തോക്ക് ചൂണ്ടി കള്ളന് കമ്മല് ഊരി വാങ്ങിയെന്ന് പരാതിയുമായി വീട്ടമ്മ ..... മകളും മരുമകനും പള്ളിയില് പോയ സമയത്ത് കള്ളന് വീട്ടിലെത്തി ഭീഷണിപ്പെടുത്തി ഉപദ്രവിച്ചു കമ്മലുമായി കടന്നു
തോക്ക് ചൂണ്ടി കള്ളന് കമ്മല് ഊരി വാങ്ങി..... മകളും മരുമകനും പള്ളിയില് പോയ സമയത്ത് കള്ളന് വീട്ടിലെത്തി ഭീഷണിപ്പെടുത്തി ഉപദ്രവിച്ചു, പരാതിയുമായി വീട്ടമ്മ
കാട്ടാക്കട മുതിയാവിള കളിയാകോട് ശാലോം നിവാസില് വാടകയ്ക്കു താമസിക്കുന്ന കേള്വിശക്തിയില്ലാത്ത കുമാരി (56) യുടെ കമ്മലാണ് കവര്ന്നെടുത്തത്. ഇന്നലെ രാവിലെ ഏഴോടെയായിരുന്നു സംഭവം നടന്നത്. മകള് ജ്യോതിയും ഭര്ത്താവ് രതീഷും പള്ളിയില്പ്പോയ സമയത്തായിരുന്നു മോഷ്ടാവ് വന്നത്.
കുമാരി ഒരു മുറിയിലും രതീഷിന്റെ ആറും ഏഴും വയസ്സുള്ള മക്കള് മറ്റൊരു മുറിയിലുമായിരുന്നു കിടന്നിരുന്നത്. കുട്ടികളുടെ മുറിയിലേക്കു പോകാന് തുടങ്ങവെയാണ് മുഖംമൂടി ധരിച്ചയാളെ വീടിനുള്ളില് കണ്ടത് എന്ന് കുമാരി പോലീസിനു നല്കിയ പരാതിയില് പറയുന്നു.
ഭയന്നുപോയ വീട്ടമ്മയ്ക്ക് ബഹളം വയ്ക്കാന് കഴിഞ്ഞില്ല. ഈ തക്കത്തിന് മുഖംമൂടിയും, കൈയുറയും ധരിച്ചിരുന്ന ആള് തോക്ക് ചൂണ്ടി കമ്മല് ഊരിനല്കാന് ആവശ്യപ്പെടുകയും മുതുകില് ഇടിക്കുകയും ചെയ്തെന്ന് പരാതിയില് പറഞ്ഞു.
കമ്മല് കൈക്കലാക്കിയശേഷം തന്നെ പിടിച്ചുതള്ളി പിന്നിലെ വാതില് തുറന്ന് പുറത്തേക്ക് ഓടുകയായിരുന്നു. രതീഷ് എത്തിയാണ് കാട്ടാക്കട പോലീസിനെ വിവരം അറിയിച്ചത്. വീട്ടിലെ അലമാരയില് കുറച്ചു പണം ഉണ്ടായിരുന്നുവെങ്കിലും നഷ്ടപ്പെട്ടിട്ടില്ല. ഞായറാഴ്ചകളില് രതീഷും ഭാര്യയും പള്ളിയില് പോകുന്നത് മനസ്സിലാക്കിയ ആരോ ആയിരിക്കണം മോഷണത്തിനു പിന്നിലെന്നും, കൈയുറ ധരിച്ചതാണ് തോക്ക് എന്ന് വീട്ടമ്മ തെറ്റിദ്ധരിച്ചതെന്നും കാട്ടാക്കട പോലീസ് പറയുന്നു. രാവിലെ ഏഴോടെ രണ്ടുപേര് ബൈക്കില് വീടിനടുത്തുകൂടി പോയതു കണ്ടതായി നാട്ടുകാര് പോലീസിനെ വിവരം നല്കിയിട്ടുണ്ട്.
"
https://www.facebook.com/Malayalivartha
