മൂട്ടില് തീ പിടിച്ച് പിണറായി മുച്ചൂടും പുലഭ്യം തുടങ്ങി.. പേടി അത് നല്ലതാണ് ഗവര്ണ്ണക്കെതിരെ ആക്രോശം.
ഗവര്ണറെ ഭയന്ന് പിണറായി വിജയന് എന്തൊക്കെയോ വിളിച്ചു പറയുകയാണ്. ഇന്നത്തെ കണ്ണൂരിലെ മുഖ്യന്റെ പ്രകടനത്തില് അത് വ്യക്തമാവുകയാണ്. വിവാദബില്ലുകളില് ഒപ്പിടില്ലെന്ന് ഗവര്ണര് ഉറപ്പിച്ച് പറഞ്ഞതോടെയാണ് ഭയപ്പെടുത്തി കാര്യം നേടാനുള്ള തന്ത്രം സിപിഎമ്മും പിണറായിയും പയറ്റിത്തുടങ്ങിയത്. പിണറായിക്ക് പുറമേ ഗവര്ണറെ നാലുപാടും വളഞ്ഞ് ആക്രമിക്കുന്ന രീതിയാണ് ഇപ്പോള് കാണാനാകുന്നത്.
പിണറായി സര്ക്കാര് തനിക്കെതിരെ യുദ്ധം പ്രഖ്യാപിച്ചതുകൊണ്ടുതന്നെ. കേന്ദ്രം തനിക്ക് നല്കുന്ന പിന്തുണ ഉറപ്പിക്കാനാണ് ആര്എസ്എസുമായും കേന്ദ്ര നേതാക്കളുമായുള്ള ആ കൂടിക്കാഴ്ച. എന്നാല് ഈ നീക്കത്തില് ഭയന്ന സിപിഎം കടുത്ത ആക്രമണമാണ് ഗവര്ണര്ക്കു നേരെ നടത്തിക്കൊണ്ടിരിക്കുകയാണ്.
ഗവര്ണര്ക്ക് ആര്.എസ്.എസിനോട് വിധേയത്വമെന്നാണ് ഇന്ന് മുഖ്യമന്ത്രി പിണറായി വിജയന് പറഞ്ഞത്. വിദേശ ആശയത്തെ പുച്ഛിക്കുന്നെങ്കില് ഗവര്ണര്ക്ക് ജനാധിപത്യത്തെയും പുച്ഛിക്കേണ്ടിവരുമെന്നും. ഗവര്ണര് സ്ഥാനത്തിരിക്കുന്നയാള് കമ്യൂണിസ്റ്റ് പാര്ട്ടിയെ ആക്ഷേപിക്കുന്നത് ശരിയല്ലെന്നും. ഭരണഘടനാപദവിയിലിരുന്ന് വല്ലാതെ തരംതാണ് സംസാരിക്കരുത്. ആരിഫ് മുഹമ്മദ് ഖാന് രാഷ്ട്രീയ ആഭിമുഖ്യമുണ്ടാകാം. ഗവര്ണര് പദവിയിലിരുന്ന് ആ രാഷ്്ട്രീയം പറയരുത് എന്നുമാണ് പിണറായി ഇന്ന് പറഞ്ഞത്. ഗവര്ണറുടെ നീക്കങ്ങള് സര്ക്കാരിനെ ഭയപ്പെടുത്തി തുടങ്ങിയിരിക്കുന്നു എന്നുള്ളതാണ് പിണറായിയെ ഇങ്ങനെയൊക്കെ പറയാന് പ്രേരിപ്പിക്കുന്ന ഘടകം.
മാത്രമല്ല ആരിഫ് മുഹമ്മദ് ഖാന് കമ്യൂണിസ്റ്റ് വിരുദ്ധ പ്രചാരകനെന്ന് മുഖ്യമന്ത്രി. കയ്യൂക്കുകൊണ്ടല്ല കമ്യൂണിസ്റ്റുകള് അധികാരത്തില് വന്നത്. കയ്യൂക്കുകൊണ്ട് ജനങ്ങളെ ഒരുപക്ഷത്താക്കാം എന്ന് കരുതരുതെന്നും മുഖ്യമന്ത്രി ഇന്ന് പറയുകയുണ്ടായി. ഗവര്ണര് പറയുന്ന ഓരോ കാര്യങ്ങളും ഇങ്ങനെ എടുത്ത് മറുപടി പറയുന്ന പിണറായി ഇവിടെ മറ്റൊരു സൂചന കൂടിയാണ് നല്കുന്നത്. ഗവര്ണര് മാധ്യമങ്ങളോട് ഇനി എന്തു തന്നെ പ്രതികരിച്ചാലും ഞങ്ങള് തിരിച്ചടിക്കും. അതും ഒറ്റയ്ക്കല്ല കൂട്ടമായിത്തന്നെ. ആ പ്രകടനമാണ് കേരളം ഇന്ന് സിപിഎം സിപിഐ നേതാക്കളില് നിന്ന് കണ്ടത്.
