കണ്ണൂരില് വാഹനാപകടത്തില് യുവാവിന് ദാരുണാന്ത്യം... വാഹനാപകടത്തില് കാറും ബൈക്കും പൂര്ണ്ണമായും കത്തി നശിച്ചു
കണ്ണൂരില് വാഹനാപകടത്തില് കാറും ബൈക്കും കൂട്ടിയിടിച്ചു യുവാവ് ദാരുണമായി മരിച്ചു. കണ്ണപുരം മുച്ചിലോട്ട് കാവിന് സമീപം പഴയങ്ങാടി പാപ്പിനിശേരി കെ.എസ്.ടി.പി.റോഡില് കാറും ബൈക്കും കൂട്ടിയിടിച്ചു ഇരു വാഹനങ്ങളും പൂര്ണ്ണമായും കത്തി നശിച്ചു.
സംഭവത്തില് ഒരാള് മരിക്കുകയും ഒരാള്ക്ക് ഗുരുതരമായി പൊള്ളലേല്ക്കുകയും ചെയ്തു. കര്ണ്ണാടക ചീക്ക് മംഗ്ഗൂര് സ്വദേശിയായ ഷംഷിര് (25) ആണ് മരണപെട്ടത്.സുഹൃത്തായ കൂടെയുണ്ടായിരുന്ന ബൈക്ക് യാത്രികനായ മാലിക്ക് (26) നെ ഗുരുതരമായി പൊള്ളലേറ്റ് കണ്ണൂര്പരിയാരം ഗവ: മെഡിക്കല് കോളേജ് തിവ്രപരിചരണ വിഭാഗത്തില് പ്രവേശിപ്പിച്ചു.
വാഹനങ്ങള് തമ്മിലുണ്ടായ ഇടിയെ തുടര്ന്ന് കാര് ഡ്രൈവര് ഇറങ്ങിയോടിയതിനാല് മോറാഴ സ്വദേശി രാധാകൃഷ്ണന് അത്ഭുതകരമായി രക്ഷപെട്ടു. ഷംഷിറിന്റെ മൃതദേഹം മോര്ച്ചറിയിലേക്ക് മാറ്റി. കണ്ണപുരം പോലിസ്ഇന്ക്വസ്റ്റ് നടത്തി. രാവിലെ ഏഴ് മണിയോടെയാണ് അപകടമുണ്ടായത്. സ്വിഫ്റ്റ് കാറും ബൈക്കും കൂട്ടിയിടിച്ചാണ് അപകടമുണ്ടായത്.
https://www.facebook.com/Malayalivartha
