'മലയാളത്തില് എഴുതിയാല് മാത്രം പോര. ദുര്ഗ്രാഹ്യമില്ലാത്ത, ലാളിത്യമുള്ള മലയാളമായിരിക്കണം. ഏത് കൊച്ചുകുട്ടിക്കും വായിച്ചാല് മനസ്സിലാകണം,'... എല്ലാ ഉദ്യോഗസ്ഥരും ഫയലുകള് മലയാളത്തില് എഴുതാന് ശ്രമിക്കുന്നതാണ് അഭികാമ്യമെന്ന് സംസ്ഥാന നിയമ, വ്യവസായ മന്ത്രി
എല്ലാ ഉദ്യോഗസ്ഥരും ഫയലുകള് മലയാളത്തില് എഴുതാന് ശ്രമിക്കുന്നതാണ് അഭികാമ്യമെന്ന് സംസ്ഥാന നിയമ, വ്യവസായ മന്ത്രി പി. രാജീവ്. 'മലയാളത്തില് എഴുതിയാല് മാത്രം പോര. ദുര്ഗ്രാഹ്യമില്ലാത്ത, ലാളിത്യമുള്ള മലയാളമായിരിക്കണം. ഏത് കൊച്ചുകുട്ടിക്കും വായിച്ചാല് മനസ്സിലാകണം,' നിയമ വകുപ്പ് സംഘടിപ്പിച്ച മലയാള ദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സാധാരണക്കാര്ക്ക് വേണ്ടിയല്ല എന്ന ചിന്ത വരുമ്പോഴാണ് ഫയലിലെ ഭാഷ ഇംഗ്ലീഷ് ആകുന്നത്. ഇക്കാര്യം ജീവനക്കാര് ശ്രദ്ധിക്കണം- മന്ത്രി ഓര്മിപ്പിച്ചു.
കാര്യം മനസ്സിലാവാതെ വരുമ്പോഴാണ് കടുപ്പമുള്ള ഭാഷ തെരഞ്ഞെടുക്കുന്നത്. വിഷയം ആഴത്തില് മനസ്സിലാക്കിയാല് ഭാഷ സ്വയമേ ലളിതമാകും. മലയാളത്തില് തന്നെയുള്ള ആശയവിനിമയം ഏറെ പ്രാധാന്യമുള്ളതാണെന്നും പ്രാഥമികമായി ഭാഷ സംവേദനത്തിന് വേണ്ടിയുള്ളതാണെന്നും മന്ത്രി ചൂണ്ടിക്കാട്ടി.
"
https://www.facebook.com/Malayalivartha
