ഇരട്ടി ശക്തിമാന്... സംസ്ഥാനത്തിന്റെ നാഥനായ ഗവര്ണര്ക്കെതിരെ നീങ്ങുന്ന ഏത് സിന്ഡിക്കേറ്റായാലും നിലയ്ക്ക് നിര്ത്താന് ഗവര്ണര്; കണ്ണൂര് വിസിക്ക് എതിരെ നടപടിയിലേക്ക്; ഗവര്ണര്ക്കെതിരെ പ്രമേയം പാസാക്കിയാല് സിന്ഡിക്കേറ്റിനെതിരേയും നടപടി; പച്ചക്കൊടിയുമായി കേന്ദ്രവും
സംസ്ഥാനത്തിന്റെ നാഥനാണ് ഗവര്ണര്. ഒരു സര്ക്കാരിനെ മറിച്ചിടാന് പോലും അധികാരമുള്ള ഗവര്ണറോടാണ് കേവലം തന്റെ കീഴിലുള്ള സര്വകലാശാലയും സിന്ഡിക്കേറ്റും കളിക്കുന്നത്. അതിനാല് തന്നെ സര്വകലാശാലകളിലെ ചട്ട ലംഘനങ്ങളില് കടുത്ത നടപടിയിലേക്ക് ഗവര്ണര് പോകും. പ്രിയ വര്ഗീസിന്റെ വിവാദ നിയമനത്തില് കണ്ണൂര് വിസിക്ക് എതിരെ ഉടന് നടപടിയിലേക്ക് നീങ്ങും.
വിസിക്ക് ഷോ കോസ് നോട്ടീസ് ഉടന് നല്കി നടപടിയിലേക്ക് പോകും. സ്റ്റേ നടപടിക്ക് എതിരെ സര്വകലാശാലയുടെ നിയമ നടപടിയും രാജ് ഭവന് നിരീക്ഷിക്കുന്നു. വി സി അപ്പീല് പോകുമെന്ന് നേരത്തെ അറിയിച്ചെങ്കിലും ഗവര്ണ്ണര്ക്ക് എതിരെ അപ്പീല് നില നില്ക്കുമോ എന്ന സംശയം ഉയരുന്നുണ്ട്. അതിനിടെ ഗവര്ണ്ണര്ക്ക് എതിരെ ഇന്നു ചേരുന്ന കേരള സര്വകലാശാല സെനറ്റ് യോഗം പ്രമേയം കൊണ്ട് വരാന് നോക്കുന്നുണ്ട്.
വിസി നിയമനത്തില് ഗവര്ണ്ണര് ഏകപക്ഷീയമായി സേര്ച്ച് കമ്മിറ്റി ഉണ്ടാക്കി എന്ന് ആരോപിച്ചാണ് നീക്കം. പ്രമേയം വന്നാല് കേരള വിസിക്കും എതിരെ ഗവര്ണ്ണര് നടപടി എടുത്തേക്കും. ഗവര്ണര് രൂപീകരിച്ച സേര്ച്ച് കമ്മിറ്റിയിലേക്ക് കേരള സര്വകലാശാല ഇത് വരെ നോമിനിയെ നല്കിയിട്ടില്ല. സിന്ഡിക്കേറ്റ് ഗവര്ണര്ക്കെതിരെ നീങ്ങിയാലും നടപടിയുണ്ടാകും.
അതേ സമയം, കണ്ണൂര് സര്വകലാശാലയിലെ അസോസിയേറ്റ് പ്രൊഫസര് നിയമനത്തില് ചട്ടങ്ങള് ലംഘിക്കപ്പെട്ടിട്ടില്ലെന്ന് ആവര്ത്തിച്ച് മുഖ്യമന്ത്രിയുടെ പ്രൈവറ്റ് സെക്രട്ടറി കെ കെ രാഗേഷിന്റെ ഭാര്യ പ്രിയ വര്ഗീസ് രംഗത്തെത്തി. വിമര്ശനം ഉന്നയിക്കുന്നവര്ക്ക് യുജിസി ചട്ടത്തെപ്പറ്റി ലവലേശം അറിവില്ല. എഫ്ഡിപി കാലയളവ് അധ്യാപന പരിചയമായി കണക്കാക്കാം എന്നാണ് ചട്ടം. എഫ്ഡിപി സ്റ്റഡീ ലീവ് അല്ല എന്ന് സര്വ്വകലാശാല രക്ഷാ'സംഘ'ക്കാര്ക്ക് മനസ്സിലായിട്ടില്ലെന്നും യുജിസി ചട്ടം പകുതി മാത്രം വായിച്ചാണ് വിമര്ശനമെന്നും പ്രിയ വര്ഗീസ് ഫേസ്ബുക്കില് കുറിച്ചു.