മാത്രമല്ല വിവാദ ബില്ലില് ഒപ്പിടില്ലെന്ന് പറഞ്ഞത് പിണറായിയുടെ മുഖ്യമന്ത്രി പദത്തെ വെല്ലുവിളിക്കുന്നതിന് തുല്യമാവുകയാണ്. പിണറായിയെ അധികാര കസേരയില് നിന്നിളക്കാനുള്ള ഗവര്ണറുടെയും കേന്ദ്രത്തിന്റെയും നീക്കം ശക്തമായി എന്ന സൂചന കൂടി ഇവിടെ നല്കപ്പെടുന്നുണ്ട്. ലോകായുക്ത വിധി വരുന്നതോടെ അതിനെല്ലാം ക്ലൈമാക്സാകും. ഈ ബില്ലില് ഗവര്ണര് ഒപ്പിടാത്തത്തോളം കാലം പഴയ നിയമം തന്നെയാകും പ്രാബല്യത്തിലുണ്ടാവുക. ആ ഭീതിയാണ് ഇപ്പോള് പിണറായിയെ വേട്ടയാടുന്നത്
മാത്രമല്ല സര്ക്കാരിന് മുന്നിലുള്ളത് സമാനതകളില്ലാത്ത ഭരണഘടനാ പ്രതിസന്ധി കൂടെയാണ്. സര്ക്കാര് ഗവര്ണര് പോര് മുമ്പെങ്ങുമില്ലാത്ത വിധം വഷളായ സന്ദര്ഭത്തില് എന്തും പ്രതീക്ഷിക്കാമെന്നിരിക്കെ ബില്ലുകള് സാധുവാക്കാന് നിയമപരമായും രാഷട്രീയമായും പോംവഴി തേടാനാണ് സിപിഎമ്മിന്റെയും സര്ക്കാരിന്റെയും തീരുമാനം.
ലോകായുക്ത നിയമ ഭേദഗതിയും ഗവര്ണറുടെ അധികാരം വെട്ടിച്ചുരുക്കുന്ന സര്വകലാശാല നിയമ ഭേദഗതിയും ഭരണഘടനാ വിരുദ്ധമാണെന്നും അതില് ഒപ്പിടുന്ന പ്രശ്നമില്ലെന്ന് ഇന്ന് കൂടുതല് വ്യക്തമായി തന്നെ ഗവര്ണര് ആരിഫ് മുഹമ്മദ് ഖാന് പറഞ്ഞു. ബില്ലില് പ്രതിപക്ഷത്തിന്റെ രാഷ്ട്രീയ നിലപാടും ബിജെപിയുടെ പിന്തുണയും ഗവര്ണര്ക്കൊപ്പമുണ്ട്. നിയമസഭ ബില്ല് പാസാക്കിയാല് അതില് ഗവര്ണര് ഒപ്പിടുന്നതാണ് കീഴ്വഴക്കം. എന്തെങ്കിലും വിയോജിപ്പുണ്ടെങ്കില് വിശദീകരണം ചോദിക്കാറുമുണ്ട്. എന്നാല് ഇതുവരെയുള്ള പതിവു വച്ച് ഇത്തവണ കാര്യങ്ങള് മുന്നോട്ട് പോകില്ലെന്ന് ഏറെക്കുറെ ഉറപ്പായി. നിയമസഭ പാസാക്കിയ ബില്ലുകള് നിയമ വകപ്പിന്റെ പരിശോധനക്ക് ശേഷം മുഖ്യമന്ത്രിയുടെ ഓഫീസ് വഴി രാജ്ഭവനിലെത്തിയിട്ടുണ്ട്. നിയമപരമായും ഭരണഘടനാപരമായും സാധുവാണോ എന്ന് ഗവര്ണര് വിലയിരുത്താം. കൂടുതല് വിശദീകരണം തേടാനും തൃപ്തികരമല്ലെങ്കില് സര്ക്കാരിലേക്ക് തിരിച്ചയക്കാനും ഗവര്ണര്ക്ക് കഴിയും. അതുമല്ലെങ്കില് രാഷ്ട്പതിയുടെ അംഗീകാരം തേടി കേന്ദ്രത്തിന് മുന്നിലെത്തിക്കാം.
ഒപ്പിടാന് സമയപരിധി ഇല്ലെന്നിരിക്കെ ഇതൊന്നും ചെയ്യാതെ ഗവര്ണര് അനിശ്ചിതമായി തീരുമാനം നീണ്ടിക്കൊണ്ട് പോകാനുള്ള സാധ്യതയും സര്ക്കാര് തള്ളിക്കളയുന്നില്ല. ഈ ഘട്ടത്തിലാണ് ഇനി എന്തു ചെയ്യുമെന്ന ചോദ്യം സര്ക്കാരിന് മുന്നിലെത്തുന്നത്. നിയമസഭ പാസാക്കിയ ബില്ലില് ഗവര്ണര് ഒപ്പിടുന്നില്ലെന്ന് കാണിച്ച് സര്ക്കാരിന് രാഷ്ട്രപതിയെ സമീപിക്കാം. അതുമല്ലെങ്കില് ബന്ധപ്പെട്ട കക്ഷികള് വഴി സപ്രീംകോടതിയെ സമീപിക്കാനുമാകും. സര്ക്കാര് എടുത്ത തീരുമാനം അംഗീകരിക്കാന് ഗവര്ണര് ബാധ്യസ്ഥനാണെന്ന പേരറിവാളന് കേസിലെ സൂപ്രീംകോടതി വിധി അടക്കം ഇക്കാര്യത്തില് അനുകൂലമാകുമെന്നാണ് സര്ക്കാര് വൃത്തങ്ങളുടെ കണക്കുകൂട്ടല് . ഗവര്ണറുടെ അസാധാരണ വാര്ത്താ സമ്മേളനത്തോടെ സമായ സാധ്യതകളെല്ലാം അടഞ്ഞ സ്ഥിതിക്ക് അടിക്ക് തിരിച്ചടി എന്നമട്ടില് തുടര്ന്ന് പോകാമെന്ന നിലപാടിലാണ് ഇടതുമുന്നണിയും.
https://www.facebook.com/Malayalivartha
