ഹൈക്കോടതി ബഹിഷ്കരിച്ച് അഭിഭാഷകര്.... എല്ദോസ് കുന്നപ്പിള്ളിക്കെതിരായ കേസില് അഭിഭാഷകരെ പൊലീസ് പ്രതി ചേര്ത്തതില് പ്രതിഷേധം....
പെരുമ്പാവൂര് എം എല് എ എല്ദോസ് കുന്നപ്പിള്ളിക്കെതിരായ കേസില് അഭിഭാഷകരെ പൊലീസ് പ്രതിചേര്ത്തതില് പ്രതിഷേധം. അഭിഭാഷകര് ഹൈക്കോടതി ബഹിഷ്കരിച്ചു. ഇതോടെ കോടതി നടപടികള് തടസപ്പെട്ടു.
കോടതി ചേര്ന്ന സമയത്ത് അഭിഭാഷര് ഹാജരാകാത്തതിനെത്തുടര്ന്ന് പരിഗണിക്കേണ്ട കേസുകള് മാറ്റിവയ്ക്കുകയാണ്. അടിയന്തര ജനറല് ബോഡി യോഗം വിളിച്ചുചേര്ത്താണ് അഭിഭാഷകര് ഹൈക്കോടതി ബഹിഷ്കരിക്കുമെന്ന് അറിയിച്ചത്.
യുവതിയെ മര്ദിച്ചെന്ന പരാതിയില് എല്ദോസ് കുന്നപ്പിള്ളിയ്ക്ക് വേണ്ടി ഹാജരായ അഭിഭാഷകര്ക്കെതിരെ ജാമ്യമില്ലാവകുപ്പ് പ്രകാരമാണ് കേസെടുത്തത്.
അഡ്വ. അലക്സ്, അഡ്വ. സുധീര് , അഡ്വ. ജോസ് എന്നിവര്ക്കെതിരെയാണ് പൊലീസ് കേസെടുത്തത്. അഭിഭാഷകരുടെ ഓഫീസില് വച്ച് കേസ് ഒത്തുതീര്ക്കാന് ശ്രമിച്ചുവെന്നും ഇതിനിടെ എല്ദോസ് മര്ദ്ദിച്ചുവെന്നും പരാതിക്കാരി മൊഴി നല്കിയിട്ടുണ്ടായിരുന്നു.
https://www.facebook.com/Malayalivartha
