സഖോ ഇന്ന് കോടതിയില്ല... സുപ്രീംകോടതി ഉത്തരവിന് പിന്നാലെ ഒമ്പത് സര്വകലാശാലയിലെയും വൈസ് ചാന്സലര്മാരോട് രാജിവെക്കാനുള്ള ഗവര്ണറുടെ നിര്ദേശം അവരെ നാണം കെടുത്തി; രാജിവച്ചില്ലെങ്കില് ഇന്നുതന്നെ പുറത്താക്കാന് നീക്കം; ഇന്ന് കോടതിയില്ലാത്തതിനാല് ഒരു ദിവസമെങ്കിലും പുറത്താക്കാന് സാധിക്കും; മഹാദേവന് പിള്ളയുടെ കാര്യം കഷ്ടം
കേരളം അസാധാരണ സാഹചര്യത്തിലേക്കാണ് പോകുന്നത്. ഗവര്ണറുടെ നിര്ദേശം മറികടന്ന് രാജിവയ്ക്കില്ലെന്നാണ് വിസിമാരുടെ തീരുമാനം. എന്നാല് പുറത്താക്കാനാണ് ഗവര്ണറുടെ തീരുമാനം. ഇന്ന് കോടതിയില്ലാത്തതിനാല് ഒരു ദിവസമെങ്കിലും പുറത്ത് നില്ക്കണം. ഇനി കോടതിയില് പോയാലും നടപടിക്രമങ്ങള് പാലിച്ചോയെന്ന് സംശയമുള്ളതിനാല് അതും പോക്കാ.
കേരള സര്വകലാശാല വിസി മഹാദേവന് പിള്ളയുടെ കാര്യമാണ് കഷ്ടം. ഇന്ന് കാലാവധി തീരുന്ന ദിവസമാണ്. അതിന് മുമ്പ് പുറത്താക്കിയാല് അത് വലിയ വിനയാകും. ഗവര്ണറുടെ നിര്ദേശപ്രകാരം രാജിവെക്കേണ്ടിവരുന്ന 9 വി.സി.മാരാണുള്ളത്. ഓരോ സര്വകലാശാലയും വിസിയും അവര് രാജിവയ്ക്കേണ്ട കാരണവും ഇങ്ങനെയാണ്.
കേരള സര്വകലാശാലയില് ഡോ. വി.പി. മഹാദേവന് പിള്ള. ചട്ടലംഘനം: സെര്ച്ച് കമ്മിറ്റി ഒരു പേരു മാത്രം നല്കി. സെര്ച്ച് കമ്മിറ്റിയില് ചീഫ് സെക്രട്ടറി അംഗം.
രണ്ടാമത്തേത് ഡോ. സാബു തോമസ് എം.ജി. സര്വകലാശാല. ചട്ടലംഘനം: സെര്ച്ച് കമ്മിറ്റി ഒരു പേരു മാത്രം നല്കി. സെര്ച്ച് കമ്മിറ്റിയില് ചീഫ് സെക്രട്ടറി അംഗം.
മൂന്നാമത് ഡോ. എം.വി. നാരായണന് കാലടി സംസ്കൃത സര്വകലാശാല. ചട്ടലംഘനം: സെര്ച്ച് കമ്മിറ്റി ഒരു പേരു മാത്രം നല്കി.
നാലാമത് ഡോ. ഗോപിനാഥ് രവീന്ദ്രന് കണ്ണൂര് സര്വകലാശാല. ചട്ടലംഘനം: ആദ്യനിയമനത്തിനായി സെര്ച്ച് കമ്മിറ്റി ഒരു പേരു മാത്രം നല്കി. സെര്ച്ച് കമ്മിറ്റിയില് ചീഫ് സെക്രട്ടറി അംഗം. സര്ക്കാര് നിര്ദേശമനുസരിച്ച് വി.സി.ക്ക് തുടര്നിയമനം.
അഞ്ചാമത് ഡോ. എം.കെ. ജയരാജ് കാലിക്കറ്റ് സര്വകലാശാല. ചട്ടലംഘനം: സെര്ച്ച് കമ്മിറ്റിയില് ചീഫ് സെക്രട്ടറി അംഗം. ഡോ. കെ.എന്. മധുസൂദനന്
ആറാമത് കൊച്ചിന് ശാസ്ത്ര-സാങ്കേതിക സര്വകലാശാല (കുസാറ്റ്). ചട്ടലംഘനം: സെര്ച്ച് കമ്മിറ്റിയില് ചീഫ് സെക്രട്ടറി അംഗം.
ഏഴാമത് ഡോ. കെ. റിജി ജോണ്. കേരള ഫിഷറീസ്-സമുദ്രപഠന സര്വകലാശാല (കുഫോസ്). ചട്ടലംഘനം: സെര്ച്ച് കമ്മിറ്റി ഒരു പേരു മാത്രം നല്കി.
എട്ടാമത് ഡോ. എം.എസ്. രാജശ്രീ. എ.പി.ജെ. അബ്ദുല്കലാം സാങ്കേതികസര്വകലാശാല. ചട്ടലംഘനം: സെര്ച്ച് കമ്മിറ്റി ഒരു പേരു മാത്രം നല്കി. സെര്ച്ച് കമ്മിറ്റിയില് ചീഫ് സെക്രട്ടറി അംഗം.
