"ജനനേന്ദ്രിയത്തില് കുട കുത്തിക്കയറ്റുമെന്ന് ഭീഷണി", വനിത ഡോക്ടറുടെ പരാതിയിൽ ഒളിവിൽ കഴിയവേ സഹപ്രവര്ത്തകന് അറസ്റ്റില്
ഇടുക്കിയിൽ വനിതാ ഡോക്ടറെ ക്രൂരമായി ഉപദ്രവിക്കുമെന്ന് ഭീഷണിപ്പെടുത്തിയ സഹപ്രവര്ത്തകന് അറസ്റ്റില്. പഞ്ചവടിപാലം കൊമ്പൂക്കര വീട്ടില് കെ ഡി ഷാജിയെയാണ് പോലീസ് അറസ്റ്റ് ചെയ്തത്. തൊടുപുഴ കോലാനിയിലുള്ള ഇടുക്കി ജില്ലാ പൗള്ട്രി ഫാമിലെ വനിതാ ഡോക്ടറുടെ പരാതിയെ തുടർന്നാണ് നടപടി.
ഫാമിലെ ജീവനക്കാരനായിരുന്നു അറസ്റ്റിലായ ഷാജി. കൃത്യമായി ജോലിചെയ്യാതിരുന്നത് ചോദ്യം ചെയ്തതാണ് ഡോക്ടർക്ക് നേരെ ഉണ്ടായ പ്രകോപനത്തിന് കാരണം. ഡോക്ടറുടെ ജനനേന്ദ്രിയത്തില് കുട കുത്തിക്കയറ്റുമെന്നാണ് ഇയാള് ഭീഷണിപ്പെടുത്തിയത്. ഭീഷണിക്കൊപ്പം ജാതിപ്പേര് വിളിച്ച് അപമാനിച്ചുവെന്നും പരാതിയിയിൽ പറയുന്നുണ്ട്.
കഴിഞ്ഞ ഏപ്രിലിലാണ് പരാതിക്ക് അടിസ്ഥാനമായ സംഭവം ഉണ്ടായത്. ഡോക്ടറുടെ പരാതിയെ തുടര്ന്ന് സസ്പെന്ഷനിലായ പ്രതി ഒളിവില് പോവുകയായിരുന്നു. തുടര്ന്ന് പോലീസ് നടത്തിയ അന്വേഷണത്തിലാണ് ഇയാള് ഇന്ന് പിടിയിലായത്. ഡിവൈഎസ് പി മധു ബാബുവിന്റെ നേതൃത്വത്തിലുള്ള സംഘമാണ് പിടികൂടിയത്. തൊടുപുഴ ഫസ്റ്റ് ക്ലാസ് മജിസ്ട്രേറ്റ് കോടതിയില് ഹാജരാക്കിയ പ്രതിയെ റിമാന്റ് ചെയ്തു.
https://www.facebook.com/Malayalivartha
