എന്റെ മകള് ചെയ്തത്... ഇന്ത്യയുടെ ശക്തനായ എതിരാളിയായിരുന്ന ഷാഹിദ് അഫ്രീദി നടത്തിയ വെളിപ്പെടുത്തലില് ഞെട്ടിത്തരിച്ച് പാകിസ്ഥാന്കാര്; എന്റെ മകള് മത്സരത്തിനിടയില് ഇന്ത്യന് പതാകയാണ് വീശിയത്; ഒരു പാകിസ്ഥാന് ടി.വി ചാനലില് അഫ്രീദി പറഞ്ഞ വാക്കുകള് ക്രിക്കറ്റ് പ്രേമികളെ അത്ഭുതപ്പെടുത്തുന്നു
ഇന്ത്യയും പാകിസ്ഥാനും തമ്മിലുള്ള ക്രിക്കറ്റ് കളി ഒരു യുദ്ധം പോലെയാണ്. ഇരു രാജ്യക്കാരും വലിയ ആവേശമാണ് കാണിക്കാറ്. കളിക്കളത്തിലും കളിക്കാര് തമ്മില് ഉരസുക പതിവാണ്.
ലോക ക്രിക്കറ്റിലെ ഏറ്റവും മികച്ച ആള് റൗണ്ടര്മാരിലൊരാളായാണ് മുന് പാകിസ്ഥാന് താരമായ ഷാഹിദ് അഫ്രീദി ഇപ്പോള് ഒരു വെളിപ്പെടുത്തല് നടത്തിയിരിക്കുകയാണ്. ഒരു പാകിസ്ഥാന് ടി.വി ചാനലില് അഫ്രീദി പറഞ്ഞ വാക്കുകളാണ് ഇപ്പോള് പാകിസ്ഥാന്, ഇന്ത്യന് ക്രിക്കറ്റ് പ്രേമികളെ അടക്കം അത്ഭുതപ്പെടുത്തിയിരിക്കുന്നത്.
കൂറ്റന് സിക്സറുകള് പായിച്ച് ബൂം ബൂം അഫ്രീദി എന്ന് കളിക്കളത്തില് വിളിപ്പേരുള്ള താരം വിവാദങ്ങളുടെയും കളിത്തോഴനാണ്. ഗൗതം ഗംഭീര് അടക്കമുള്ള ഇന്ത്യന് താരങ്ങളോട് മത്സരത്തിനിടയില് പലതവണ അഫ്രീദി വാക്കുകള് കൊണ്ട് ഉരസിയിട്ടുണ്ട്.
ഏഷ്യാ കപ്പ് സൂപ്പര് ഫോര് മത്സരത്തിനിടയില് തന്റെ മകള് നടത്തിയ രസകരമായ സംഭവമാണ് അഫ്രീദി സമാ ടി.വിയില് പങ്കുവെച്ചത്. സ്റ്റേഡിയത്തില് കഷ്ഠിച്ച് 10 ശതമാനം പാകിസ്ഥാന് ആരാധകര് മാത്രമാണ് മത്സരത്തിനിടയില് ഉണ്ടായിരുന്നത്, ബാക്കി മുഴുവന് ഇന്ത്യന് ആരാധകരായിരുന്നു. ആവശ്യത്തിന് പാകിസ്ഥാന് പതാകളും ഇല്ലായിരുന്നു. അത് കൊണ്ട് കൊണ്ട് എന്റെ ഇളയ മകള് ഇന്ത്യന് പതാകയാണ് മത്സരത്തിലുടനീളം വീശീയത്.
ഇതിന്റെ വീഡിയോ എനിക്ക് ലഭിച്ചു. പക്ഷേ അത് ഷെയര് ചെയ്യണമോ എന്ന കാര്യത്തില് അത്ര ഉറപ്പില്ലായിരുന്നു അഫ്രീദി പറഞ്ഞു. ഇന്ത്യയ്ക്കെതിരായി നടന്ന സൂപ്പര് ഫോര് മത്സരം പാകിസ്ഥാന് മുഹമ്മദ് റിസ്വാന്റെ അര്ദ്ധ സെഞ്ചുറി നേട്ടത്തോടെ വിജയിച്ചിരുന്നു. വിജയത്തെത്തുടര്ന്ന് ക്യാപ്റ്റന് ബാബര് അസമിനെ അനുമോദിച്ച അഫ്രീദി ഇന്ത്യ പാക് മത്സരത്തെ മഹത്തരമായ സ്പോര്്ട്ട് ഇവന്റ് എന്നാണ് വിശേഷിപ്പിച്ചത്.
