ഔഷധവ്യാപാരികള്‍ രാജ്യവ്യാപകമായി നാളെ മെഡിക്കല്‍ സ്‌റ്റോറുകള്‍ അടച്ചിട്ട് സമരം നടത്തുന്നു. ഓണ്‍ലൈന്‍ മരുന്ന് വ്യാപാരം രാജ്യത്ത് നിയമാനുസൃതമാക്കാനുള്ള കേന്ദ്രസര്‍ക്കാര്‍ നീക്കത്തില്‍ പ്രതിഷേധിച്ചാണ് സമരം. ഓള്‍ കേരള കെമിസ്റ്റ്്‌സ് ആന്‍ഡ് ഡ്രഗിസ്റ്റ്്‌സ് അസോസിയേഷനാണ് സംസ്ഥാനത്ത് സമരത്തിന് നേത്വത്വം നല്‍കുന്നത്.

1940ലെ ഫാര്‍മസി ചട്ടം ഭേദഗതിചെയ്ത് ഓണ്‍ലൈന്‍ വഴിയുള്ള മരുന്ന് വില്‍പന നിയമാനുസൃതമാക്കാനുള്ള നീക്കങ്ങള്‍ക്കാണ് കേന്ദ്രസര്‍ക്കാര്‍ തുടക്കമിട്ടിരിക്കുന്നത്. ഇതേകുറിച്ച് പഠിക്കാന്‍ നിര്‍ദേശിച്ച മൂന്നംഗ സമിതി ഈ മാസം 21നകം റിപ്പോര്‍ട്ട് നല്‍കും. വിപണി വിലയേക്കാള്‍ മുപ്പത് മുതല്‍ അന്‍പത് ശതമാനം വരെ വിലക്കുറവില്‍ മരുന്ന് ആവശ്യക്കാര്‍ക്ക് ഓണ്‍ലൈന്‍ വഴി ലഭ്യമാകും എന്നതാണ് ഒരു നേട്ടം. എന്നാല്‍ ഡോക്ടര്‍മാരുടെ കുറിപ്പടി ഇല്ലാതെ മരുന്ന് വില്‍പന നടത്തുന്നത് ഗുണത്തേക്കാള്‍ ഏറെ ദോഷം ചെയ്യുമെന്നാണ് മെഡിക്കല്‍ സ്‌റ്റോര്‍ ഉടമകളുടെ സംഘടനയുടെ നിലപാട്. ഒപ്പം മരുന്നുകളുടെ ഗുണനിലവാരം ഉറപ്പ് വരുത്താനും കഴിയില്ല.

സംസ്ഥാനത്തെ 13,000 ത്തോളം ഔഷധവ്യാപാരികള്‍ നാളെ നടക്കുന്ന കടയടപ്പ് സമരത്തില്‍ പങ്കെടുക്കുന്നുണ്ട്. അത്യാവശ്യസാഹചര്യത്തില്‍ മരുന്ന് വിതരണം തടസപ്പെടാതിരിക്കാന്‍ ബദല്! മാര്‍ഗം ഏര്‍പ്പെടുത്തിയിട്ടുണ്ടെന്ന് എ.കെ.സി.ഡി.എ അറിയിച്ചു. ഇക്കാര്യം ഡ്രഗ് കണ്‍ട്രോളറെയും അറിയിച്ചിട്ടുണ്ട്. കാരുണ്യ ഫാര്‍മസി അടക്കം സര്‍ക്കാരിന് കീഴിലും സഹകരണസംഘങ്ങളുടെ കീഴിലും പ്രവര്‍ത്തിക്കുന്ന മെഡിക്കല്‍ സ്‌റ്റോറുകള്‍ നാളെ തുറന്ന് പ്രവര്‍ത്തിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha