ങിൽ സംപൂജ്യ ബ്രഹ്മപാദാനന്ദ സരസ്വതി, ശ്രീ കുമ്മനം രാജശേഖരൻ, ശ്രീ. ഒ. രാജഗോപാൽ, ശ്രീ. ചെങ്കൽ രാജശേഖരൻ നായർ തുടങ്ങിയ പ്രമുഖ വ്യക്തിത്വങ്ങൾ വേദിയിൽ സന്നിഹിതരാകും.

തുടർ ദിവസങ്ങളിൽ ഏപ്രിൽ 31 വരെയുള്ള സമ്മേളനങ്ങൾ യഥാക്രമം ശ്രീ ജെ നന്ദകുമാർ, ശ്രീ പി സി ജോർജ്, കേന്ദ്ര സഹമന്ത്രി ശ്രീ. വി മുരളീധരൻ തുടങ്ങിയ പ്രമുഖർ ഉദ്ഘാടനം നിർവഹിക്കും. ശ്രീ വിജി തമ്പി, മേജർ സുരേന്ദ്ര പൂനിയ, ശ്രീ രാജേഷ് പിള്ള, ശ്രീ. സന്ദീപ് വചസ്പതി, ശ്രീ വടയാർ സുനിൽ, അഡ്വ. കൃഷ്ണരാജ്, ശ്രീ. സന്ദീപ് വാര്യർ, അഡ്വ. ശങ്കു ടി ദാസ്, ശ്രീ. ജി കെ സുരേഷ് ബാബു ഈ ദിവസങ്ങളിൽ വേദിയിൽ സന്നിഹിതരാവുകയും പ്രഭാഷണം നടത്തുകയും ചെയ്യും.

മെയ് 1 ന് നടക്കുന്ന സമാപനദിന സമ്മേളനം ബഹു. ഗോവ ഗവർണർ ശ്രീ. പി എസ് ശ്രീധരൻ പിള്ള ഉദ്ഘാടനം ചെയ്യും. ഹിന്ദു ഐക്യവേദി സംസ്ഥാന വർക്കിംഗ്‌ പ്രസിഡന്റ്‌ ശ്രീ. വത്സൻ തില്ലങ്കേരി ചടങ്ങിൽ മുഖ്യാതിഥിയാകും. സമ്മേള വേദിയിൽ ഏപ്രിൽ 28 മുതൽ മെയ് 1 വരെ നടത്തപ്പെടുന്ന ഹിന്ദു യൂത്ത് കോക്ലെവ് ആണ് ഈ വർഷത്തെ സമ്മേളനത്തിന്റെ മുഖ്യ ആകർഷണങ്ങളിൽ ഒന്ന്.

രാവിലെ 10.30 മുതൽ വൈകിട്ട് 4.30 വരെ, ദിനംപ്രതി 4 സെഷനുകൾ എന്ന തോതിൽ വിവിധ വിഷയങ്ങളിൽ കേരളത്തിനകത്തും പുറത്തുമുള്ള പ്രമുഖർ നയിക്കുന്ന 16 സെഷനുകളാണ് പ്രസ്തുത പരിപാടിയിൽ ഉൾപ്പെടുത്തിയിരിക്കുന്നത്. സമ്മേളന നഗരിയിൽ 26 മുതൽ ആരംഭിക്കുന്ന സിദ്ധ മെഡിക്കൽ ക്യാമ്പും ലിറ്ററേച്ചർ ഫെസ്റ്റും ഗുരു രത്നം ജ്ഞാന തപസി ഉദ്ഘാടനം നിർവഹിക്കും.

വിവിധ ഹിന്ദു സംഘടനകളുടെയും മറ്റു സ്വകാര്യ സംരംഭകാരുടെയും സ്റ്റാളുകളും നഗരിയിൽ ഉണ്ടാകുന്നതാണ്. 'ഇടത് ജിഹാദി ചിരിത്ര കാപട്യങ്ങൾ മറവിയിലാഴ്ത്തിയ നമ്മുടെ ധീര ദേശാഭിമാനികളുടെ ചരിത്രം വീണ്ടെടുക്കുക എന്ന ലക്ഷ്യത്തോടെ ഏപ്രിൽ 8 ന് വൈക്കം പദ്മനാഭ പിള്ളയെ ആവാഹിച്ച, അമ്പലപ്പുഴ കരുമാടിയിലെ ശങ്കര നാരായണ ക്ഷേത്രത്തിലും

ഏപ്രിൽ 10 ന് കൊളച്ചലിൽ വേലുത്തമ്പി ദളവയുടെ ജന്മ ഗൃഹത്തിനടുത്തുള്ള സ്മാരകത്തിന് മുന്നിലും അനന്തപുരി സംഘാടക സമിതിയുടെ നേതൃത്വത്തിൽ വീരായനം, എന്നപേരിൽ ആദരിക്കൽ ചടങ്ങ് നടത്തിയിരുന്നു. സമ്മേളനത്തിന്റെ വിളംബരം എന്ന നിലയിൽ ഏപ്രിൽ 23 ന്, പ്രളയ, കോവിഡ് മഹാമാരിയുൾപ്പെടെയുള്ള ദുരിതങ്ങളിൽനിന്നും നമ്മെ രക്ഷിച്ച ശ്രീ പദ്മനാഭനോടുള്ള പ്രാർത്ഥനയായി 200 കുട്ടികളെ പങ്കെടുപ്പിച്ചുകൊണ്ടുള്ള 'വിഷ്ണു സഹസ്രനാമയജ്ഞം' (അനന്ത സഹസ്രനാമയജ്ഞം) സമ്മേളനത്തിന്റെ ഭാഗമായി, 2022 ഏപ്രിൽ 23 പത്തായമുദയ ദിവസം വൈകുന്നേരം 5 . 30 ന് ശ്രീ പദ്മനാഭന്റെ കിഴക്കേ നടയിൽ നടക്കും.

സന്ന്യാസി ശ്രേഷ്ഠന്മാരുടെ അനുഗ്രഹാശ്ശിസുകളോടെ, ഹിന്ദു ധർമ്മ പരിഷത് അദ്ധ്യക്ഷൻ ശ്രീ എം. ഗോപലിന്റെ നേതൃത്വത്തിൽ ശ്രീ. കുമ്മനം രാജശേഖരൻ രക്ഷാധികാരിയായി, ഉദയ സമുദ്ര ഗ്രൂപ്പ് ഓഫ് ഹോട്ടൽസ് എം ഡി, എസ് രാജശേഖരൻ നായർ ചെയർമാനും യുവരാജ് ഗോകുൽ ജനറൽ കൺവീനറും എസ് പ്രദീപ് ട്രഷററുമായിക്കൊണ്ട് അനന്തപുരിയിലെ പൗരപ്രമുഖർ അംഗങ്ങളായുള്ള ഒരു സംഘാടക സമിതിയാണ് സമ്മേളനത്തിന്റെ സുഗമമായ നടത്തിപ്പിനായി പ്രവർത്തിച്ചു വരുന്നത്.കേരളത്തിനകത്തും പുറത്തുമുള്ള ദേശീയവാദികളും ഹൈന്ദവ സ്വാഭിമാനികളുമായ ആയിരങ്ങൾ അനന്തപുരി ഹിന്ദു മഹാ സമ്മേളന നഗരിയിൽ അണിചേരും.