ചക്രവാതച്ചുഴി.... സംസ്ഥാനത്ത് ഇന്നും ശക്തമായ മഴയ്ക്ക് സാധ്യത.... തെക്കന് ജില്ലകളിലും മധ്യ കേരളത്തിലും തുലാവര്ഷം ശക്തമാകും, ഇന്ന് ആറ് ജില്ലകളില് യെല്ലോ അലര്ട്ട്
ചക്രവാതച്ചുഴി.... സംസ്ഥാനത്ത് ഇന്നും ശക്തമായ മഴയ്ക്ക് സാധ്യത.... തെക്കന് ജില്ലകളിലും മധ്യ കേരളത്തിലും തുലാവര്ഷം ശക്തമാകും, ഇന്ന് ആറ് ജില്ലകളില് യെല്ലോ അലര്ട്ട്
തെക്കന് ജില്ലകളിലും മധ്യ കേരളത്തിലുമാണ് തുലാവര്ഷം ശക്തമാകുക. ഇന്ന് സംസ്ഥാനത്തെ ആറ് ജില്ലകളിലാണ് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് യെല്ലോ അലര്ട്ടുള്ളത്. തുലാവര്ഷത്തിന്റെ ഭാഗമായി ബംഗാള് ഉള്ക്കടലിനു മുകളിലും തെക്കേ ഇന്ത്യക്ക് മുകളിലുമായി വടക്ക് കിഴക്കന് കാറ്റ് ശക്തി പ്രാപിക്കുന്നു.
തെക്ക് പടിഞ്ഞാറന് ബംഗാള് ഉള്ക്കടലില് വടക്കന് ശ്രീലങ്കന് തീരത്തിനു മുകളിലായി ചക്രവാതചുഴിയും സ്ഥിതിചെയ്യുന്നു. ചക്രവാതചുഴിയില് നിന്ന് കേരളത്തിനും തമിഴ്നാടിനും മുകളിലൂടെ തെക്ക് കിഴക്കന് അറബിക്കടല് വരെ നീണ്ടു നില്ക്കുന്ന ന്യുന മര്ദ്ദ പാത്തിയുമുണ്ട്. ഇതിന്റെയെല്ലാം സ്വാധീനഫലമായി നവംബര് 4 വരെ കേരളത്തില് വ്യാപകമായ മഴക്ക് സാധ്യതയുള്ളതായി കാലാവസ്ഥ വകുപ്പ് അറിയിച്ചിട്ടുണ്ട്.
ഒറ്റപ്പെട്ട സ്ഥലങ്ങളില് ശക്തമായ ഇടിമിന്നല് / മഴക്കും സാധ്യതയെന്നും കേന്ദ്ര കാലാവസ്ഥ വകുപ്പ് പ്രവചിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിട്ടുള്ളത്.
"
https://www.facebook.com/Malayalivartha