ഒമ്പതാമത് ഡോ. വി. അനില്കുമാര് തുഞ്ചത്തെഴുത്തച്ഛന് മലയാളം സര്വകലാശാല. ചട്ടലംഘനം: സെര്ച്ച് കമ്മിറ്റി രണ്ടു പേരുകള് നല്കി. ഇതിലൊരാള് പിന്നീട് പിന്മാറിയെന്ന് കണ്വീനര് അറിയിച്ചപ്പോള് ചാന്സലര് നിയമനം നല്കി. സെര്ച്ച് കമ്മിറ്റിയില് ചീഫ് സെക്രട്ടറി അംഗം.
ഇവര്ക്കെതിരെ രാജി ചോദിക്കുന്ന ഗവര്ണര് അസാധാരണമായ സാഹചര്യമാണ് സൃഷ്ടിച്ചിരിക്കുന്നത്. ഇത്തരമൊരു കേസ് രാജ്യത്തെ ഭരണഘടനാ കോടതികള്ക്കുമുമ്പില് എത്തിയിട്ടില്ല. മുഖ്യമന്ത്രിയുടെ അധ്യക്ഷതയില് യോഗം വിളിച്ചാണു ഗവര്ണര്ക്കെതിരെ ഇടതുമുന്നണി ഇന്നലെ പ്രത്യക്ഷ സമരപരിപാടികള് തീരുമാനിച്ചത്. എന്നാല്, സമര പ്രഖ്യാപനത്തിന്റെ ചൂടാറും മുന്പേ, 9 സര്വകലാശാലാ വിസിമാരുടെ രാജിയാവശ്യപ്പെട്ട് ഗവര്ണര് തിരിച്ചടിച്ചു. ഇടതുമുന്നണിയുടെ സമരം പ്രതീക്ഷിച്ചതാണെങ്കിലും ഗവര്ണറുടെ തീരുമാനം സര്ക്കാരിനും മുന്നണിക്കും അപ്രതീക്ഷിത പ്രഹരമായി.
വൈസ് ചാന്സലറെ നിയമിക്കുന്ന കാര്യത്തില് ഗവര്ണര്ക്കാണ് പൂര്ണാധികാരെമന്ന് സുപ്രീംകോടതി സാങ്കേതികസര്വകലാശാലാ വൈസ് ചാന്സലറെ നീക്കിക്കൊണ്ടുള്ള ഉത്തരവില് വ്യക്തമാക്കിയതിനാല് ഗവര്ണറുടെ നിര്ദേശത്തിന് നിയമപരമായ സാധുതയുണ്ടെന്നാണ് മുതിര്ന്ന അഭിഭാഷകര് അഭിപ്രായപ്പെട്ടത്.
ഭരണഘടന ഗവര്ണര്ക്കു നല്കുന്ന വിവേചനാധികാരത്തിലൊന്ന് ചാന്സലര് എന്നനിലയില് സ്വതന്ത്രമായി തീരുമാനം എടുക്കാമെന്നതാണ്. ചാന്സലറെന്നനിലയില് ഗവര്ണര് പ്രവര്ത്തിക്കേണ്ടത് മന്ത്രിസഭയുടെ ഉപദേശപ്രകാരമാണെന്ന് എവിടെയും പറയുന്നില്ല. സര്വകലാശാലകളുടെ സ്വയംഭരണാധികാരം ഉറപ്പാക്കാനാണ് ഇത്തരമൊരു വ്യവസ്ഥ ഭരണഘടനയില് ഉള്പ്പെടുത്തിയിരിക്കുന്നത്. അതിനാല്, സുപ്രീംകോടതിയുടെ പുതിയ ഉത്തരവ് ചൂണ്ടിക്കാട്ടി സംസ്ഥാനത്തെ വൈസ് ചാന്സലര്മാരോട് രാജിവെക്കാന് ഗവര്ണര് ആവശ്യപ്പെട്ടതില് തെറ്റില്ലെന്നാണ് മുന് പ്രോസിക്യുഷന് ഡയറക്ടര് ജനറലായിരുന്ന അഡ്വ. ടി. ആസഫ് അലി അഭിപ്രായപ്പെട്ടത്. എന്നാല്, വൈസ് ചാന്സലര്മാരോടെല്ലാം രാജിവെക്കാന് പറയാന് ഗവര്ണര്ക്ക് ഒരധികാരവുമില്ലെന്ന് മുന് അഡീഷണല് അഡ്വക്കേറ്റ് ജനറലും മുതിര്ന്ന അഭിഭാഷകനുമായ രഞ്ജിത്ത് തമ്പാന് അഭിപ്രായപ്പെട്ടു.
വിസിമാരുടെ രാജി ആവശ്യപ്പെട്ടതോടെ ഗവര്ണര് എല്ലാ പരിധിയും ലംഘിച്ചെന്ന വികാരത്തിലേക്കു സിപിഎമ്മും സര്ക്കാരും എത്തിയിരിക്കുന്നു. സമവായത്തിനുള്ള സാധ്യത ഇനി സര്ക്കാരോ, മുന്നണിയോ കാണുന്നില്ല. വിട്ടുകൊടുക്കാന് ഉദ്ദേശിക്കുന്നില്ലെന്നാണു സിപിഎമ്മിന്റെ പ്രതികരണം. ഗവര്ണറുടെ നടപടിക്ക് അതേ നാണയത്തിലുള്ള തിരിച്ചടി എന്തായിരിക്കുമെന്ന ആകാംക്ഷയുണ്ട്. ഭരണത്തിലിരിക്കുമ്പോള് പോലും ഗവര്ണര്മാര്ക്കെതിരെ ഏതറ്റം വരെയും നീണ്ട പ്രതിഷേധം സിപിഎമ്മിനു പുതുമയല്ല. അതിനാല് തന്നെ ഇനി കടുക്കും.
https://www.facebook.com/Malayalivartha
