ഗവര്ണര് നാളെയെത്തും... ചാന്സലര് പദവിയില് നിന്നും ഗവര്ണറെ നീക്കാന് സര്ക്കാര് ശ്രമിക്കുമ്പോള് അതേ നാണയത്തില് തിരിച്ചടിക്കാന് ഗവര്ണര്; വിസിമാര്ക്ക് കാരണം കാണിക്കാന് നല്കിയ സമയം നാളെ തീരും; ഗവര്ണര് നാളെ തിരിച്ചെത്തുന്നതോടെ തീരുമാനമാകും
ചാന്സലര് പദവിയില് നിന്നും ഗവര്ണറെ നീക്കാന് സര്ക്കാര് ശ്രമിക്കുമ്പോള് അതുപോലെ തിരിച്ചടിക്കാനൊരുങ്ങുകയാണ് ഗവര്ണര്. രണ്ട് പ്രാവശ്യം വിസിമാര് കോടതിയെ സമീപിച്ചിട്ടും അവര്ക്ക് അനുകൂലമായ തീരുമാനം ലഭിച്ചില്ല. മാത്രമല്ല രണ്ട് ദിവസം സമയം നീട്ടി നല്കുകയാണ് ചെയ്തത്. പുറത്താക്കിയ വിസിമാര്ക്ക് കാരണം കാണിക്കുന്നതിന് ഗവര്ണര് അനുവദിച്ച സമയപരിധി നാളെ തീരും.
പുറത്താക്കാതിരിക്കാനുള്ള കാരണങ്ങള് ഉണ്ടെങ്കില് അത് വ്യക്തമാക്കാന് നിര്ദേശിച്ചാണ് കാരണം കാണിക്കല് നോട്ടീസ് നല്കിയത്.ആറ് വിസിമാരാണ് ഇതുവരെ മറുപടി നല്കിയത്. മറ്റ് വിസിമാര് കൂടി ഇന്നും നാളെയുമായി മറുപടി നല്കുമെന്നാണ് കരുതുന്നത്.എല്ലാവരുടെയും മറുപടി കിട്ടിയ ശേഷം ഗവര്ണര് തുടര് നടപടികളിലേക്ക് കടന്നേക്കും.
അതേസമയം ഗവര്ണര് നാളെ തിരുവനന്തപുരത്തേക്ക് തിരിച്ചെത്തും. ഗവര്ണറെ ചാന്സലര് സ്ഥാനത്ത് നിന്ന് ഒഴിവാക്കാന് നിയമ നിര്മ്മാണത്തിന് സര്ക്കാരിന് സിപിഎം അനുമതി നല്കും. ഇന്നത്തെ സംസ്ഥാന സമിതി യോഗത്തില് ഇക്കാര്യത്തില് അന്തിമ തീരുമാനം ഉണ്ടാകും. ഓര്ഡിനന്സ് തയ്യാറാക്കി ഗവര്ണറുടെ അനുമതിക്ക് അയക്കാനാണ് ആലോചന. ഓര്ഡിനന്സില് ഒപ്പിടാന് ഗവര്ണര് തയ്യാറായില്ലെങ്കില് നിയമസഭയില് ബില് അവതരിപ്പിക്കും.
ഗവര്ണര് എതിര്പ്പ് തുടര്ന്നാല് കോടതിയെ സമീപിക്കാനാണ് ധാരണ. 15ാംതിയതിയിലെ രാജഭവന് സമരത്തില് ഡിഎംകെ പ്രതിനിധിയെ പങ്കെടുപ്പിക്കാനും തീരുമാനമുണ്ട്. സമരം സിപിഎം ജനറല് സെക്രട്ടറി സീതാറാം യെച്ചൂരി ഉദ്ഘാടനം ചെയ്യും.
ഗവര്ണര് ആരിഫ് മുഹമ്മദ് ഖാനെ ചാന്സലര് സ്ഥാനത്തു നിന്നും നീക്കുന്ന കാര്യം സര്ക്കാര് പരിഗണിക്കുന്നതിനിടെ രണ്ട് വൈസ് ചാന്സലര്മാര് കൂടി രാജി സമര്പ്പിക്കാത്തതിന് ഗവര്ണര്ക്ക് വിശദീകരണം നല്കി. ഡിജിറ്റല് സര്വ്വകാലശാല വിസിയും ശ്രീ നാരായണ ഓപ്പണ് സര്വകലാശാല വിസിയുമാണ് ഇപ്പോള് വിശദീകരണം നല്കിയിരിക്കുന്നത്. ഇതോടെ ഇതുവരെ അഞ്ച് വിസിമാര് ഗവര്ണര്ക്ക് വിശദീകരണം നല്കി.
