ഗവർണറോട് ചില കാര്യങ്ങൾ അപേക്ഷിച്ച് സംവിധായകൻ അൽഫോൺസ് പുത്രൻ രംഗത്ത് വന്നിരിക്കുകയാണ്. വളരെ പ്രധാനപ്പെട്ട ചില കാര്യങ്ങളാണ് അദ്ദേഹം തന്റെ അപേക്ഷയായി ഗവർണറോട് ഉന്നയിച്ചിരിക്കുന്നത്. അന്ധവിശ്വാസത്തെ തുടർന്ന് കേരളത്തിൽ അടുത്തകാലത്തായി രണ്ട് കൊലപാതകങ്ങൾ നടന്നിരിക്കുകയാണ്. ഈ വിഷയത്തിൽ കർശനമായ നടപടി എടുക്കണമെന്നാണ് ഗവർണറോട് അപേക്ഷിച്ചിരിക്കുന്നത്.

ഇലന്തൂർ ഇരട്ട കൊലപാതകക്കേസിലും പറാശാല സ്വദേശിയായ ഷാരോണിനെ സുഹൃത്ത് വിഷം നൽകി കൊലപ്പെടുത്തിയ കേസിലുമാണ് അൽഫോൺസ് പുത്രൻ ഗവർണർ നടപടി സ്വീകരിക്കണമെന്ന അപേക്ഷിച്ചിരിക്കുന്നത് . ന്യായമായ ആവശ്യമാണ് അദേഹം ഉന്നയിച്ചിരിക്കുന്നത് എന്നത് ശ്രദ്ധേയമായ കാര്യമാണ് .കഴിഞ്ഞ ദിവസം മരിച്ച ഷാരോണിന്റേത് കൊലപാതകമാണെന്ന് തെളിഞ്ഞിരുന്നു. ഇതിന്റെ കോഡ് അടിസ്ഥാനത്തിലായിരുന്നു അൽഫോൺസ് ഇത്തരത്തിൽ പ്രതികരിച്ചത് .

അദ്ദേഹത്തിന്റെ ഫേസ്ബുക്കിലൂടെ പങ്കു വച്ച കുറിപ്പിന്റെ പൂർണ രൂപം ഇങ്ങനെ; ”ബഹുമാനപ്പെട്ട കേരള ഗവർണർ.. ഒരു ഇന്ത്യൻ പൗരൻ എന്ന നിലയിൽ അങ്ങയോട് ഞാൻ അഭ്യർത്ഥിക്കുകയാണ്. അന്ധവിശ്വാസത്തെ തുടർന്ന് രണ്ട് കൊലപാതക കേസുകൾ കേരളത്തിൽ നടന്നു. 1. നരബലി കേസും 2. ഷാരോൺ വധക്കേസും. രണ്ട് കൊലപാതക കേസുകളിലും അടിയന്തിരമായി ഇടപെട്ട് കർശന നടപടി സ്വീകരിക്കാൻ അങ്ങയോട് അഭ്യർത്ഥിക്കുന്നു. രണ്ടും ആസൂത്രിത കൊലപാതകങ്ങളാണെന്നാണ് പോലീസ് പറയുന്നത്.

പ്രത്യേക അധികാരം നൽകുന്ന ആർട്ടിക്കിൾ 161 ഉപയോഗിക്കാൻ അങ്ങ് തയ്യാറാകണം. രണ്ട് കേസുകളിലും അടിയന്തിരമായി ഇടപെടണം. സാധാരണയായി ആളുകൾ എന്തെങ്കിലും സംഭവിക്കാൻ ദൈവത്തോട് പ്രാർത്ഥിക്കാറുണ്ട്. ഇവിടെ ഞാൻ ബഹുമാനപ്പെട്ട ഗവർണറോട് അഭ്യർത്ഥിക്കുകയാണ്. ”എന്ന് പറഞ്ഞാണ് കുറിപ്പ് അവസാനിപ്പിച്ചിരിക്കുന്നത്.