ലൈംഗിക പങ്കാളികള്‍ കൂടുതല്‍ പൂരുഷന്മാര്‍ക്കോ സ്ത്രീകള്‍ക്കോ എന്ന ചര്‍ച്ചയില്‍ കേരളവും എത്തുകയാണ്. നമ്മുടെ സങ്കല്പങ്ങളുടെ പൊളിച്ചെഴുത്താണ് ദേശീയ സര്‍വേ നല്‍കുന്നത്. രാജ്യത്ത് നടത്തിയ സര്‍വേയില്‍ ലൈംഗിക പങ്കാളികളായി ഒന്നിലധികം പേരുള്ളത് പുരുഷന്‍മാരേക്കാള്‍ കൂടുതല്‍ സ്ത്രീകള്‍ക്കാണെന്ന് കണ്ടെത്തിയിരിക്കുന്നത്.

2019 മുതല്‍ 2021 വരെയുള്ള കാലഘട്ടത്തില്‍ രാജ്യത്തെ 28 സംസ്ഥാനങ്ങളിലേയും എട്ട് കേന്ദ്രഭരണ പ്രദേശങ്ങളിലേയും 707 ജില്ലകള്‍ കേന്ദ്രീകരിച്ച് നടത്തിയ ദേശീയ കുടുംബാരോഗ്യ സര്‍വേയിലാണ് ഇക്കാര്യം പറയുന്നത്. കേരളമടക്കമുള്ള 11 സംസ്ഥാനങ്ങളിലും കേന്ദ്ര ഭരണ പ്രദേശങ്ങളില്‍ ശരാശരി സ്ത്രീകള്‍ക്ക് പുരുഷന്മാരേക്കാള്‍ കൂടുതല്‍ ലൈംഗിക പങ്കാളികളുണ്ടെന്നും സര്‍വേ പറയുന്നു.

കേരളത്തിലടക്കംപുരുഷന്മാരേക്കാള്‍ കൂടുതല്‍ ലൈംഗിക പങ്കാളികള്‍ സ്ത്രീകള്‍ക്കെന്ന് കണ്ടെത്തിയത് അല്‍പം ഞെട്ടലോടെയാണ് കേള്‍ക്കുന്നത്. 1.1 ലക്ഷം സ്ത്രീകളിലും ഒരു ലക്ഷം പുരുഷന്‍മാരിലും നടത്തിയ ദേശീയ കുടുംബാരോഗ്യ സര്‍വേയിലാണ് കണ്ടെത്തല്‍. കേരളം കൂടാതെ രാജസ്ഥാന്‍, ഹരിയാന, ചണ്ഡിഗഡ്, ജമ്മു കശ്മീര്‍, ലഡാക്ക്, മധ്യപ്രദേശ്, അസം, ലക്ഷദ്വീപ്, പുതുച്ചേരി, തമിഴ്‌നാട് എന്നിവിടങ്ങളിലാണ് സ്ത്രീകളുടെ ശരാശരി ലൈംഗിക പങ്കാളികളുടെ എണ്ണം പുരുഷന്മാരേക്കാള്‍ കൂടുതലുള്ളത്.

അതേസമയം മറ്റൊരു കണക്കില്‍ പുരുഷന്‍മാരാണ് മുമ്പില്‍. എന്നാല്‍ ഭാര്യയോ പങ്കാളിയോ ആയി ഒരാള്‍ ഉള്ളവര്‍, മറ്റുള്ളവരുമായി ലൈംഗിക ബന്ധത്തില്‍ ഏര്‍പ്പെടുന്ന പുരുഷന്മാരുടെ എണ്ണം സ്ത്രീകളെക്കാള്‍ കൂടുതലാണ്. നാല് ശതമാനം പുരുഷന്‍മാരാണ് ഇത്തരത്തില്‍ ഭാര്യയോ പങ്കാളിയോ ഉണ്ടായിരിക്കെ മറ്റുള്ളവരുമായി ലൈംഗിക ബന്ധം പുലര്‍ത്തിയത്. എന്നാല്‍ ഭര്‍ത്താവോ പങ്കാളിയായി ഇരിക്കെ മറ്റൊരാളുമായി ലൈംഗിക ബന്ധം പുലര്‍ത്തിയ സ്ത്രീകള്‍ 0.5 ശതമാനം മാത്രമാണ്.