അതേസമയം 2022 ട്വന്റി 20 ലോകകപ്പിനുള്ള ഇന്ത്യന് ക്രിക്കറ്റ് ടീമിനെ പ്രഖ്യാപിച്ചു. 15 അംഗ ടീമിനെയാണ് ബി.സി.സി.ഐ പ്രഖ്യാപിച്ചത്. രോഹിത് ശര്മ നയിക്കുന്ന ടീമില് കെ.എല്.രാഹുല് ഉപനായകനാകും. പരിക്കില് നിന്ന് മോചിതനായ ജസ്പ്രീത് ബുംറ ടീമില് തിരിച്ചെത്തി. മലയാളി താരം സഞ്ജു സാംസണ് ടീമിലില്ല. മുഹമ്മദ് ഷമി, ശ്രേയസ് അയ്യര്, രവി ബിഷ്ണോയി, ദീപക് ചാഹര് എന്നിവരെ സ്റ്റാന്ഡ് ബൈ ആയി ടീമില് ഉള്പ്പെടുത്തിയിട്ടുണ്ട്.
പരിക്കിന്റെ പിടിയിലായ രവീന്ദ്ര ജഡേജ ടീമിലില്ല. ജഡേജയ്ക്ക് പകരം അക്ഷര് പട്ടേല് കളിക്കും. വെറ്ററന് താരം രവിചന്ദ്ര അശ്വിന് ടീമിലിടം നേടി. ബാറ്റിങ് ലൈനപ്പില് രോഹിത് ശര്മ, കെ.എല്.രാഹുല്, വിരാട് കോലി, സൂര്യകുമാര് യാദവ്, ദീപക് ഹൂഡ എന്നിവര് അണിനിരക്കും. വിക്കറ്റ് കീപ്പര്മാരായി ഋഷഭ് പന്തും ദിനേശ് കാര്ത്തിക്കുമാണുള്ളത്. ഓള് റൗണ്ടര്മാരായി അക്ഷര് പട്ടേലും ഹാര്ദിക്ക് പാണ്ഡ്യയും ഹര്ഷല് പട്ടേലും ടീമിലുണ്ട്. അശ്വിന്, യൂസ്വേന്ദ്ര ചാഹല് എന്നിവരാണ് സ്പെഷ്യലിസ്റ്റ് സ്പിന്നര്മാര്. ജസ്പ്രീത് ബുംറ നയിക്കുന്ന പേസ് ബൗളര്മാരുടെ നിരയില് ഭുവനേശ്വര് കുമാര്, അര്ഷ് ദീപ് സിങ് എന്നിവരുമുണ്ട്.
ഇത്തവണ ഓസ്ട്രേലിയയാണ് ട്വന്റി 20 ലോകകപ്പിന് വേദിയാകുന്നത്. ഒക്ടോബര് 16 മുതല് നവംബര് 13 വരെയാണ് ലോകകപ്പ്. ഏഷ്യാ കപ്പ് നഷ്ടപ്പെടുത്തിയ ഇന്ത്യയ്ക്ക് ലോകകപ്പ് അതിനിര്ണായകമാണ്.
ടീം ഇന്ത്യ ഇങ്ങനെയാണ്... രോഹിത് ശര്മ (ക്യാപ്റ്റന്), കെ എല് രാഹുല് (വൈസ് ക്യാപ്റ്റന്), വിരാട് കോലി, സൂര്യകുമാര് യാദവ്, ദീപക് ഹൂഡ, ഋഷഭ് പന്ത്, ദിനേഷ് കാര്ത്തിക്ക്, ഹാര്ദിക് പാണ്ഡ്യ, ആര്. അശ്വിന്, യുസ്വേന്ദ്ര ചാഹല്, അക്ഷര് പട്ടേല്, ജസ്പ്രീത് ബുംറ, ഭുവനേശ്വര് കുമാര്, ഹര്ഷല് പട്ടേല്, അര്ഷ്ദീപ് സിങ്. സ്റ്റാന്ഡ്ബൈ കളിക്കാര് മുഹമ്മദ് ഷമി, ശ്രേയസ് അയ്യര്, രവി ബിഷ്ണോയ്, ദീപക് ചാഹര് എന്നിവരാണ്.
https://www.facebook.com/Malayalivartha
