ഷാരോൺ കൊലക്കേസിൽ വലിയ അട്ടിമറിയാണ് നടക്കുന്നത്. ഗ്രീഷ്‌മയുടെ ഡിസ് ചാർജ് നീളുന്ന സാഹചര്യത്തിൽ പോലീസിനെതിരെ കുടുംബം ആരോപണം ഉന്നയിക്കുന്നുണ്ട്. പൊലീസ് കസ്റ്റഡിയിലിരിക്കെ ലൈസോൾ കുടിച്ച് ആത്മഹത്യയ്ക്ക് ശ്രമിച്ച് മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുന്ന പ്രതി ഗ്രീഷ്മയുടെ ഡിസ് ചാർജ് വൈകുകയാണ്.

അതേസമയം ഗ്രീഷ്മയെ ഡിസ്ചാർജ് ചെയ്താൽ മാത്രമേ ജുഡിഷ്യൽ കസ്റ്റഡിയിൽ വാങ്ങാനും രാമവർമ്മൻ ചിറയിലെ വീട്ടിലെത്തിച്ച് തെളിവെടുപ്പ് നടപടികളും വിശദമായചോദ്യം ചെയ്യലും പൂർത്തിയാക്കാനും കഴിയൂ.

എന്നാൽ ടോയ്ലറ്റ് ക്ളീനറായ ലൈസോൾ ഉള്ളിൽചെന്നതിനെ തുടർന്ന് തൊണ്ടയിലും അന്നനാളത്തിലും പൊള്ളലുകളുണ്ടായതായാണ് ഡോക്ടർമാരുടെ വാദം. കൂടാതെ പോലീസ് ഉൾപ്പടെ ഇത് തന്നെയാണ് വാദിക്കുന്നത്. വ്യക്തമായ പ്ലാനിംഗ് ഇതിനു പിന്നിലുണ്ടെന്ന് മനസിലാക്കുകയാണ് ഇപ്പോൾ.

നിലവിൽ ആഹാരം കഴിക്കാനും വെള്ളം കുടിക്കാനും ബുദ്ധിമുട്ടുന്നതിനാൽ ഗ്ളൂക്കോസും മരുന്നുകളും ആവശ്യമാണ്. അതിനാൽ ഇന്നലെയും ഗ്രീഷ്മയെ ഡിസ് ചാർജ് ചെയ്യാൻ ഡോക്ടർമാർ തയ്യാറായില്ല. ഐ.സി.യുവിൽ വനിത പൊലീസുകാരുടെ കാവലിലാണ് ഗ്രീഷ്മ.