മലയാളികള്‍ ഒരുപാട് ഇഷ്ടപ്പെട്ടിരുന്ന ഡബ്ബിങ് ആര്‍ട്ടിസ്റ്റും നടിയും അവതരികയുമൊക്കെ ആയിരുന്നു ഭാഗ്യലക്ഷ്മി.എന്നാല്‍ എപ്പോഴോ എവിടെയോ വെച്ച് ഭാഗ്യലക്ഷ്മിക്ക് ജനങ്ങള്‍ക്കിടയിലുള്ള സ്വീകാര്യത നഷ്ടമായി.അതില്‍ ഒഎസ് വലിയ പങ്ക് വിജയ് പി നായര്‍ എന്ന യൂട്യൂബര്‍ ഉണ്ടാക്കിയ വിവാദത്തിലൂടെയാണെന്ന് വേണമെങ്കില്‍ പറയാം.ആ ഒരു വിഷയത്തിന് ശേഷം ഭാഗ്യലക്ഷ്മി എന്ത് പറഞ്ഞാലും ചെയ്താലും അത് വിമര്‍ശനത്തിന് വിശീയമായിട്ടുണ്ട്.

ഇപ്പോളിതാ എല്ലാ കാര്യങ്ങളും പേടികൂടാതെ തുറന്നു സംസാരിക്കുന്നത് കാരണം മലയാളികള്‍ക്ക് തന്നെ അത്ര ഇഷ്ടമല്ലന്ന് തുറന്നു പറയുകയാണ് ഭാഗ്യലക്ഷ്മി., ആര്‍ക്കും പൊതുവെ ഇത്തരക്കാരെ ഇഷ്ടമല്ലെന്നും ഞാന്‍ സംസാരിക്കുകയും പ്രതികരിക്കുകയും ചെയ്യുന്ന ആളാണെന്നും അത് മാറ്റാന്‍ തയ്യാറെല്ലെന്നും ഭാഗ്യലക്ഷ്മി കൂട്ടിച്ചേര്‍ത്തു.താന്‍ എന്ത് കാര്യം പറഞ്ഞാലും ചീത്തവിളിക്കുന്നവരുണ്ട്. എന്ത് നല്ലത് പറഞ്ഞാലും ചീത്ത പറഞ്ഞാലും ഈ തെറിവിളികള്‍ ഉണ്ടാകാറുണ്ടെന്നും ഇത്തരത്തില്‍ ചീത്തവിളിക്കാന്‍ ആളുകള്‍ക്കുള്ള വലിയ പ്ലാറ്റ്‌ഫോമാണ് ഇന്ന് സോഷ്യല്‍ മീഡിയ എന്നും താരം പറയുന്നു.

ഒരു യൂട്യൂബറെ തല്ലിയ സംഭവം എല്ലാവരും അറിഞ്ഞ കാര്യമാണെന്നും ഇതിന് പിന്നാലെ വലിയ ആക്രമണമാണ് സോഷ്യല്‍മീഡിയയിലൂടെ നേരിട്ടതെന്നും ഭാഗ്യലക്ഷ്മി പറയുന്നു. ഇതിന് പിന്നാലെ സിനിമകളില്‍ നിന്നും അവസരങ്ങള്‍ കുറഞ്ഞുവെന്നും സാമ്പത്തിക ബുദ്ധിമുട്ടുണ്ടായെന്നും ഭാഗ്യലക്ഷ്മി കൂട്ടിച്ചേര്‍ത്തു.

ഈ സമയത്താണ് ബിഗ് ബോസില്‍ പങ്കെടുക്കാനായി ഓഫര് വന്നത്. എന്നാല്‍ അപ്പോള്‍ എന്റെ മക്കള്‍ എന്നോട് പറഞ്ഞത് അമ്മ പോകണ്ട എന്നാണ്. കാരണം മറ്റൊന്നുമല്ലെന്നും അമ്മയ്ക്ക് ആ ഗെയിം എന്താണെന്ന് അറിയാത്തതുകൊണ്ടാണ് മകള്‍ അങ്ങനെ പറഞ്ഞതെന്നും ഭാഗ്യലക്ഷ്മി പറഞ്ഞു.എന്നാല്‍ എല്ലാവരും കൂടി ഒരു വീട്ടില്‍ താമസിക്കുന്നു, അത്രയല്ലേ ഗെയിം ഉള്ളൂ എന്നായിരുന്നു താന്‍ മകള്‍ക്ക് നല്‍കിയ മറുപടിയെന്നും അത് തെറ്റിപ്പോയെന്നും ഭാഗ്യലക്ഷ്മി കൂട്ടിച്ചേര്‍ത്തു. ഷോയില്‍ പോയപ്പോഴുള്ള തന്റെ അവസ്ഥ കമ്ട് അമ്മയെ തിരിച്ചുവിളിക്കാമെന്നും അമ്മയ്ക്ക അവിടെ തുടരാന്‍ കഴിയില്ലെന്നും മക്കള്‍ പറഞ്ഞതായും ഭാഗ്യലക്ഷ്മി പറയുന്നു.