പൊള്ളാച്ചി ആശുപത്രിയിലെത്തി സാഹചര്യം വിലയിരുത്തി മന്ത്രി കൃഷ്ണന് കുട്ടി
വാല്പ്പാറ അപകടത്തില് മരണപ്പെട്ടവരുടെ മൃതദേഹം സൂക്ഷിച്ചിരിക്കുന്ന പൊള്ളാച്ചിയിലെ ആശുപത്രിയിലെത്തി മന്ത്രി കെ കൃഷ്ണന് കുട്ടി സാഹചര്യം വിലയിരുത്തി. ഉറ്റവരെ നഷ്ടപ്പെട്ടവരെ ആശ്വസിപ്പിച്ച മന്ത്രി, എല്ലാവിധ സര്ക്കാര് സഹായവും ഉറപ്പുനല്കി. പൊള്ളാച്ചിയിലെ ജില്ലാ ആശുപത്രിയില് ചികിത്സയിലുള്ള 11 വയസുള്ള മസ്നി എന്ന പെണ്കുട്ടിയെ സന്ദര്ശിച്ച മന്ത്രി, കുട്ടിയുടെ ചികിത്സാ വിവരങ്ങളും തിരക്കി.
രാത്രി തന്നെ മുഴുവന് മൃതദേഹവും പോസ്റ്റ്മോര്ട്ടം പൂര്ത്തിയാക്കുമെന്നും ഇതിനായി തമിഴ്നാട് സര്ക്കാരുമായി സംസാരിച്ച് പ്രത്യേക ഉത്തരവിറക്കിയെന്നും മന്ത്രി വ്യക്തമാക്കി. ബന്ധുക്കള് മൃതദേഹം തിരിച്ചറിയുന്ന മുറയ്ക്ക് പോസ്റ്റ്മോര്ട്ടം നടപടികള് നടത്തും. പുലര്ച്ചക്ക് മുമ്പ് തന്നെ മൃതദേഹങ്ങള് നാട്ടിലെത്തിക്കാനുള്ള നടപടികള് നടന്നുവരികയാണെന്നും മന്ത്രി വ്യക്തമാക്കി. ഡോക്ടര്മാരും മറ്റു സൗകര്യങ്ങളും ആംബുലന്സിനും തയ്യാറാണെന്നും അദ്ദേഹം വിവരിച്ചു.
പോസ്റ്റ്മോര്ട്ടം കോയമ്പത്തൂര് ജില്ലാ ആശുപത്രിയിലായിരിക്കും നടക്കുക. പാലക്കാട് എ ഡി എം സ്ഥലത്തുണ്ട്. കോയമ്പത്തൂര് കളക്ടറുടെ നേതൃത്വത്തില് നടപടികള് ഊ!ര്ജ്ജിതമാണെന്നും കൃഷ്ണന് കുട്ടി വ്യക്തമാക്കി. കോയമ്പത്തൂര് ആശുപത്രിയിലെത്താനായി മന്ത്രി വി ശിവന്കുട്ടിയും അര്ധരാത്രി തിരിക്കും. പൊതുദര്ശനം നാളെ അമ്പലപ്പറമ്പ് ഗവണ്മെന്റ് ഹൈ സ്കൂളില് നടത്താനും തീരുമാനിച്ചിട്ടുണ്ട്.
https://www.facebook.com/Malayalivartha
