സഖാക്കളെ തള്ളി പോലീസിനെ ന്യായികരിച്ച് മുഖ്യമന്ത്രി. സംസ്ഥാനത്തെ പൊലീസ് വിഭാഗം നിരന്തരം വിമര്‍ശനങ്ങള്‍ക്ക് വിധേയമാകുന്നതിന് പിന്നാലെ സേനയെ ന്യായീകരിച്ച് മുഖ്യമന്ത്രി പിണറായി വിജയന്‍. ഒറ്റപ്പെട്ട സംഭവങ്ങളുടെ പേരില്‍ പൊലീസിനെ ലേബല്‍ ചെയ്യുന്നതിനോട് യോജിക്കാനാവില്ലെന്ന് മുഖ്യമന്ത്രി പറഞ്ഞു.

രാജ്യത്തെ ഏറ്റവും മികച്ച പൊലീസിങ് നടപ്പിലാക്കുന്ന സംസ്ഥാനമാണ് കേരളമെന്നും മുഖ്യമന്ത്രി പറഞ്ഞു. സംസ്ഥാനത്ത് വർദ്ധിച്ചു വരുന്ന പോലീസ് ആക്രമണങ്ങളിൽ ആഭ്യന്തര വകുപ്പിനെതിരെ രൂക്ഷ വിമർശനവുമായി ഇടത് സൈബർ ഗ്രൂപ്പുകൾ നേരത്തെ രംഗത്ത് എത്തിയിരുന്നു. ഇതിനു പിന്നാലെയാണ് മുഖ്യന്റെ ഈ പ്രഖ്യാപനം. സഖാക്കളുടെ ആവശ്യം തള്ളുകയാണ് മുഖ്യൻ, ഈ സാഹചര്യത്തിൽ കലിപൂണ്ട കമ്മികൾ കൈയൊഴിയുമെന്ന് ഉറപ്പാണ്.

അതേസമയം എല്‍ഡിഎഫ് സര്‍ക്കാരിന്റെ വ്യത്യസ്തവും ജനകീയവുമായ പൊലീസിങ് നയത്തിന്റെ ഭാഗമായാണ് ഈ നേട്ടമെന്ന് മുഖ്യമന്ത്രി പറഞ്ഞു. ഈ നയങ്ങളെയും ഖ്യാതിയെയും അട്ടിമറിക്കാന്‍ നടക്കുന്ന ഒറ്റപ്പെട്ട ചില ശ്രമങ്ങളെ അംഗീകരിക്കാനോ സേനയ്ക്കകത്തെ ഒറ്റപ്പെട്ട തെറ്റായ വാസനകളെ അനുവദിച്ചുകൊടുക്കുവാനോ സര്‍ക്കാര്‍ തയ്യാറല്ലെന്ന് മുഖ്യമന്ത്രി .