കേരള പിറവി ദിനത്തില്‍ പുതിയൊരു കാലപ സന്ദേശമെത്തുന്നതായി മുന്നറിയിപ്പ്. പോപ്പുലര്‍ ഫ്രണ്ടിന്റെ നിരോധനത്തിന് ശേഷം വിധ്വംസക പ്രവര്‍ത്തനങ്ങള്‍ക്ക് അല്പമെങ്കിലും ആശ്വാസം ഉണ്ടാകുമെന്ന ധാരണയുണ്ടായിരുന്നു. എന്നാല്‍ പോപ്പുലര്‍ ഫ്രണ്ട് നിരോധിച്ചെങ്കിലും അതിന്റെ ആശയവും ആത്മവും ഇവിടെ നിലനില്ക്കകയാണ്. പോപ്പുലര്‍ ഫ്രണ്ടില്‍ പ്രവര്‍ത്തിച്ചിരുന്നവര്‍ കൂടുതലായും ഇപ്പോള്‍ എസ്.ഡി.പി.ഐയിലേയ്ക്കാണ് ചേക്കേറിയിരിക്കുന്നത്.

നിലവില്‍ ഒരു രാഷ്ട്രീയ പാര്‍ട്ടിയുടെ പിന്‍ബലമില്ലാതെ ഇത്തരക്കാര്‍ക്ക് നില്ക്കാനാവില്ല. കൂടെ എത്തിയവരേയും എത്താനുള്ളവരേയും ലക്ഷ്യമിട്ട് എസ്.ഡി.പി.ഐ നവംബര്‍ ഒന്നിന് കോട്ടയത്ത് അതിന്റെ കര്‍മ്മ പരിപാടിയ്ക്ക് തുടക്കം കുറിയ്ക്കുകയാണ്. കോട്ടയത്ത് കേരള പിറവി ദിനത്തില്‍ നടത്തുന്ന സെമിനാറിന്റെ വിശദവിവരങ്ങള്‍ എസ്.ഡി.പി.ഐ വൈസ് പ്രസിഡന്റ് അബ്ദുല്‍ ഹമീദാണ് പാര്‍ട്ടിയുടെ ഒഫിഷ്യല്‍ ഫെയസ് ബുക്ക് പോജിലൂടെ പുറത്തു വിട്ടത്.

കോട്ടയം പ്രസ് ക്ലബ്ബിന്റെ ആതിഥേയത്വത്തില്‍ നടത്തുന്ന സെമിനാര്‍ കേരള പിറവി ദിനത്തിലാണ്.ഫെഡറലിസവും ഭാഷാ വൈവിധ്യവുമാണ് ചര്‍ച്ചാ വിഷയം. ഹിന്ദി ഭാഷ നിര്‍ബന്ധമാക്കുന്നതിന് പിന്നില്‍ ഹിന്ദു-ഹിന്ദി ഹിന്ദു സ്ഥാന്‍ എന്ന ഗൂഡ നീക്കത്തിന്റെ ഭാഗമാണെന്ന് പറയപ്പെടുന്നു. ഫെഡറലിസവു ം ഭാഷാ വൈവിധ്യവും ഇല്ലാതാക്കുന്നതിലൂടെ ഹിന്ദു രാഷ്ട്ര നിര്‍മ്മാണമാണ് ലക്ഷ്യമിടുന്നതെന്നും സൂചിപ്പിക്കുന്നു. ഭാഷ ഏകീകരണത്തെ തമിഴ്‌നാടും , കേരളവും ശക്തമായി എതിര്‍ക്കുന്നുണ്ട്. ആഭ്യന്തര യുദ്ധ ഭീഷണി മുഴക്കേണ്ടി വരുമെന്നും ഓര്‍മ്മിപ്പിക്കുന്നുണ്ട്.