അതേസമയം പ്രിയ വര്ഗീസിന്റെ നിയമനം മരവിപ്പിച്ച ഗവര്ണ്ണറുടെ നടപടിക്കെതിരെ ഹൈക്കോടതിയെ സമീപിക്കുന്ന കാര്യത്തില് കണ്ണൂര് സര്വകലാശാല ആശയക്കുഴപ്പത്തിലാണ്. നിയമനടപടി സ്വീകരിക്കാന് സിന്റിക്കേറ്റ് വിസിയെ ചുമതലപ്പെടുത്തിയെങ്കിലും അപ്പീല് പോകുന്നത് കൂടുതല് ആലോചനയ്ക്ക് ശേഷം മതി എന്നാണ് നിയമോപദേശം.
അതിനിടെ പ്രിയ്ക്കും പാരയായി ഹര്ജി വന്നു. പ്രിയ വര്ഗീസിനെ ഒഴിവാക്കി പട്ടിക പുനക്രമീകരിക്കണമെന്നാവശ്യപ്പെട്ട് ഡോ. സ്കറിയ തോമസ് ഹൈക്കോടതിയെ സമീപിച്ചിട്ടുണ്ട്. പ്രിയ വര്ഗീസിനെ ഒഴിവാക്കി അസോസിയേറ്റ് പ്രൊഫസര് നിയമന പട്ടിക പുന പ്രസിദ്ധീകരിക്കാന് നടപടി ആവശ്യപ്പെട്ടാണ് റാങ്ക് പട്ടികയില് രണ്ടാ സ്ഥാനത്തുള്ള ഡോ. ജോസഫ് സ്കറിയ ഹൈക്കോടതിയെ സമീപിച്ചത്. ഹര്ജി തിങ്കഴാഴ്ച കോടതി പരിഗണിക്കും.
എരിതീയില് എണ്ണയൊഴിച്ച് പ്രതിപക്ഷ നേതാവ് വിഡി സതീശനും രംഗത്തെത്തി. സംസ്ഥാനത്തെ സര്വകലാശാലകളിലെ മുഴുവന് ബന്ധു നിയമനങ്ങളും അന്വേഷിക്കാന് ചാന്സലറായ ഗവര്ണര് തയാറാവണമെന്ന് വിഡി സതീശന് പറഞ്ഞു. കണ്ണൂര് സര്വകലാശാലയില് നടന്നത് സ്വജന പക്ഷപാതവും ക്രമ വിരുദ്ധമായ നടപടികളും തന്നെയാണ്.
അതില് രാഷ്ടീയം കലര്ത്തേണ്ടതില്ലെന്നും ഗവര്ണറുടെ നിലപാടിനെ പിന്തുണച്ചുകൊണ്ട് അദ്ദേഹം പറഞ്ഞു. സര്വകലാശാല നിയമനവുമായി ബന്ധപ്പെട്ട് സംസ്ഥാന സര്ക്കാര് കൊണ്ടുവരുന്ന ബില്ല് ഇഷ്ടക്കരെ നിയമിക്കാന് വേണ്ടി മാത്രമുള്ളതാണ്. പാര്ട്ടി ബന്ധുക്കള്ക്ക് വേണ്ടി സര്വകലാശാലകളില് സംവരണം ഏര്പ്പെടുത്തിയിരിക്കുകയാണ്. ബില്ലിനെ നിയമസഭയില് എതിര്ക്കും. ഗവര്ണ്ണറുടെ നിലപാടിനെ പിന്തുണക്കുമെന്നും വിഡി സതീശന് പറഞ്ഞു.
"
https://www.facebook.com/Malayalivartha
