പാലക്കാട് വിവാഹ പിറ്റേന്ന് യുവതിയെ മരിച്ച നിലയിൽ കണ്ടെത്തി. പാലക്കാട് കൊല്ലങ്കോടാണ് സംഭവം. അളകാപുരി കോളനിയിലെ പഴനിച്ചാമിയുടെ മകൾ നന്ദിനിയാണ് (21) മരിച്ചത്. ഇക്കഴിഞ്ഞ ഞായറാഴ്ചയായിരുന്നു പൊള്ളാച്ചി സ്വദേശിയുമായി നന്ദിനിയുടെ വിവാഹം നടന്നത്. തുടർന്ന് അന്നേദിവസം നന്ദിനിയുടെ വീട്ടിൽ തന്നെയായിരുന്നു ഇവർ തങ്ങിയത്.

പിന്നാലെ പിറ്റേന്ന് (തിങ്കളാഴ്ച) വൈകിട്ട് അഞ്ചരയോടെ നന്ദിനിയെ കാണാതാകുകയായിരുന്നു. തുടർന്ന് ഇതറിഞ്ഞ് നന്ദിനിയുടെ സഹോദരൻ തിരച്ചിൽ നടത്തിയപ്പോഴാണ് യുവതിയെ മരിച്ച നിലയിൽ കണ്ടെത്തിയത്.

പിന്നീട് നടത്തിയ തെരച്ചിലിൽ വീടനടുത്തുള്ള തോട്ടത്തിലായിരുന്നു നന്ദിനിയുടെ മൃതദേഹം കിടന്നിരുന്നത്. സംഭവത്തിൽ ദുരൂഹതയുണ്ടെന്ന് കുടുംബം പ്രതികരിച്ചു. ഇതുമായി ബന്ധപ്പെട്ട് നന്ദിനിയുടെ ബന്ധുക്കളെ ഉൾപ്പെടെ പോലീസ് ചോദ്യം ചെയ്ത് വരികയാണ്. കൊല്ലങ്കോട് പോലീസാണ് അന്വേഷണം നടത്തുന്നത്. നിലവിൽ നന്ദിനിയുടെ മൃതദേഹം പാലക്കാട് ജില്ലാ ആശുപത്രിയിലേക്ക് മാറ്റി.