കോടതികളിലെ ഒഴിവുകള് നികത്തും, കാലഹരണപ്പെട്ട നിയമങ്ങള് ഉപേക്ഷിക്കണം, കോടതി വ്യവഹാരങ്ങള് പ്രാദേശിക ഭാഷകളിലാക്കുന്നത് പ്രോത്സാഹിപ്പിക്കണം... ജുഡീഷ്യല് സംവിധാനം കൂടുതല് ശക്തിപ്പെടുത്തണമെന്ന് പ്രധാനമന്ത്രി നരേന്ദ്ര മോദി
കോടതികളിലെ ഒഴിവുകള് നികത്തും, കാലഹരണപ്പെട്ട നിയമങ്ങള് ഉപേക്ഷിക്കണം, കോടതി വ്യവഹാരങ്ങള് പ്രാദേശിക ഭാഷകളിലാക്കുന്നത് പ്രോത്സാഹിപ്പിക്കണം... ജുഡീഷ്യല് സംവിധാനം കൂടുതല് ശക്തിപ്പെടുത്തണമെന്ന് പ്രധാനമന്ത്രി നരേന്ദ്ര മോദി .
മുഖ്യമന്ത്രിമാരുടെയും ഹൈക്കോടതി ചീഫ് ജസ്റ്റിസുമാരുടെയും സംയുക്ത സമ്മേളനം ഉദ്ഘാടനം ചെയ്ത് സംസാരിക്കവേയായിരുന്നു പ്രധാനമന്ത്രി പറഞ്ഞത്. കോടതി നടപടികളില് കൂടുതല് സാങ്കേതിക സംവിധാനങ്ങള് ഏര്പ്പെടുത്തണമെന്നും പ്രധാനമന്ത്രി പറഞ്ഞു. കോടതി വ്യവഹാരങ്ങള് പ്രാദേശിക ഭാഷകളിലാക്കുന്നത് പ്രോത്സാഹിപ്പിക്കേണ്ടതാണ്. നീതിന്യായ വ്യവസ്ഥയിലുള്ള ജനങ്ങളുടെ വിശ്വാസം ഇത് വര്ധിപ്പിക്കുമെന്നും പ്രധാനമന്ത്രി വ്യക്തമാക്കി.
കൂടാതെ ദീര്ഘകാലമായി രാജ്യത്തെ ജയിലുകളില് വിചാരണ കാത്ത് കഴിയുന്ന 3.5 ലക്ഷം പേരുടെ കേസുകള് പരിശോധിച്ച് അവരെ ജാമ്യത്തില് വിട്ടയക്കാന് കഴിയുമോ എന്ന് പരിശോധിക്കണം. സാധാരണ പൗരന്മാര്ക്ക് വേഗത്തിലുള്ളതും സമയബന്ധിതവുമായ നീതി ലഭ്യമാക്കുന്നതിന് ജുഡീഷ്യറിക്ക് വഴിയൊരുക്കാന് ചര്ച്ചകള് സഹായിക്കുമെന്നും അദ്ദേഹം പറഞ്ഞു.
അതേസമയം യോഗത്തില് ചീഫ് ജസ്റ്റിസ് സര്ക്കാരുകള്ക്കെതിരെ രൂക്ഷ വിമര്ശനമാണ് നടത്തിയത്. നിയമപ്രകാരം സര്ക്കാരുകള് പ്രവര്ത്തിച്ചാല് കോടതിക്ക് ഇടപെടേണ്ടി വരില്ലെന്നും ജനങ്ങള്ക്ക് കോടതിയിലെത്തേണ്ടി വരില്ലെന്നും ജസ്റ്റിസ് എന് വി രമണ പറഞ്ഞു.
സര്ക്കാര് സംവിധാനം യഥാവിധം പ്രവര്ത്തിച്ചാല് കോടതികളുടെ ഭാരം കുറയുമെന്നും കോടതി ഉത്തരവുകള് നടപ്പാക്കാന് സര്ക്കാരുകള് കാലതാമസം വരുത്തുകയും ചെയ്യുന്നു. സര്ക്കാരില് നിന്ന് നീതി കിട്ടാത്തതിനാല് ജനങ്ങള്ക്ക് കോടതികളിലേക്ക് എത്തേണ്ട അവസ്ഥ. അന്യായമായ അറസ്റ്റും പീഡനവും പോലീസ് ഒഴിവാക്കേണ്ടതാണ്.
https://www.facebook.com/Malayalivartha
