കേരളപ്പിറവി ഇന്ന്...കേരളത്തിന് 66ാം പിറന്നാള്‍... ആഘോഷ പരിപാടികളുമായി മലയാളികള്‍.കേരള സംസ്ഥാനം രൂപം കൊണ്ടിട്ട് ഇന്നേക്ക് 66 വര്‍ഷം തികയുന്നു.

തിരുവിതാംകൂര്‍, കൊച്ചി, മലബാര്‍ എന്നീ നാട്ടുരാജ്യങ്ങള്‍ സംയോജിപ്പിച്ച് കൊണ്ട് 1956 നവംബര്‍ 1 നാണ് ഭാഷാടിസ്ഥാനത്തില്‍ കേരളം സംസ്ഥാനം രൂപമായത്.


ഐക്യ കേരളത്തിനുവേണ്ടിയുള്ള പ്രക്ഷോഭങ്ങളുടെ ഫലമായി 1956 നവംബര്‍ ഒന്നിന് തിരുവിതാംകൂര്‍, കൊച്ചി, മലബാര്‍ എന്നീ പ്രദേശങ്ങള്‍ കൂട്ടിച്ചേര്‍ത്തുകൊണ്ട് കേരള സംസ്ഥാനം രൂപീകരിച്ചു. പ്രളയവും മഹാമാരിയുമൊക്കെ കാരണം കഴിഞ്ഞ കുറച്ച് വര്‍ഷങ്ങളായി ആഘോഷങ്ങളില്ലാതെ ആണ് കേരളപ്പിറവി കടന്ന് പോയത്. കേരളത്തിന്റെ സ്വന്തം നാടെന്ന് വിദേശികള്‍ ഉള്‍പ്പടെ വാഴ്ത്തിപ്പാടിയ നമ്മുടെ നാട് അക്ഷരാര്‍ത്ഥത്തില്‍ ദൈവത്തിന്റെ സ്വന്തം നാട് തന്നെയാണെന്ന് ലോകത്തിനു മുന്നില്‍ തെളിയിച്ച വര്‍ഷമാണ് കഴിഞ്ഞു പോയത്.

അപ്രതീക്ഷിതമായെത്തിയ പ്രളയം നമ്മുടെ നാടിനെ തകര്‍ത്തെറിഞ്ഞിട്ടും ഒത്തൊരുമ എന്ന ഒറ്റ ഇച്ഛാശക്തികൊണ്ട് മാത്രം അതുഭുതകരമായ ഉയിര്‍ത്തെഴുന്നേല്‍പ്പ് നടത്തി ലോകത്തിന്റെ നെറുകയിലെത്തി നില്‍ക്കുകയാണ് ഇന്ന് നമ്മള്‍.

ജാതിയോ മതമോ വലിപ്പച്ചെറുപ്പമോ കക്ഷിരാഷ്ട്രീയ ഭേദമോ ഒന്നും നോക്കാതെ ഒത്തൊരുമിച്ച് മലയാളികള്‍ എന്ന ഒരൊറ്റ വികാരത്തോടെ നാം നിന്ന ഈ വര്‍ഷത്തിന്റെ ഓര്‍മ്മയില്‍ തന്നെയാകട്ടെ ഇനിയുള്ള ഓരോ കേരളപ്പിറവി ദിനാഘോഷങ്ങളും.


അതേസമയം ഐക്യകേരള രൂപീകരണത്തോടെ മറുനാടന്‍ മലയാളികളായ കന്യാകുമാരി ജില്ലയിലെ മലയാളികള്‍ക്കുമിന്ന് കേരളപ്പിറവിദിനം.1956 നവംബര്‍ ഒന്നിനാണ് തിരുവിതാംകൂര്‍, തിരുകൊച്ചി, മലബാര്‍ എന്നിവയെ സംയോജിപ്പിച്ച് ഐക്യകേരളം രൂപീകരിച്ചത്. അന്ന് തിരുവിതാംകൂറിന്റെ അതിര്‍ത്തി കന്യാകുമാരി ജില്ലയിലെ ആരുവായ്മൊഴിയായിരുന്നു.
വിളവന്‍കോട്, കല്‍ക്കുളം, തോവാള, അഗസ്തീശ്വരം എന്നീ നാല് താലൂക്കുള്‍പ്പെട്ടതാണ് കന്യാകുമാരി ജില്ല. കന്യാകുമാരി, നാ?ഗര്‍കോവില്‍, പത്മനാഭപുരം, കുളച്ചല്‍, കിളിയൂര്‍, വിളവന്‍കോട് എന്നിവയാണ് ജില്ലയിലെ നിയമസഭാ മണ്ഡലങ്ങള്‍. കേരളത്തിന്റെതായിരുന്ന ഈ പ്രദേശം.
കേരളത്തിന്റെ കമ്യൂണിസ്റ്റ് പാരമ്പര്യവും ഇന്നും ഇവിടെയുണ്ട്, വിളവന്‍കോട് മണ്ഡലത്തിലെ സിപിഐ എം എംഎല്‍എ ഡി മണി.
ലോകമാകെയുള്ള മലയാളികള്‍ കേരളപ്പിറവിആഘോഷിക്കുമ്പോള്‍ ജനിച്ച മണ്ണില്‍ മറുനാടന്‍ മലയാളികളായ കന്യാകുമാരിയിലെ മലയാളികളും കേരളപ്പിറവി ആഘോഷിക്കുന്നു.

ലോകമെമ്പാടുമുള്ള എല്ലാ മലയാളികള്‍ക്കും മലയാളി വാര്‍ത്തയുടെ  കേരളപ്പിറവി ദിനാശംസകള്‍.