പ്രണയം നടിച്ച് വിവാഹ വാഗ്ദാനം നൽകി പതിനേഴുകാരിയെ പീഡിപ്പിച്ച് ഗർഭിണിയാക്കിയ യുവാവ് അറസ്റ്റിൽ. ഒരു കുട്ടിയുടെ പിതാവായ കിളിമാനൂർ മുളയ്ക്കലത്തുകാവ് ചരുവിള പുത്തൻവീട്ടിൽ ശ്രീഹരി(26)ആണ് അറസ്റ്റിലായത്.

പെൺകുട്ടിയുമായി അടുപ്പത്തിൽ ആയ ശേഷം കൂട്ടിക്കൊണ്ടുപോയി ചടയമംഗലത്തെ വാടക വീട്ടിലും ലോഡ്ജുകളിലും താമസിപ്പിച്ചാണ് ഇയാൾ പീഡിപ്പിച്ചത്.

പെൺകുട്ടിയെ കാണാതായെന്ന ബന്ധുക്കളുടെ പരാതിയിൽ അന്വേഷണം നടത്തുന്നതിനിടെയാണ് കുട്ടിയെ ചടയമംഗലത്ത് കണ്ടെത്തിയത്.മുളയ്ക്കലത്തുകാവിൽ നിന്ന് നഗരൂർ പൊലീസ് പിടികൂടിയ പ്രതിയെ കോടതി റിമാൻഡ് ചെയ്തു.