കേരളത്തില് അധികാര ദുര്വിനിയോഗം നടത്തുന്നു ഗവര്ണര്ക്കെതിരെ രാഷ്ട്രപതിയ്ക്ക് പരാതി
സാങ്കല്പിക ഭരണാധികാരിയായ ഗവര്ണര് തെറ്റായ രൂപത്തില് അധികാര ദുര്വിനിയോഗം നടത്തുന്നുവെന്നും ഇല്ലാത്ത അധികാരം ഉപയോഗിക്കാന് ശ്രമിക്കുന്നു എന്നും ചൂണ്ടിക്കാട്ടി ലോക്താന്ത്രിക് ജനതാദള് (എല് ജെ.ഡി) സംസ്ഥാന ജനറല് സെക്രട്ടറി സലീം മടവൂര് രാഷ്ട്രപതിക്ക് പരാതി നല്കി.ഡല്ഹി കേരള ഹൗസില് വച്ച് മലയാളം മാധ്യമപ്രതിനിധികളെ മാത്രമായി മാറ്റി നിറുത്തി സംസാരിച്ചതും രാജ്ഭവനില് തിരഞ്ഞെടുക്കപ്പെട്ട സംസ്ഥാന സര്ക്കാരിനെ നിരന്തരമായി വിമര്ശിച്ചുകൊണ്ട് പത്രസമ്മേളനം നടത്തുന്നതും ഗവര്ണര് പദവിക്ക് നിരക്കാത്തതാണെന്ന് പരാതിയില് ചൂണ്ടിക്കാട്ടി. ഡല്ഹി കേരള ഹൗസിലെ പത്രസമ്മേളനത്തില് നിന്നും മലയാളം പത്രപ്രവര്ത്തകരെ മാറ്റിനിറുത്താനുള്ള കാരണമായി പറഞ്ഞത് അവര് മുഖ്യമന്ത്രിക്കെതിരെ പ്രതികരിച്ചില്ലെന്നതാണ്. ഇത് ഒരു ഭരണഘടനാ സ്ഥാപനമായ രാജ്ഭവന് മറ്റൊരു ഭരണഘടനാ സ്ഥാപനമായ മുഖ്യമന്ത്രിയുടെ ഓഫീസിനു നേരെ കലാപത്തിന് പ്രേരിപ്പിക്കലാണ്. തഷ്ട്രപതിയുടെ പ്രതിനിധിയായ വ്യക്തി ഇങ്ങനെ പ്രവര്ത്തിക്കുന്നത് ഭരണഘടനാ വിരുദ്ധമാണ്.
സ്വജനപക്ഷപാതമില്ലാതെ പെരുമാറേണ്ട ഗവര്ണര് സംസ്ഥാന സര്ക്കാരിനെ പിന്തുണക്കുന്ന കേഡര് റിപോര്ട്ടര്മാരുണ്ടെന്ന ആരോപണമുയര്ത്തി ഏതാനും മാധ്യമങ്ങളെ മാത്രം മാറ്റി നിറുത്തി പത്രസമ്മേളനം നടത്തുന്നത് പദവിക്ക് നിരക്കാത്തതാണ്. ഭരണഘടനാ നിര്മാണ സഭയില് 1949 ജൂണ് 2 ന് നടന്ന ചര്ച്ചയിലെ ഭാഗങ്ങള് പരാതിയില് ഉദ്ധരിച്ചിട്ടുണ്ട്. ഗവര്ണര്മാര് അധികാര ദുര്വിനിയോഗം നടത്തില്ലേയെന്ന എച്. വി കാമത്തിന്റെ ചോദ്യത്തിന് ഇന്ത്യയുടെ ആദ്യ കൃഷിമന്ത്രിയായിരുന്ന പി.എസ്. ദേശ്മുഖ് നല്കിയ മറുപടിയില് ഗവര്ണര്മാരുടെയും അവരെ നിയമിക്കുന്നവരുടെയും വിക്ഞാനം അത്തരം അധികാര ദുര്വിനിയോഗം തടയുമെന്നായിരുന്നു. എ ച്.വി കാമ്മത്ത് ചോദ്യം ആവര്ത്തിച്ചപ്പോള് ദേശ് മുഖ് ഉത്തരം ആവര്ത്തിക്കുകയായിരുന്നു
