ബാത്ത്റൂമില് നിന്നൊക്കെയാണ് മോളെന്നെ വിളിച്ചിരുന്നത്, അവസാനം വരെ അവളുടെ കൂടെ ഉണ്ടായിരുന്നത് ഞാനാണ്, അതി കഠിനമായ പീഡനങ്ങള് എന്റെ മോള് അനുഭവിച്ചു, മോളെ കിരണ് വീട്ടില് നിന്ന് പുറത്തിറക്കില്ലായിരുന്നു, കിരണ് മാത്രമാണ് കുറ്റക്കാരനാണെന്ന് കരുതുന്നില്ല, അവന് മറ്റാരുടെയൊക്കെയോ പ്രേരണയിലാണ് ഇതൊക്കെ ചെയ്തതെന്ന് വിസ്മയയുടെ അമ്മ...!
വിസ്മയ കേസില് കിരണ് കുമാറിനുള്ള ശിക്ഷ കോടി വിധികുമ്പോൾ മകളെ ഓർത്ത് വേദനിക്കുന്ന ആ അമ്മ എല്ലാവർക്കും നൊമ്പരമായിരുന്നു. അമ്മ സജിത വീട്ടിലെ ടിവിയിലൂടെയാണ് വിധി പ്രഖ്യാപനം കേട്ടത്.വിധി പ്രഖ്യാപനം കേള്ക്കാന് വിസ്മയയുടെ അച്ഛന് ത്രിവിക്രമന് നായര് കോടതിയിലെത്തിയിരുന്നു.
കിരണ് കുമാറിനുള്ള ശിക്ഷ കുറഞ്ഞുപോയെന്നും ജീവപര്യന്തമാണ് പ്രതീക്ഷിച്ചത് പക്ഷെ അത് ലഭിച്ചില്ലെന്നും വിസ്മയയുടെ അമ്മ മാധ്യമങ്ങളോട് പ്രതികരിച്ചു. കൂടുതല് ശിക്ഷതേടി മേല്ക്കോടതിയെ സമീപിക്കുന്ന കാര്യം പരിശോധിക്കുമെന്നും അമ്മ വ്യക്തമാക്കി.
അവസാനം വരെ അവളുടെ കൂടെ ഉണ്ടായിരുന്നത് ഞാനാണ്, അതി കഠിനമായ പീഡനങ്ങള് എന്റെ മോള് അനുഭവിച്ചു.അവസാന സമയത്തൊന്നും മോളെ കിരണ് വീട്ടില് നിന്ന് പുറത്തിറക്കില്ലായിരുന്നു. ബാത്ത്റൂമില് നിന്നൊക്കെയാണ് മോളെന്നെ വിളിച്ചിരുന്നത്. കിരണ് മാത്രമാണ് കുറ്റക്കാരനാണെന്ന് കരുതുന്നില്ല, അവന് മറ്റാരുടെയൊക്കെയോ പ്രേരണ കൊണ്ടാണ് കിരണ് ഇങ്ങനെ ഒക്കെ ചെയ്തത് എന്ന് വിശ്വസിക്കുന്നു. അതിന്റെ കേസുകള് പുറകെ വരുന്നുണ്ട്.
പ്രോസിക്യൂട്ടറും പൊലീസ് ഉദ്യോഗസ്ഥരും വേഗത്തില് അന്വേഷിച്ച് സത്യം കണ്ടെത്തി. അതിന് അവരോട് നന്ദി പറയുന്നുവെന്നും അമ്മ പറയുന്നു. വേഗത്തില് ശിക്ഷ നടപ്പാക്കിയത് സമൂഹത്തിന് ഒരു മാതൃകാപരമായ സൂചനയാണ്. അതില് സര്ക്കാരിനോടും മാധ്യമപ്രവര്ത്തകരോടും നന്ദി പറയുന്നു. കേസില് കൂടുതല് ശിക്ഷ കിരണിന് കിട്ടാനായി ഏതറ്റം വരെ പോകാനാവുമോ അതുവരെ പോകുമെന്നും അമ്മ പറഞ്ഞു.
കേസില് ഭര്ത്താവ് കിരണ് കമാരിന് 10 വര്ഷം തടവാണ് കൊല്ലം ജില്ലാ അഡീഷണല് സെഷന്സ് കോടതി വിധിച്ചത്. മൂന്ന് വകുപ്പുകളിലായി 18 വര്ഷം ശിക്ഷയാണ് കോടതി വിധിച്ചത്. ഐപിസി 304 പ്രകാരം 10 വര്ഷവും, 306 അനുസരിച്ച് ആറുവര്ഷവും, 498 അനുസരിച്ച് രണ്ടുവര്ഷവുമാണ് കോടതി ശിക്ഷ വിധിച്ചത്. ശിക്ഷ ഒരുമിച്ച് അനുഭവിച്ചാല് മതി. പന്ത്രണ്ടര ലക്ഷം രൂപ പിഴയും അടയ്ക്കണം. രണ്ടുലക്ഷം രൂപ വിസ്മയയുടെ മാതാപിതാക്കള്ക്ക് നല്കണം.
https://www.facebook.com/Malayalivartha
