ഗവര്‍ണര്‍ സര്‍ക്കാര്‍ പോര് കനക്കുകയാണ്. അതിനിടയിൽ സർക്കാർ നിർണ്ണായക നീക്കം നടത്തിയിരിക്കുകയാണ് . അതായത് പോര് തുടരുന്നതിനിടെ രാജ്ഭവന് സര്‍ക്കാര്‍ സഹായം നൽകിയിരിക്കുകയാണ് . 75 ലക്ഷം രൂപയാണ് അനുവദിച്ചിരിക്കുന്നത്. സംസ്ഥാന സര്‍ക്കാര്‍ ആണ് ഗവര്‍ണറുടെ ഔദ്യോഗിക വസതിയായ രാജ്ഭവന് ഈ തുക അനുവദിച്ചത്.

ഇ- ഓഫീസ് സംവിധാനം സജ്ജമാക്കാനാണ് ഈ തുകയെന്ന് റിപ്പോര്‍ട്ടുകൾ സൂചിപ്പിക്കുന്നത് . ട്രഷറി നിയന്ത്രണത്തില്‍ ഇളവ് നല്‍കി. എന്നിട്ടാണ് തുക അനുവദിച്ച് ഉത്തരവിറക്കിയത്. ബജറ്റിന് പുറമെയുള്ള അധിക തുകയായാണ് ഇത് കൂടി അനുവദിക്കാനുള്ള തീരുമാനം വന്നിരിക്കുന്നത്.

സംസ്ഥാന കടുത്ത സാമ്പത്തിക പ്രതിസന്ധിയും തുടരുന്നതിനിടെയാണ് ഇത്തരമൊരു തീരുമാനം. സാമ്പത്തിക പ്രസിസന്ധിയായതിനാല്‍ ട്രഷറിയില്‍ ചെക്കുകളും ബില്ലുകളും മാറുന്നതിന് നിയന്ത്രണങ്ങള്‍ ഏര്‍പ്പെടുത്തിയിരിക്കുകയാണ്. ഈ നിയന്ത്രണത്തില്‍ ഇളവ് വരുത്തി. എന്നിട്ടാണ് ഇപ്പോള്‍ രാജ്ഭവന് മുക്കാല്‍ കോടി രൂപ അനുവദിച്ചിരിക്കുന്നത്.