കടയ്ക്കലില് രണ്ട് ബസുകള് തമ്മില് കൂട്ടിമുട്ടിയുണ്ടായ അപകടം... അപകടത്തില്പ്പെട്ട് കടയ്ക്കല് ആശുപത്രിയിലും മെഡിക്കല് കോളേജിലും ചികിത്സയില് കഴിയുന്നവരെ ആരോഗ്യ വകുപ്പ് മന്ത്രി വീണാ ജോര്ജ് സന്ദര്ശിച്ചു
കടയ്ക്കലില് കെഎസ്ആര്ടിസി ബസും ടൂറിസ്റ്റ് ബസ്സും കൂട്ടിയിടിച്ച് അപകടത്തില്പ്പെട്ട് കടയ്ക്കല് ആശുപത്രിയിലും മെഡിക്കല് കോളേജിലും ചികിത്സയില് കഴിയുന്നവരെ ആരോഗ്യ വകുപ്പ് മന്ത്രി വീണാ ജോര്ജ് സന്ദര്ശിച്ചു. ക്രമീകരണങ്ങള് വിലയിരുത്തുകയും വിദഗ്ധ ചികിത്സ ലഭ്യമാക്കാന് ആശുപത്രി സൂപ്രണ്ടിന് മന്ത്രി നിര്ദേശം നല്കുകയും ചെയ്തു.
കൊല്ലം മടത്തറ കുളത്തുപുഴ മേലെ മുക്കിലാണ് സംഭവം.പാറശാലയില് നിന്ന് തെന്മലയിവേക്ക് പോയ ടൂറിസ്റ്റ് ബസും മടത്തറയില് നിന്ന് കുളത്തുപുഴയിലേക്ക് പോയ കെഎസ്ആര്ടിസി വേണാട് ബസുമാണ് കൂട്ടിയിടിച്ച് അപകടത്തില് പെട്ടത്. രണ്ട് ബസ്സുകളും അമിത വേഗതയിലായിരുന്നുവെന്ന് ദൃക്സാക്ഷികള് പറയുന്നു. ടൂറിസ്റ്റ് ബസ് ഡ്രൈവറെ, വാഹനം വെട്ടി പൊളിച്ചാണ് പുറത്തെടുത്തത്.
രണ്ട് ആശുപത്രിയിലും മതിയായ ജീവനക്കാരെ ഉറപ്പ് വരുത്തിയിട്ടുണ്ട്. കടയ്ക്കല് ആശുപത്രിയില് നിസാര പരിക്കുകളുള്ള 15 പേരാണ് ചികിത്സയിലുള്ളത്. 42 പേരെ മെഡിക്കല് കോളേജ് ആശുപത്രിയയില് പ്രവേശിപ്പിച്ചു. ഒരാളുടെ നില ഗുരുതരമാണ്. കെഎസ്ആര്ടിസി ഡ്രൈവര്ക്ക് സാരമായ പരിക്കേറ്റിട്ടുണ്ട്.
പരിക്കേറ്റവരെ റെഡ് സോണിലും യെല്ലോ സോണിലും വിദഗ്ധ ചികിത്സ നല്കി എമര്ജന്സി ട്രോമ വാര്ഡില് പ്രവേശിപ്പിച്ചു. മെഡിക്കല് കോളേജില് പ്രത്യേക വാര്ഡ് തുറക്കാന് നിര്ദേശം നല്കി. പരിക്കേറ്റവരെ പറ്റിയറിയാന് മന്ത്രിയുടെ നിര്ദേശ പ്രകാരം മെഡിക്കല് കോളേജില് കണ്ട്രോള് റൂം തുറന്നിട്ടുണ്ട്. ഫോണ് നമ്പര് 0471 2528300
https://www.facebook.com/Malayalivartha
