ആര്എസ്എസ് ബിജെപി പ്രവര്ത്തകരെ ബോംബെറിഞ്ഞ് കൊല്ലാന് ശ്രമിച്ച കേസില് 10 സിപിഎം പ്രവര്ത്തകര്ക്കെതിരെ നടപടി
തളിപ്പറമ്പ് തിമിരിയില് ആര് എസ് എസ് ബിജെപി പ്രവര്ത്തകരെ ബോംബെറിഞ്ഞ് കൊല്ലാന് ശ്രമിച്ച കേസില് 10 സിപിഎം പ്രവര്ത്തകര്ക്കെതിരെ കേസ്. സിപിഎം നേതാക്കളും ജനപ്രതിനിധികളും ഉള്പ്പെടെയുള്ളവരെയാണ് തളിപ്പറമ്പ് ജില്ലാ അഡീഷണല് സെഷന്സ് കോടതി കുറ്റക്കാരെന്ന് കണ്ടെത്തിയത്. പ്രതികള്ക്കെതിരെ വധശ്രമം, സ്ഫോടക വസ്തുനിയമത്തിലെ നിയമങ്ങളും തെളിഞ്ഞതായി കോടതി വ്യക്തമാക്കി. തളിപ്പറമ്പ് താലൂക്ക് സര്ക്കിള് സഹകരണ യൂണിയന് ചെയര്മാന് എം.കെ പ്രദീപ് കുമാര്, ആലക്കോട് ഗ്രാമപഞ്ചായത്തംഗം പി.വി ബാബുരാജ്, ടി.വി ബിനു, പി.പി സത്യന്, ഇ.വി വിനോദ് കുമാര്, പാലേരി വിജയന്, കെ.പി സുരേഷ്, ടോബി, ജനാര്ദനന്, ശിവപ്രസാദ് എന്നിവരെയാണ് കോടതി കുറ്റക്കാരായി വിധിച്ചത്.
കേസില് ഉള്പ്പെട്ട രണ്ടു പേരെ തെളിവുകളുടെ അഭാവത്തില് കോടതി വെറുതെ വിട്ടു. 2011 നവംബര് 27 നായിരുന്നു കേസിനാസ്പദമായ സംഭവം. പ്രദേശത്ത് ആര്.എസ്.എസ് ശാഖ തുടങ്ങുന്നതുമായി ബന്ധപ്പെട്ട തര്ക്കത്തെ തുടര്ന്ന് തലേദിവസം സിപിഎം ബിജെപി പ്രവര്ത്തകര് ഏറ്റുമുട്ടിയിരുന്നു. ഇതില് പരിക്കേറ്റ് ആശുപത്രിയില് ചികിത്സ കഴിഞ്ഞ് മടങ്ങുകയായിരുന്ന പ്രവര്ത്തകര്ക്ക് നേരെയാണ് പ്രതികള് ബോംബെറിഞ്ഞത്. ഒന്പത് പേര്ക്ക് ആക്രമണത്തില് ഗുരുതരമായി പരിക്കേറ്റിരുന്നു. പ്രതികള്ക്കുള്ള ശിക്ഷ നാളെ വിധിക്കും.
https://www.facebook.com/Malayalivartha
