നെന്മാറ ഇരട്ടക്കൊലപാതകക്കേസിൽ വധശിക്ഷയ്ക്കു വിധിക്കപ്പെട്ട പ്രതി ചെന്താമര കോടതിയിൽ മുറിയിൽ കാണിച്ച് കൂട്ടിയത് നടുക്കുന്ന കാര്യങ്ങൾ. അന്വേഷണ ഉദ്യോഗസ്ഥന് പൊലീസ് സ്റ്റൈലിൽ സല്യൂട്ട് നൽകിയിരിക്കുകയാണ് ചെന്താമര . ഡിവൈഎസ്‌പി എൻ.മുരളീധരനു കോടതി വരാന്തയിൽ വച്ചാണു പ്രതി സല്യൂട്ട് നൽകിയത്.

വിധിക്കുശേഷം ഡിവൈഎസ്‌പി, ചെന്താമരയെ കണ്ടു സംസാരിച്ചു . പിന്നീടു പോകാൻ ഇറങ്ങിയപ്പോഴായിരുന്നു പൊലീസ് ഉദ്യോഗസ്ഥരുടെ സാന്നിധ്യത്തിൽ അറ്റൻഷനായി നിന്നു പ്രതി സല്യൂട്ട് ചെയ്തത് . വിധി കേൾക്കുമ്പോഴും ജയിലിലേക്കു മാറ്റുമ്പോഴും പ്രതിക്കു യാതൊരു കൂസലും ഉണ്ടായിരുന്നില്ല .

രണ്ടു പേരെ കൊന്നു; 100 കൊല്ലം വേണമെങ്കിലും എന്നെ ശിക്ഷിച്ചോളൂ; എത്രയും പെട്ടെന്നു വിധി വേണം. ഇനി പുറത്തിറങ്ങേണ്ട. ആരേയും കാണേണ്ട...’ പ്രതികാരം അവസാനിച്ചിരിക്കുന്നു എന്നാണ് നേരത്തെ കോടതിയിൽ ചെന്താമര പറഞ്ഞത് .