ദേശീയ കുടുംബാരോഗ്യ സര്‍വേ പ്രകാരം പല സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലും സ്ത്രീകളുടെ ശരാശരി ലൈംഗിക പങ്കാളികളുടെ എണ്ണം പുരുഷന്മാരേക്കാള്‍ കൂടുതലാണെന്നാണ് സര്‍വേ വ്യക്തമാക്കുന്നത്. രാജസ്ഥാനില്‍ സ്ത്രീകള്‍ക്ക് ശരാശരി 3.1 പങ്കാളികളുള്ളപ്പോള്‍ പുരുഷന്മാര്‍ക്ക് ഇത് 1.8 ആണ്. അതേസമയം, പങ്കാളിയോ കൂടെ താമസിച്ചവരോ അല്ലാത്ത ഒരാളുമായി ലൈംഗിക ബന്ധത്തില്‍ ഏര്‍പ്പെടുന്നതില്‍ പുരുഷന്മാരാണ് മുന്‍പില്‍ തന്നെയാണ്.

സംസ്ഥാനങ്ങളില്‍നിന്നും എട്ടു കേന്ദ്രഭരണ പ്രദേശങ്ങളില്‍ നിന്നുമായി രാജ്യത്തെ ദേശീയ കുടുംബാരോഗ്യ സര്‍വേ നടത്തിയത്. ഈ സര്‍വേ അടിസ്ഥാനമാക്കിയാണ് വാര്‍ത്ത പുറത്ത് വന്നത്. നയ രൂപീകരണത്തിനും ഫലപ്രദമായി പദ്ധതികള്‍ നടപ്പാക്കുന്നതിനും ഉപയോഗപ്രദമായ സാമൂഹിക, സാമ്പത്തിക, മറ്റു പശ്ചാത്തല സവിശേഷതകള്‍ തുടങ്ങിയവ അടിസ്ഥാനമാക്കിയുള്ള ഡേറ്റയും ഉള്‍പ്പെടുന്നതാണ് സര്‍വേ.

ഭാര്യയോ പങ്കാളിയോ ഉണ്ടായിരിക്കെ മറ്റുള്ളവരുമായി ലൈംഗിക ബന്ധത്തില്‍ ഏര്‍പ്പെടുന്ന പുരുഷന്മാര്‍ സ്ത്രീകളെക്കാള്‍ കൂടുതലാണെന്ന് സര്‍വേ റിപ്പോര്‍ട്ട് വലുതായി ചര്‍ച്ചയായിട്ടുണ്ട്. സര്‍വെയുടെ ഭാഗമായവരില്‍ കുറവല്ലാത്ത പുരുഷന്‍മാര്‍ ഇത്തരത്തില്‍ ഭാര്യ ഉണ്ടായിരിക്കെ മറ്റുള്ള സ്ത്രീകളുമായി ബന്ധത്തില്‍ ഏര്‍പ്പെടുന്നത്. എന്നാല്‍ വളരെ കുറച്ച് ശതമാനം സ്ത്രീകള്‍ മാത്രമാണ് ഭര്‍ത്താവ് ഉണ്ടായിരിക്കെ മറ്റു പുരുഷന്മാരുമായി ലൈംഗിക ബന്ധത്തില്‍ ഏര്‍പ്പെടുന്നത് എന്ന് സര്‍വേ ചൂണ്ടിക്കാട്ടുന്നു.

1.1 ലക്ഷം സ്ത്രീകളേയും 1 ലക്ഷം പുരുഷന്മാരേയും കേന്ദ്രീകരിച്ചായിരുന്നു സര്‍വേ എന്നതിനാല്‍ ഇത് ഭൂരിപക്ഷാഭിപ്രായമല്ലെന്ന വാദവും വരുന്നുണ്ട്. ദേശീയ കുടുംബാരോഗ്യ സര്‍വേ. പല സംസ്ഥാനങ്ങളില്‍ ന ിന്നും കേന്ദ്രഭരണ പ്രദേശങ്ങളില്‍നിന്നും സര്‍വേയില്‍ പങ്കെടുത്ത സ്ത്രീകളുടെ ശരാശരി ലൈംഗിക പങ്കാളികളുടെ എണ്ണം പുരുഷന്മാരേക്കാള്‍ കൂടുതലാണ്. അതിലേക്ക് കേരളം എങ്ങനെ വന്നെന്നാണ് പലര്‍ക്കും മനസിലാകാത്തത്. ഒന്നില്‍ കൂടുതല്‍ ലൈംഗിക പങ്കാളികളുള്ള സ്ത്രീകള്‍ പുരുഷന്മാരേക്കാള്‍ കൂടുതലാണെന്ന് സര്‍വേയില്‍ വ്യക്തമായതോടെ സര്‍വേ വിവരങ്ങള്‍ തപ്പുകയാണ് പലരും.