ദക്ഷിണേന്‍ഡ്യന്‍ സംസ്ഥാനങ്ങളും ഏകീകരണം, മലബാര്‍ സംസ്ഥാന തുടങ്ങി പോപ്പുലര്‍ ഫ്രണ്ട് ഉയര്‍ത്തുന്ന ആശയങ്ങളാണ് എസ്.ഡി.പി.ഐ. ചര്‍ച്ചയാക്കുന്നത്. ശ്രീലങ്കയില്‍ സിംഹള ഭാഷ അടിച്ചേല്‍പ്പിച്ചപ്പോള്‍ കടുത്ത പ്രതിഷേധമാണുണ്ടായത്. കേന്ദ്ര സര്‍ക്കാര്‍ ജോലികളില്‍ ഹിന്ദിയില്‍ പരീക്ഷ എഴുതേണ്ടി വരുമ്പോള്‍ തെക്കേ ഇന്‍ഡ്യന്‍ കുട്ടികള്‍ തഴയപ്പെടുമെന്നും പറയപ്പെടുന്നു. ഫെയഡറലിസത്തെ തകര്‍ക്കുന്ന കേന്ദ്ര നയങ്ങളെ എതിര്‍ക്കുകയും ഭരണ ഘടനാ പരമായി അവയെ സംരക്ഷിക്കാനും അദ്ദേഹം അണികളോട് ആഹ്വാനം ചെയ്യുന്നു.

പോപ്പുലര്‍ ഫ്രണ്ടിന്റെ നിരോധനവും മാധ്യമ പ്രവര്‍ത്തകനായ കാപ്പന്റെ ജിയില്‍ മോചനം നീളുന്നത് ഹിന്ദു അജന്‍ഡ നടപ്പിലാക്കുന്നതിന് വേണ്ടിയാണ്. മുസ്ലീംങ്ങളെ ഭീകരവാദികളായി ചിത്രീകരിച്ച് അഴിക്കുള്ളില്‍ അടയ്ക്കുന്ന ഏകാധിപത്യ പ്രവണതയാണ് രാജ്യത്ത് നടക്കുന്നത്. തങ്ങള്‍ക്ക് രാഷ്ട്രീയ മോല്‍ക്കോയ്മയില്ലാത്ത സംസ്ഥാനങ്ങളെ അടിമകളാക്കി നിയമങ്ങള്‍ അടിച്ചേല്‍പ്പിക്കുകയാണ്. ജിഎസ്ടിയിലൂടെ സാമ്പത്തിക ഫെഡറലിസം ഇല്ലാതാക്കി. ഹിന്ദി ഭാഷ കൊണ്ടു വരുന്നതിലൂടെ ഭാഷാ ഫെഢരലിസവും ഇല്ലാതാകും.

കേരളപിറവി ദിനത്തില്‍ പോപ്പുലര്‍ ഫ്രണ്ട് പ്രവര്‍ത്തകര്‍ എസ് ഡി പി ഐ പരിപാടികളില്‍ പങ്കെടുക്കുമെന്ന് ധരിക്കുന്നു. എന്‍ ഐ എ , ഇഡി തുടങ്ങിയ ഏജന്‍സികളെല്ലാം ഒരു പ്രത്യേക വിഭാഗത്തിന്റെ കയ്യിലൊതുങ്ങുകയാണ്. എല്ലാ സ്റ്റേറ്റിലും എന്‍ ഐ എ വരുന്നത് സ്റ്റേറ്റിന്റെ ആഭ്യന്തര അധികാരം കവര്‍ന്നെടുക്കുകയാണ്. ഗവര്‍ണര്‍മാരെ രാഷട്രീയ യജമാനന്‍മാരാക്കി മാറ്റിയിരിക്കുന്നു.

അവര്‍ തികച്ചും പരിഹാസ്യരായി കൊണ്ടിരിക്കുന്നു. കേരളത്തില്‍ ഗവര്ണര്‍ നടത്തുന്ന കാര്യങ്ങള്‍ക്ക് ഭരണ ഘടനാപരമായ യാതൊരു സാധുതയും ഇല്ലാത്ത തര്‍ക്കങ്ങളാണ് ഉണ്ടാക്കുന്നതെന്നും എസ് ഡി പി ഐ വിലയിരുത്തുന്നു. എങ്കിലും കേരള പിറവി ദനത്തില്‍ തുടങ്ങുന്ന എസ ്ഡി പി ഐ യുടെ പ്രവര്‍ത്തനങ്ങളെ കേന്ദ്ര സംസ്ഥാന സര്‍ക്കാരുകള്‍ വീക്ഷിക്കുന്നുണ്ട്.