:ഗവര്ണര് ആരിഫ് മുഹമ്മദ് ഖാന് അധികാര ദുര്വിനിയോഗം നടത്തുന്നത് ഭരണഘടനാ ജ്ഞാനമില്ലാത്തതിനാലാണ്. ഭരണഘടനാ നിര്മാണ സഭയിലെ ചര്ച്ചയുടെ അന്തസത്ത ഉള്ക്കൊണ്ട്, അദ്ദേഹത്തെ നിയമിച്ച രാഷ്ട്രപതി ഭരണഘടനാ ജ്ഞാനം പ്രകടമാക്കി ഗവര്ണറെ തല്സ്ഥാനത്ത് നിന്നും നീക്കം ചെയ്യണമെന്ന് സലീം മടവൂര് പരാതിയില് ആവശ്യപ്പെട്ടു
അതേസമയം ഗവര്ണറും സര്ക്കാരും തമ്മിലുള്ള പോര് ശക്തമായി തുടരുന്നതിനിടെ സിപിഎം ജനറല് സെക്രട്ടറി സീതാറാം യെച്ചൂരി കോണ്ഗ്രസ് പ്രസിഡണ്ട് മല്ലികാര്ജുന് ഖര്ഗെയുമായി ടെലിഫോണില് ചര്ച്ച നടത്തി.ഗവര്ണറെ പിന്തുണക്കുന്ന നിലപാടില്ലെന്ന് കോണ്ഗ്രസിനില്ലെന്ന് ഖര്ഗെ വ്യക്തമാക്കി.ഗവര്ണര് വിഷയത്തിലുള്ള കേരളത്തിലെ വ്യത്യസ്ത നിലപാട് യെച്ചൂരി ഖര്ഗെയുടെ ശ്രദ്ധയില്പ്പെടുത്തി.സംസ്ഥാനങ്ങളിലെ ഭരണത്തില് ഗവര്ണറെ ഉപയോഗിച്ച് ബിജെപി ഇടപെടുന്നതില് പ്രതിപക്ഷ പ്രതിരോധം വേണമെന്നും യെച്ചൂരി ഖര്ഗെയോട് പറഞ്ഞു.
ഗവര്ണര്മാരുടെ സംസ്ഥാനങ്ങളിലെ അനാവശ്യ ഇടപെടലില് സിപിഎം എല്ലാ പ്രതിപക്ഷ പാര്ട്ടികളുമായി ചര്ച്ച നടത്തും. ഗവര്ണര്മാരെ ഉപയോഗിച്ചുള്ള ബിജെപിയുടെ നീക്കങ്ങളെ ചെറുക്കാന് പ്രതിപക്ഷ ഐക്യം ലക്ഷ്യമിട്ടാണ് തീരുമാനം. വിസിമാരുടെ വിഷയത്തില് കേരളത്തിലെ കോണ്ഗ്രസ് ഗവര്ണറെ പിന്തുണച്ചെങ്കിലും ദേശീയ തലത്തില് തള്ളി പറഞ്ഞിരുന്നു. ഇതടക്കം മുന്നിര്ത്തിയാണ് കോണ്ഗ്രസിനെ കൂടി സഹകരിപ്പിക്കാന് സിപിഎം തീരുമാനിച്ചത്.
ഗവര്ണര് സര്ക്കാര് പോരിനിടെ രാജ് ഭവന് ധനവകുപ്പ് 75 ലക്ഷം രൂപ അനുവദിച്ച നടപടി അനുനയ ശ്രമം അല്ലെന്ന് ധനമന്ത്രി കെഎന് ബാലഗോപാല് വ്യക്തമാക്കി. സ്വാഭാവിക നടപടി മാത്രമാണെന്നും തെറ്റായി വ്യാഖ്യാനിക്കരുത് എന്നും ധനമന്ത്രി ദില്ലിയില് പറഞ്ഞു. കഴിഞ്ഞ 25 ന് ഗവര്ണര് ധനമന്ത്രിയില് അപ്രീതി രേഖപ്പെടുത്തിയതിന് പിന്നാലെ 27 നാണ് രാജ്ഭവനില് ഇ ഓഫീസ് സംവിധാനവും കേന്ദ്രീകൃത നെറ്റ്വര്ക്കിംഗ് സംവിധാനവും ഒരുക്കുന്നതിനായി 75 ലക്ഷം രൂപ ധനവകുപ്പ് അനുവദിച്ചത്. ഇത് അനുനയ ശ്രമം ആണെന്നായിരുന്നു റിപ്പോര്ട്ട്.
https://www.facebook.com/Malayalivartha
