തൊണ്ടയിലും അന്നനാളത്തിലും പൊള്ളലുകള്.... ആഹാരം കഴിക്കാനും വെള്ളം കുടിക്കാനും ബുദ്ധിമുട്ട്.... ഷാരോണ് കൊലക്കേസില് പൊലീസ് കസ്റ്റഡിയിലിരിക്കെ ലൈസോള് കുടിച്ച് ആത്മഹത്യയ്ക്ക് ശ്രമിച്ച് മെഡിക്കല് കോളേജ് ആശുപത്രിയില് ചികിത്സയില് കഴിയുന്ന പ്രതി ഗ്രീഷ്മയുടെ ഡിസ് ചാര്ജ് വൈകുന്നു.... കണ്ണിമവെട്ടാത്ത സുരക്ഷയൊരുക്കി പോലീസ്
തൊണ്ടയിലും അന്നനാളത്തിലും പൊള്ളലുകള്.... ആഹാരം കഴിക്കാനും വെള്ളം കുടിക്കാനും ബുദ്ധിമുട്ട്.... ഷാരോണ് കൊലക്കേസില് പൊലീസ് കസ്റ്റഡിയിലിരിക്കെ ലൈസോള് കുടിച്ച് ആത്മഹത്യയ്ക്ക് ശ്രമിച്ച് മെഡിക്കല് കോളേജ് ആശുപത്രിയില് ചികിത്സയില് കഴിയുന്ന പ്രതി ഗ്രീഷ്മയുടെ ഡിസ് ചാര്ജ് വൈകുന്നു.... കണ്ണിമവെട്ടാത്ത സുരക്ഷയൊരുക്കി പോലീസ്.
ടോയ്ലറ്റ് ക്ളീനറായ ലൈസോള് ഉള്ളില്ചെന്നതിനെ തുടര്ന്ന് തൊണ്ടയിലും അന്നനാളത്തിലും പൊള്ളലുകളുണ്ടായതായാണ് ഡോക്ടര്മാരുടെ കണ്ടെത്തല്. ആഹാരം കഴിക്കാനും വെള്ളം കുടിക്കാനും ബുദ്ധിമുട്ടുന്നതിനാല് ഗ്ളൂക്കോസും മരുന്നുകളും വളരെ ആവശ്യമാണ്. അതിനാല് ഇന്നലെയും ഗ്രീഷ്മയെ ഡിസ് ചാര്ജ് ചെയ്യാന് ഡോക്ടര്മാര് തയ്യാറായിട്ടില്ല.
ഗ്രീഷ്മ ഐ.സി.യുവില് വനിത പൊലീസുകാരുടെ കാവലിലാണ് . കസ്റ്റഡിയില് ആത്മഹത്യാശ്രമം നടത്തിയതിനാല് കണ്ണിമവെട്ടാത്ത സുരക്ഷയാണ് പൊലീസ് ഏര്പ്പെടുത്തിയിട്ടുള്ളത്. ഗ്രീഷ്മയെ ഡിസ്ചാര്ജ് ചെയ്താല് മാത്രമേ ജുഡിഷ്യല് കസ്റ്റഡിയില് വാങ്ങാനും രാമവര്മ്മന് ചിറയിലെ വീട്ടിലെത്തിച്ച് തെളിവെടുപ്പ് നടപടികളും വിശദമായചോദ്യം ചെയ്യലും പൂര്ത്തിയാക്കാനും കഴിയുകയുള്ളൂ.
തെളിവ് നശിപ്പിച്ച് കേസില് നിന്ന് തലയൂരാനായി ഗ്രീഷ്മയെ സഹായിച്ചതിന് പൊലീസ് അറസ്റ്റ് ചെയ്ത അമ്മയെയും അമ്മാവനെയും കഴിഞ്ഞദിവസം റിമാന്ഡ് ചെയ്തിട്ടുണ്ടായിരുന്നു. ഗ്രീഷ്മയെ കസ്റ്റഡിയില് വാങ്ങി ചോദ്യം ചെയ്തശേഷം പുതിയ തെളിവുകള് ലഭ്യമായാല് അമ്മാവനെയും അമ്മയെയും വീണ്ടും കസ്റ്റഡിയില് വാങ്ങാനും കൂടുതല് വകുപ്പുകള് ഇരുവര്ക്കുമെതിരെ ചുമത്താനും അന്വേഷണസംഘത്തിന്റെ ആലോചനയിലുണ്ട്.
്അതേസമയം
സംഭവംനടന്നത് തമിഴ്നാട്ടിലെ രാമവര്മ്മന് ചിറയായതിനാല് കേസിന്റെ തുടരന്വേഷണവും കുറ്റപത്രസമര്പ്പണവും ഉള്പ്പെടെയുള്ള നടപടികള് തമിഴ്നാട് പൊലീസിന് കൈമാറുന്നത് സംബന്ധിച്ച് ക്രൈംബ്രാഞ്ച് സംഘം നിയമോപദേശം തേടിയിരിക്കുകയാണ്.
ഷാരോണിന്റെ മരണമൊഴി ഒഴികെ സംഭവത്തിന്റെ ആസൂത്രണവും വിഷം കൊടുക്കലുമുള്പ്പെടെയുള്ള കാര്യങ്ങളെല്ലാം തമിഴ്നാട്ടിലെ ഗ്രീഷ്മയുടെ വീട്ടില് വച്ചായതിനാല് നടപടികള് അതിവേഗം പൂര്ത്തിയാക്കി തമിഴ്നാട് പൊലീസിന് കേസ് കൈമാറാനാണ് ശ്രമിക്കുന്നത്.
തങ്ങളുടെ അധികാര പരിധിക്ക് പുറത്തുണ്ടായ സംഭവത്തില് അന്വേഷണം പൂര്ത്തിയാക്കാനും കുറ്റപത്രം സമര്പ്പിക്കാനും സംസ്ഥാന പൊലീസ് ശ്രമിച്ചാല് കേസിന്റെ വിചാരണഘട്ടത്തില് അത് തിരിച്ചടിയാകുമെന്നാണ് കരുതുന്നത്. കേസ് കൈമാറുന്നതിന് മുന്നോടിയായുള്ള നടപടികള് എത്രയും വേഗം പൂര്ത്തിയാക്കാനാണ് അന്വേഷണസംഘം തീരുമാനിച്ചിരിക്കുന്നത്.
"
https://www.facebook.com/Malayalivartha
