പുതുമുഖ നടിയെ പീഡിപ്പിച്ചെന്ന കേസില് ദുബായില് ഒളിവില് കഴിയുന്ന നടനും നിര്മാതാവുമായ വിജയ് ബാബു ഇന്ന് കൊച്ചിയിലെത്തിയേക്കും.... കോടതി അറസ്റ്റ് തടഞ്ഞിട്ടില്ലാത്തതിനാല് വിമാനത്താവളത്തില്വെച്ചു തന്നെ പിടികൂടാനുള്ള ഒരുക്കത്തിലാണ് പോലീസ്
പുതുമുഖ നടിയെ പീഡിപ്പിച്ചെന്ന കേസില് ദുബായില് ഒളിവില് കഴിയുന്ന നടനും നിര്മാതാവുമായ വിജയ് ബാബു ഇന്ന് കൊച്ചിയിലെത്തിയേക്കും. 30-ന് കൊച്ചിയിലെത്തുമെന്ന് വിജയ് ബാബുവിന്റെ അഭിഭാഷകന് ഹൈക്കോടതിയില് അറിയിച്ചിട്ടുണ്ടായിരുന്നു.
വിജയ് ബാബു കീഴടങ്ങുമെന്ന് അറിയിപ്പ് ലഭിച്ചിട്ടില്ലെന്നാണ് പോലീസ് പറയുന്നത്. ഹൈക്കോടതിയില് വിമാനടിക്കറ്റിന്റെ പകര്പ്പ് എത്തിച്ച ദിവസം റെഡ് കോര്ണര് നോട്ടീസ് പുറപ്പെടുവിക്കാനുള്ള നടപടികള് തുടങ്ങിയിരുന്നു. കോടതി അറസ്റ്റ് തടഞ്ഞിട്ടില്ലാത്തതിനാല് വിമാനത്താവളത്തില്വെച്ചു തന്നെ പിടികൂടാനുള്ള ഒരുക്കത്തിലാണ് പോലീസ്. അതിനാല് ടിക്കറ്റ് റദ്ദാക്കുമോയെന്ന സംശയവും പോലീസിനുണ്ട്.
ഒളിവില് കഴിയവേ വിജയ് ബാബുവിന് രണ്ട് ക്രെഡിറ്റ് കാര്ഡുകള് ഒരു നടന് കൊച്ചിയില് നിന്ന് എത്തിച്ചു നല്കിയതായും ഒരു നടിയുടെ നേതൃത്വത്തില് പരാതിക്കാരിയെ പിന്തിരിപ്പിക്കാന് ശ്രമം നടത്തിയതായും കണ്ടെത്തി. വിജയ് ബാബുവിനെതിരേ തെളിവുകള് ശക്തമാണെന്ന് പോലീസ്.
"
https://www.facebook.com/Malayalivartha
