കൊച്ചിയിൽ ലോഡ്ജ് കേന്ദ്രീകരിച്ച് മയക്കുമരുന്ന് കച്ചവടം പൊടിപൊടിക്കുന്നു, മയക്കുമരുന്ന് ഇടപാടുകള് നടത്തുന്നതിനിടെ നാല് യുവാക്കള് പോലീസ് പിടിയിൽ, പ്രതികളില് നിന്ന് എംഡിഎംഎയും കഞ്ചാവും പിടിച്ചെടുത്തു...!
02 JULY 2022 04:25 PM IST
മലയാളി വാര്ത്ത
കൊച്ചിയിൽ ലോഡ്ജ് കേന്ദ്രീകരിച്ച് മയക്കുമരുന്ന് കച്ചവടം നടത്തിയ നാല് യുവാക്കളെ പോലീസ് പിടികൂടി.അരൂക്കുറ്റി പൂച്ചാക്കല് സ്വദേശി അക്ബര് സുധീര് (35), എരമല്ലൂര് സ്വദേശി മുഹമ്മദ് റാഫി (33), അരൂക്കുറ്റിയില് താമസിക്കുന്ന റിന്ഷാദ് നൗഷാദ് (32), കുമ്ബളങ്ങി സ്വദേശി നിധിന് കൃഷ്ണ (26) എന്നിവരാണ് അറസ്റ്റിലായത്.
പള്ളുരുത്തിയില് ലോഡ്ജില് മുറിയെടുത്ത് മയക്കുമരുന്ന് ഇടപാടുകള് നടത്തുന്നതിനിടെയാണ് യുവാക്കള് പിടിയിലായത്.അമ്മ ലോഡ്ജില് നിന്നാണ് ഇവരെ പിടികൂടിയത്.
പ്രതികളില് നിന്ന് 135 ഗ്രാം എംഡിഎംഎയും 570 ഗ്രാം കഞ്ചാവും കണ്ടെടുത്തു.ലോഡ്ജിലെ താമസക്കാര് കേന്ദ്രീകരിച്ച് ഇവര് ലഹരിവില്പ്പന നടത്തി എന്ന വിവരങ്ങളും പുറത്തുവരുന്നുണ്ട്. സംഭവത്തില് പോലീസ് അന്വേഷണം ആരംഭിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
