മൊബൈല് ഷോറൂമില് കവര്ച്ച നടത്തിയ യുവാവ് പിടിയില്
മൂവാറ്റുപുഴ വാഴക്കുളത്ത് മൊബൈല് ഷോറൂമില് നിന്ന് പണവും മൊബൈല് ഫോണുകളും മോഷ്ടിച്ച കേസില് യുവാവ് പിടിയില്. എടത്തല എന്എഡി തൈപറമ്പില് വീട്ടില് സാനു സേവ്യറിനെ(34) ആണ് വാഴക്കുളം പൊലീസ് അറസ്റ്റ് ചെയ്തത്. കഴിഞ്ഞ 10ന് രാത്രിയാണ് സംഭവമുണ്ടായത്.
കടയുടെ മുന് വശത്തുള്ള ഷട്ടറിന്റെ ലോക്ക് പൊളിച്ച് അകത്തു കയറിയ ശേഷമായിരുന്നു മോഷണം. കൗണ്ടര് ഡ്രോയില് സൂക്ഷിച്ചിരുന്ന രണ്ട് ലക്ഷം രൂപ, സര്വീസിംഗിനായി കൊണ്ടുവന്ന 13 മൊബൈല് ഫോണുകള്, സിസിടിവി ഡിവിആര്, മൊബൈല് ചാര്ജറുകള് എന്നിവയാണ് മോഷണം പോയതായി പറയുന്നത്. ശാസ്ത്രീയ അന്വേഷണത്തിനൊടുവിലാണ് മോഷ്ടാവ് പിടിയിലാകുന്നത്.
മൂവാറ്റുപുഴ ഡിവൈഎസ്പി അബ്ദുള് മുനീറിന്റെ നേതൃത്വത്തില് വാഴക്കുളം ഇന്സ്പെക്ടര് അനീഷ് എ, എസ്ഐമാരായ എസ്.എന് സുമിത, പി.എസ് ജോജി, പ്രദീപ് മോന്, എഎസ്ഐമാരായ സി.ടി ഗിരീഷ് കുമാര്, പി.വി അനൂപ്, സീനിയര് സിപിഒമാരായ വര്ഗീസ് ടി വേണാട്ട്, അക്ബര് അലി, സിപിഒമാരായ വിമല്, ഇബ്രാഹിം എന്നിവരാണ് അന്വേഷണ സംഘത്തില് ഉണ്ടായിരുന്നത്.
https://www.facebook.com/Malayalivartha
