ഡോളറിനെതിരെ രൂപയുടെ മൂല്യത്തിൽ വർധന. 13 പൈസയുടെ വർധനയോടെ 95.63ലേക്കാണ് രൂപയുടെ മൂല്യം ഉയർന്നത്. ഓഹരി വിപണിയിലെ മുന്നേറ്റവും വിദേശ നിക്ഷേപത്തിന്റെ ഒഴുക്കുമാണ് രൂപയ്ക്ക് കരുത്തായി മാറിയത്. ഇതിന് പുറമേ പലിശനിരക്കിൽ മാറ്റം വരുത്താതെ അമേരിക്കൻ കേന്ദ്രബാങ്ക് പ്രഖ്യാപിച്ച പണ, വായ്പ നയവും രൂപയ്ക്ക് ശക്തി പകരുകയും ചെയ്തു.

തുടർച്ചയായ അഞ്ചാം തവണയാണ് 3.5 ശതമാനം മുതൽ 3.75 ശതമാനം വരെയുള്ള പരിധി തുടരാനായി അമേരിക്കൻ കേന്ദ്ര ബാങ്ക് തീരുമാനിച്ചത്.
‌ഇന്നലെ ആറു പൈസയുടെ നേട്ടത്തോടെ 95.76ലാണ് രൂപ ക്ലോസ് ചെയ്തത്. കഴിഞ്ഞ ഏതാനും ദിവസങ്ങൾക്കകം ഏകദേശം ഒരു രൂപയിലധികമാണ് മുന്നേറിയത്. ഇതിന് പുറമേ ഇന്ത്യ മുഖ്യമായി ആശ്രയിക്കുന്ന ബ്രെൻഡ് ക്രൂഡ് വില ബാരലിന് 90 ഡോളറിൽ താഴെ തന്നെ നിൽക്കുന്നതും രൂപയ്ക്ക് കരുത്തായി മാറി.

അതിനിടെ ഓഹരി വിപണിയും ഇന്ന് നേരിയ നേട്ടത്തിലാണ്. കഴിഞ്ഞ ദിവസത്തെ പോലെ ഐടി സൂചികയിൽ ഉണ്ടായ മുന്നേറ്റം തന്നെയാണ് ഇന്നും വിപണിയിൽ പ്രതിഫലിച്ചത്.

ടെക് മഹീന്ദ്ര, ഒഎൻജിസി, ഹിൻഡാൽകോ, എച്ച്‌സിഎൽ ടെക് ഓഹരികൾ നേട്ടം ഉണ്ടാക്കിയപ്പോൾ അൾട്രാ ടെക് സിമന്റ്, അദാനി പോർട്‌സ്, ഏഷ്യൻ പെയിന്റ്‌സ്, ഇന്റർഗ്ലോബ് ഏവിയേഷൻ എന്നിവയിൽ നേട്ടമുണ്ടായി.