യുജിസി ചട്ടം പാലിക്കാതെയുള്ള നിയമനത്തിന്റെ പേരില് സാങ്കേതിക സര്വ്വകലാശാല വൈസ് ചാന്സലറെ പുറത്താക്കിയ സുപ്രീംകോടതി ഉത്തരവിന്റെ അടിസ്ഥാനത്തിലായിരുന്നു ഒമ്പത് വിസിമാരോട്ഗവര്ണര് രാജിവെയ്ക്കാന് ആവശ്യപ്പെട്ടത്. എന്നാല് ഇത് ചോദ്യം ചെയ്ത് വിസിമാര് ഹൈക്കോടതിയെ സമീപിച്ചതോടെയാണ് കാരണം കാണിക്കല് നോട്ടീസ് നല്കിയത്.
എസ്എഫ്ഐയുടേയും ഒരു വിഭാഗം ഉദ്യോഗസ്ഥരുടേയും പ്രതിഷേധത്തിനിടയില് സാങ്കേതിക സര്വ്വകലാശാല വിസിയുടെ ചുമതല ഏറ്റെടുത്ത് ഡോ. സിസ തോമസ്. ഒപ്പിടേണ്ട രജിസ്റ്റര് നല്കേണ്ട ഉദ്യോഗസ്ഥരടക്കം നിസഹകരിച്ച് വിട്ടുനിന്നതോടെ ചുമതലയേറ്റെന്ന് കടലാസില് എഴുതി സിസ തോമസ് ചാന്സിലറെ അറിയിച്ചു.
അതേ സമയം അനുവാദം ഇല്ലാതെ ചുമതല ഏറ്റതില് സിസ തോമസിനോട് വിശദീകരണം തേടാനുള്ള നീക്കത്തിലാണ് സര്ക്ക. സിസക്ക് ചുമതല നല്കിയത് ചട്ടം ലംഘിച്ചാണെന്ന വാദം സിപിഎം ഉയര്ത്തുന്നുമുണ്ട്. സര്ക്കാര് നോമിനികളെ വെട്ടി ഗവര്ണര് നിയമിച്ച സാങ്കേതിക സര്വ്വകലാശാല വിസി കടുത്ത പ്രതിഷേധത്തിനിടെയാണ് ചുമതലയേറ്റത്.
സ്വന്തംവാഹനത്തില് ഡ്രൈവ് ചെയ്തെത്തിയ ഡോ. സിസ തോമസിനെ ഗേറ്റില് എസ്എഫ്ഐക്കാര് തടഞ്ഞു. പോലീസ് അകമ്പടിയോടെ അകത്തേക്കത്തിയപ്പോള് കെജിഒഎയുടെ നേതൃത്ത്വത്തില് പ്രതിഷേധക്കാരുടെ വന് സംഘം. സമരക്കാരെ മറികടന്ന് ഓഫീസില് കയറിയപ്പോള് ഒപ്പിടാന് രജിസ്റ്ററില്ല. രജിസ്ട്രാര് സ്ഥലത്തില്ല. ഡെപ്യൂട്ടി രജിസ്ട്രാറും ഉന്നത ഉദ്യോഗസ്ഥരും പ്രതിഷേധക്കാര്ക്കൊപ്പമാണ്, ഒടുവില് ചുമതലേറ്റകാര്യം വെള്ളപ്പേപ്പറില് എഴുതി രാജ്ഭവനിലേക്ക് അയച്ച് സിസ തോമത്.
അതേ സമയം, സിസിക്കെതിരെ നീങ്ങുകയാണ് സര്ക്കാര്. രേഖാമൂലം ഉള്ള അനുവാദം ഇല്ലാതെ പുതിയ ചുമതലയേറ്റതില് ഉന്നതവിദ്യാഭ്യാസ സെക്രട്ടറിയോ സാങ്കേതിക വകുപ്പ് ഡയറക്ടറോ സിസയോട് വിശദീകരണം തേടും. എന്നാല് ചാന്സലര് പദവി നല്കിയ ശേഷം ചുമതല ഏല്ക്കരുതെന്ന് സര്ക്കാര് ആവശ്യപ്പെട്ടിട്ടില്ലെന്നാണ് സിസയുടെ വിശദീകരണം. ചുമതലയേല്ക്കുന്നത് ഡയറകട്റെ അറിയിച്ചിരുന്നതായും സിസ പറയുന്നു.
https://www.facebook.com/Malayalivartha
