സമൂഹമാധ്യമങ്ങളിലൂടെ യുവതിയുടെ നഗ്നചിത്രങ്ങൾ പ്രചരിപ്പിച്ചെന്ന കേസിൽ യുവാവ് അറസ്റ്റിൽ. യുവതിയുടെ മുൻ കാമുകനാണ് അറസ്റ്റിലായത്.  കണ്ണൻദേവൻ കമ്പനി നല്ലതണ്ണി എസ്റ്റേറ്റിൽ ഈസ്റ്റ് ഡിവിഷനിലെ ഡി. സന്തോഷി (27) നെയാണ് മൂന്നാർ എസ്.എച്ച്.ഒ. മനേഷ്ക പൗലോസിന്റെ നേതൃത്വത്തിൽ അറസ്റ്റുചെയ്തത്. ഇരുപതുവയസ്സുകാരിയുടെ പരാതിയിലാണ് നടപടി.

പ്രതിയെ ദേവികുളം കോടതിയിൽ ഹാജരാക്കി റിമാൻഡുചെയ്തു. യുവതിയുമായി മൂന്നുവർഷമായി ഇയാൾ പ്രണയത്തിലായിരുന്നു. എന്നാൽ, അടുത്തിടെ യുവതി മറ്റൊരാളുമായി അടുത്തു. ഇതിന്റെ വൈരത്തിൽ, കൈവശമുണ്ടായിരുന്ന ചിത്രങ്ങൾ ഇയാൾ പുതിയ കാമുകനും ബന്ധുക്കൾക്കും സമൂഹമാധ്യമങ്ങളിലൂടെ അയയ്ച്ച് പകരം വീട്ടുകയായിരുന്നു.