75-ാം സ്വാതന്ത്ര്യ ദിന ആഘോഷങ്ങള്ക്ക് രാജ്യമെങ്ങും ആവേശത്തുടക്കം.... പ്രധാനമന്ത്രി നരേന്ദ്ര മോദി ഇന്ന് രാവിലെ ചെങ്കോട്ടയില് പതാക ഉയര്ത്തും, തുടര്ന്ന് പ്രധാനമന്ത്രി രാജ്യത്തെ അഭിസംബോധന ചെയ്യും, സ്വാതന്ത്ര്യദിന ആഘോഷത്തിന്റെ ഭാഗമായി രാജ്യതലസ്ഥാനത്ത് കനത്ത സുരക്ഷയാണ് ഏര്പ്പെടുത്തി
75-ാം സ്വാതന്ത്ര്യ ദിന ആഘോഷങ്ങള്ക്ക് രാജ്യമെങ്ങും ആവേശത്തുടക്കം.... പ്രധാനമന്ത്രി നരേന്ദ്ര മോദി ഇന്ന് രാവിലെ ചെങ്കോട്ടയില് പതാക ഉയര്ത്തും, തുടര്ന്ന് പ്രധാനമന്ത്രി രാജ്യത്തെ അഭിസംബോധന ചെയ്യും, സ്വാതന്ത്ര്യദിന ആഘോഷത്തിന്റെ ഭാഗമായി രാജ്യതലസ്ഥാനത്ത് കനത്ത സുരക്ഷയാണ് ഏര്പ്പെടുത്തി.
സഹനസമരങ്ങളിലൂടെയും നീണ്ട പോരാട്ടത്തിലൂടെയും ധീരദേശാഭിമാനികളുടെ ത്യാഗങ്ങളിലൂടെയും ഇന്ത്യ നേടിയ സ്വാതന്ത്ര്യത്തിന്റെ എഴുപത്തഞ്ചാം വാര്ഷികത്തിന്റെ സമാപനം ഇന്ന് നടക്കും. ചെങ്കോട്ടയില് നിന്ന് മോദി രാജ്യത്തെ അഭിസംബോധന ചെയ്യുന്നത് ഒമ്പതാം തവണയാണ്.
അതേസമയം പുതിയ വികസനപദ്ധതികളും ഇന്ന് പ്രധാനമന്ത്രി സ്വാതന്ത്യദിന സന്ദേശത്തോടൊപ്പം പ്രഖ്യാപിച്ചേക്കും. സ്വാതന്ത്ര്യ ദിന ആഘോഷങ്ങള്ക്കുള്ള തയ്യാറെടുപ്പ് ചെങ്കോട്ടയില് നേരത്തെ തന്നെ പൂര്ത്തിയായി കഴിഞ്ഞിരുന്നു. രാവിലെ 7.30 ന് പ്രധാനമന്ത്രി ചെങ്കോട്ടയില് പതാക ഉയര്ത്തും. പതാക ഉയര്ത്തുന്ന സമയത്ത് ഇന്ത്യ തദ്ദേശീയമായി വികസിപ്പിച്ച അഡ്വാന്സ്ഡ് ടൌഡ് ആര്ടിലറി ഗണ് സിസ്റ്റം ഉപയോഗിച്ചാകും ഇരുപത്തിയൊന്ന് ആചാര വെടി മുഴക്കുക. ആദ്യമായാണ് സ്വാതന്ത്ര്യ ദിനത്തില് ഗണ് സല്യൂട്ടിന് തദ്ദേശീയമായി വികസിപ്പിച്ച സംവിധാനം ഉപയോഗിക്കുന്നത്7000 അതിഥികളെയാണ് ചെങ്കോട്ടയിലെ സ്വാതന്ത്ര്യദിന ആഘോഷത്തിന് ക്ഷണിച്ചിരിക്കുന്നത്
2020-ല് കോവിഡ് വ്യാപിച്ചപ്പോള് ഏര്പ്പെടുത്തിയ നിയന്ത്രണങ്ങള് നീക്കിയശേഷമുള്ള സ്വാതന്ത്ര്യദിനാഘോഷമാണ് ഇക്കുറി. ചടങ്ങില് വിവിധ മേഖലകളില്നിന്ന് 7000 പേര് ക്ഷണിതാക്കളായുണ്ടാകും.
സ്വാതന്ത്ര്യദിനം പ്രമാണിച്ച് മൂന്നുദിവസമായി കനത്ത സുരക്ഷയിലാണ് രാജ്യതലസ്ഥാനനഗരം. ചെങ്കോട്ട പുറത്തുനിന്ന് കാണാന് കഴിയാത്തവിധം ഒരാഴ്ചമുമ്പുതന്നെ ലോഹപ്പലക നിരത്തി മറച്ചു. ഞായറാഴ്ച രാത്രി 12 മുതല് ഉച്ചയ്ക്ക് 12 വരെ ചെങ്കോട്ടയിലേക്കുള്ള റോഡുകളില് വാഹനങ്ങള്ക്ക് പ്രവേശനമില്ല. ചെങ്കോട്ടയ്ക്കുചുറ്റുമുള്ള ഉയര്ന്ന കെട്ടിടങ്ങളില് എന്.എസ്.ജി. കമാന്ഡോകള് നിലയുറപ്പിച്ചിട്ടുണ്ട്. നിരീക്ഷണക്യാമറകളും ഡോഗ് സ്ക്വാഡ് ഉള്പ്പെടെയുള്ള സുരക്ഷാവിഭാഗങ്ങളെയും വിന്യസിച്ചു. ചെങ്കോട്ടയില് പ്രത്യേക കണ്ട്രോള് റൂമുകള് തുറന്നിട്ടുണ്ട്.
പരിസരങ്ങളിലെ 1000 സി.സി.ടി.വി. ക്യാമറകളിലെ ദൃശ്യങ്ങള് ഓരോ നിമിഷവും നിരീക്ഷിക്കുന്നു. 5000 പ്രത്യേക സുരക്ഷാഭടന്മാരെയും പോലീസ് ഉദ്യോഗസ്ഥരെയും വിന്യസിച്ചു. സുരക്ഷ മുന്നിര്ത്തി ഡല്ഹിയിലും പരിസരത്തും ആന്റി ഡ്രോണ് സംവിധാനവും ഏര്പ്പെടുത്തി. പി.സി.ആര്. വാനുകളടക്കം 70 സായുധവാഹനങ്ങള് സജ്ജീകരിച്ചിട്ടുണ്ട്. ഏതുതരത്തിലുള്ള ആക്രമണത്തെയും നേരിടാന് സര്വസജ്ജമാണെന്ന് സുരക്ഷാസേന.
https://www.facebook.com/Malayalivartha
