കോഴിക്കോട് മൂവായിരത്തോളം പാക്കറ്റ് നിരോധിത പുകയില ഉല്‍പ്പന്നങ്ങളുമായി രണ്ടുപേര്‍ പിടിയില്‍...
കോഴിക്കോട് മൂവായിരത്തോളം പാക്കറ്റ് നിരോധിത പുകയില ഉല്‍പ്പന്നങ്ങളുമായി രണ്ടുപേര്‍ പിടിയില്‍. സിറ്റി ഡെപ്യൂട്ടി പൊലീസ് കമ്മീഷണര്‍ ആമോസ് മാമ്മന്റെ നിര്‍ദ്ദേശപ്രകാരം ആന്റി നാര്‍ക്കോട്ടിക് സെല്‍ അസിസ്റ്റന്റ് കമ്മീഷണര്‍ എ.ജെ.ജോണ്‍സന്റെ നേതൃത്വത്തിലുള്ള ഡിസ്ട്രിക്ട് ആന്റി നാര്‍ക്കോട്ടിക് സ്‌പെഷ്യല്‍ ആക്ഷന്‍ ഫോഴ്‌സും നല്ലളം വെള്ളയില്‍ പോലീസ് സ്റ്റേഷനും സംയുക്തമായി നടത്തിയ പരിശോധനയിലാണ് നിരോധിത പുകയില ഉല്‍പ്പന്നങ്ങള്‍ കണ്ടെടുത്തത്.
കോഴിക്കോട് സിറ്റിയില്‍ ഇന്നലെ നടന്ന റെയ്ഡില്‍ കോന്നാട് സ്വദേശി തോട്ടുങ്ങല്‍ വീട്ടില്‍ ഉസ്മാന്‍, അരക്കിണര്‍ ചാക്കീരിക്കാട് പറമ്പ് ബെയ്ത്തുല്‍ ഷഹദ് വീട്ടില്‍ റിയാസ് (46 )എന്നിവരാണ് അറസ്റ്റിലായത്.
പുതിയ അധ്യയന വര്‍ഷം ആരംഭിച്ചതു മുതല്‍ വിദ്യാര്‍ത്ഥികളെ ലക്ഷ്യമിട്ട് ലഹരി വില്‍പന നടത്തുന്ന മയക്കുമരുന്ന് മാഫിയക്കെതിരെ പൊലീസ് പരിശോധന ശക്തമാക്കിയിട്ടുണ്ടായിരുന്നു. അതിന്റെ ഭാഗമായി ഡന്‍സാഫിനെ ഉടച്ചു വാര്‍ത്ത് പ്രവര്‍ത്തനങ്ങള്‍ ഏകോപിപ്പിച്ചിരിക്കുകയാണ് ജില്ലാ പോലീസ് മേധാവിയുടെ ചുമതലയുള്ള ആമോസ് മാമ്മന്‍ ഐ.പി.എസ്.
നിരോധിത പുകയില ഉത്പനങ്ങള്‍ വില്‍ക്കുന്നവര്‍ക്കെതിരെ കര്‍ശന നടപടികള്‍ സ്വീകരിക്കുന്നതിന് ഡന്‍സാഫിന് പ്രത്യേക നിര്‍ദേശം നല്‍കിയിരുന്നു. വിദ്യാര്‍ത്ഥികളില്‍ ലഹരി ഉപയോഗം തടയുന്നതിനായി സ്‌കൂള്‍ പരിസരത്ത് ഡന്‍സാഫ് രഹസ്യമായി നിരീക്ഷണം നടത്തി വരുന്നു.
കസബ പന്നിയങ്കര വെള്ളയില്‍ നല്ലളം എന്നീ പോലീസ് സ്റ്റേഷന്‍ പരിധിയില്‍ നിന്നും നാലായിരത്തോളം പാക്കറ്റ് നിരോധിത പുകയില ഉല്‍പന്നങ്ങളാണ് ഡന്‍സാഫിന്റെ സഹായത്തോടെ ഇതുവരെ പിടിച്ചെടുത്തത്.
നിയമപരമായ ലൈസന്‍സുകളൊന്നുമില്ലാതെ കടനടത്തുകയായിരുന്ന റിയാസിന്റെ കടയില്‍ നിന്നും കൂള്‍ ലിപ് ഹാന്‍സ് എന്നിവയാണ് പിടിച്ചെടുത്തത്.
"
https://www.facebook.com/Malayalivartha
