15 കാരന് തമാശ ആധി ഒഴിയാതെ പോലീസ് രാത്രി മുഴുവന്‍ ട്രെയിനുകള്‍ അരിച്ചുപെറുക്കി. റെയില്‍വേ സ്‌റ്റേഷനില്‍ ബോബ് വച്ചിട്ടുണ്ടെന്ന വ്യാജ സന്ദേശത്തെ തുടര്‍ന്നു രണ്ടു മണിക്കൂറോളം ട്രെയിന്‍ ഗതാഗതം തടസപ്പെട്ടു. സംഭവവുമായി ബന്ധപ്പെട്ടു പത്താം ക്ലാസുകാരന്‍ പോലീസ് പിടിയിലായി. കഴിഞ്ഞ രാത്രി 12 ഓടെ എറണാകുളം പോലീസ് കണ്‍ട്രോള്‍ റൂമിലാണ് വ്യാജസന്ദേശമെത്തിയത്. ആലുവ റെയില്‍വേ സ്‌റ്റേഷനില്‍ ബോബ് വച്ചിട്ടുണ്ടെന്ന് പറഞ്ഞ ശേഷം ഫോണ്‍ കട്ടാക്കി.
 ഇതേതുടര്‍ന്ന് എറണാകുളത്ത് നിന്നും ബോംബ് സ്‌ക്വാഡും ആലുവ പോലീസും റെയില്‍വേ സ്‌റ്റേഷനിലെത്തി രണ്ട് മണിക്കൂറോളം പരിശോധന നടത്തി. യാത്രക്കാരുടെ ബാഗുകളും പാര്‍സല്‍ ഓഫീസില്‍ സൂക്ഷിച്ചിരുന്ന ലഗേജുകളുമെല്ലാം വിശദമായി പരിശോധിച്ചെങ്കിലും ഒന്നും കണ്ടെത്താനായില്ല. ഇതിനിടെ എറണാകുളം, തൃശൂര്‍ ഭാഗങ്ങളില്‍ നിന്നും വന്ന ട്രെയിനുകള്‍ സ്‌റ്റേഷനിലേക്ക് പ്രവേശിക്കാതെ നിര്‍ത്തിയിട്ടു. പരിശോധനകള്‍ പൂര്‍ത്തിയാക്കി വ്യാജ സന്ദേശമാണെന്ന ഉറപ്പിച്ച ശേഷം പുലര്‍ച്ചെ രണ്‌ടോടെയാണ് ഗതാഗതം പുനരാരംഭിച്ചത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha