മഴക്കെടുതി: ഇടുക്കി, പത്തനംതിട്ട ജില്ലകളിലെ ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് നാളെ അവധി
സംസ്ഥാനത്തെ ജില്ലകളിൽ മഴ ശക്തമാകുന്ന സാഹചര്യത്തിൽ വിദ്യാഭ്യാസ സ്ഥാപനങ്ങൾക്ക് അവധി. കനത്ത മഴയുടെ പശ്ചാത്തലത്തില് രണ്ട് ജില്ലകളിലെ ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കാണ് ജില്ലാ കളക്ടര്മാര് അവധി പ്രഖ്യാപിച്ചത്. ഇതേത്തുടര്ന്ന് ഇടുക്കി ജില്ലയിലെ വിവിധ താലൂക്കുകളില് ദുരിതാശ്വാസ ക്യാമ്പുകളായി പ്രവര്ത്തിക്കുന്ന എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി ആയിരിക്കുമെന്ന് ജില്ലാ കളക്ടര് അറിയിച്ചു.
നിലവിൽ പത്തനംതിട്ട ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും നാളെ കളക്ടര് അവധി പ്രഖ്യാപിച്ചിട്ടുണ്ട്. എന്നാല്, മുന് നിശ്ചയിച്ച പ്രകാരമുള്ള യൂണിവേഴ്സിറ്റി പരീക്ഷകള്ക്ക് മാറ്റമുണ്ടായിരിക്കുന്നതല്ല.
അതേസമയം ആലപ്പുഴ കുട്ടനാട് താലൂക്കിൽ നാളെ അവധി പ്രഖ്യാപിച്ചു. ഇവിടത്തെ പ്രഫഷണല് കോളജുകളും അങ്കണവാടികളും ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് വി ആര് കൃഷ്ണ തേജ നാളെ അവധി പ്രഖ്യാപിച്ചു. ജില്ലയില് മറ്റു താലൂക്കുകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും ബുധനാഴ്ച അവധിയായിരിക്കും.
https://www.facebook.com/Malayalivartha
