മതവിദ്വേഷ പ്രസംഗം; പിസി ജോര്ജ്ജിനെതിരെ വീണ്ടും കേസ്! പുതിയ കേസ്, ജാമ്യം റദ്ദാക്കണമെന്ന അപേക്ഷ നാളെ മജിസ്ട്രേറ്റ് കോടതി പരിഗണിക്കാനിരിക്കെ.. ഇത്തവണ കുരുക്ക് മുറുക്കുമെന്ന് പോലീസ്, വകുപ്പുകള് സ്ട്രോങ്..
മുന് എംഎല്എ പിസി ജോര്ജ്ജിനെതിരെ വീണ്ടും കേസ്. മതവിദ്വേഷ പ്രസംഗം നടത്തിയെന്നാരോപിച്ച് പാലാരിവട്ടം പോലീസാണ് പിസി ജോര്ജ്ജിനെതിരെ കേസെടുത്തത്.
153 എ, 295 എന്നീ വകുപ്പുകള് പ്രകാരമാണ് പിസിക്കെതിരെ കേസെടുത്തിരിക്കുന്നത്. വെണ്ണല മഹാദേവ ക്ഷേത്രത്തിലെ സപ്താഹ യജ്ഞ സമാപന പരിപാടയില് മുസ്ലീം മത വിഭാഗത്തിനെതിരെ പ്രകോപനപരമായ പ്രസംഗം നടത്തിയതിനാണ് കേസെടുത്തിരിക്കുന്നത്.
ഹിന്ദു മഹാപരിഷത്ത് തിരുവനന്തപുരത്ത് നടത്തിയ 'അനന്തപുരി ഹിന്ദു മഹാസമ്മേളനം' ഉദ്ഘാടനം ചെയ്യുമ്പോഴാണ് പി സി ജോര്ജ് വിവാദ പ്രസംഗം നടത്തിയത്. ഇതിന്റെ പേരില് നേരത്തെ തിരുവനന്തപുരം ഫോര്ട്ട് പൊലീസ് സ്റ്റേഷന് എസ് പിയുടെ നേത്വത്തില് പിസിയെ കസ്റ്റഡിയില് എടുത്ത് അറസ്റ്റ് ചെയ്തിരുന്നു. തുടര്ന്ന് മണിക്കൂറുകള് നീണ്ട നാടകീയ നീക്കങ്ങള്ക്കൊടുവില് പിസി പുഷ്പം പോലെ ജാമ്യത്തിലിറങ്ങുകയാണ് ഉണ്ടായത്. ജാമ്യമില്ലാ വകുപ്പുകളായ 153 എ 295 എ എന്നീ വകുപ്പുകളാണ് അന്നും അദ്ദേഹത്തിന്റെ മേല് ചാര്ത്തിയിരുന്നത്.
ഈരാറ്റുപേട്ടയിലെ അദ്ദേഹത്തിന്റെ വീട്ടില് പുലര്ച്ചെയാണ് എത്തി കസ്റ്റഡിയിലെടുത്തത്. അതേസമയം പൊലീസ് വണ്ടിയില് കയറാന് പി സി ജോര്ജ് തയാാറായില്ല. പി സി ജോര്ജ് സ്വന്തം വാഹനത്തിലാണ് ഫോര്ട്ട് സ്റ്റേഷനിലേക്ക് എത്തിയത്. ഒപ്പം മകന് ഷോണ് ജോര്ജും ഉണ്ടായിരുന്നു.
കച്ചവടം ചെയ്യുന്ന മുസ്ലീങ്ങള് പാനീയങ്ങളില് വന്ധ്യത വരുത്താനുള്ള മരുന്നുകള് ബോധപൂര്വം കലര്ത്തുന്നു. മുസ്ലീങ്ങള് അവരുടെ ജനസംഖ്യ വര്ധിപ്പിച്ച് ഇതൊരു മുസ്ലിം രാജ്യമാക്കി മാറ്റാന് ശ്രമിക്കുന്നു, മുസ്ലിം പുരോഹിതര് ഭക്ഷണത്തില് മൂന്ന് പ്രാവശ്യം തുപ്പിയ ശേഷം വിതരണം ചെയ്യുന്നു, മുസ്ലിം കച്ചവടക്കാര് അവരുടെ സ്ഥാപനങ്ങള് അമുസ്ലിം മേഖലകളില് സ്ഥാപിച്ച് അവരുടെ സമ്പത്ത് കവര്ന്നു കൊണ്ടുപോകുന്നു തുടങ്ങി വളരെ ഗൗരവമായ നുണയാരോപണങ്ങളാണ് അദ്ദേഹം പ്രസംഗിച്ചതെന്നും പിസികികെതിരെയുള്ള പരാതിയില് പറയുന്നു.
കേസ് എടുക്കണമെന്നാവശ്യപ്പെട്ട് യൂത്ത് ലീഗ് ഉള്പ്പെടെ ഡിജിപിക്ക് പരാതി നല്കിയിരുന്നു. ഹിന്ദു മുസ്ലീം വൈരം ഉണ്ടാക്കുന്ന രീതിയിലും മതസ്പര്ധ വളര്ത്തുന്ന രീതിയിലും പ്രകോപനപരമായി പ്രസംഗിച്ചതിനാണ് കേസെന്ന് എഫ്ഐആറില് പറയുന്നു.
എന്നാല് മണിക്കൂറുകള് നീണ്ട നാടകീയ രംഗങ്ങള്ക്കൊടുവില് പിസി ജോര്ജ്ജിനെ വഞ്ചിയൂരിലെ മജിസ്ട്രേറ്റിന്റെ മുന്നില് ഹജറാക്കിയെങ്കിലും മിനിറ്റുകള്ക്കുള്ളില് ജാമ്യം വാങ്ങി പടിയിറങ്ങുന്ന കാഴ്ചയാണ് കേരളം കണ്ടത്. അതിനിടയിലാണ് ഇപ്പോള് വീണ്ടും പിസിയെ കുരുക്കി പാലാരിവട്ടം പോലീസ് രംഗത്ത് വന്നിരിക്കുന്നത്.
അതേസമയം ജോര്ജിന്റെ ജാമ്യംറദ്ദാക്കണമെന്ന അപേക്ഷ നാളെ മജിസ്ട്രേറ്റ് കോടതി പരിഗണിക്കാനിരിക്കെയാണ് വീണ്ടും കേസെടുത്തിരിക്കുന്നത്.
https://www.facebook.com/Malayalivartha
