ഗവർണർ സർക്കാർ പോരിൽ പുതിയ നീക്കങ്ങൾക്ക് തുടക്കമാകുന്നു. ചാൻസലർ പദവി മാറ്റാനുള്ള ഓർഡിനൻസിൽ ഒപ്പിടില്ലെന്നു ഗവർണർ സൂചിപ്പിച്ചതോടെ, സർക്കാർനീക്കം അതിജാഗ്രതയോടെ തുടരുകയാണ്. 

മാത്രമല്ല നിയമസഭയിൽ അവതരിപ്പിക്കാനുള്ള ബിൽ തയ്യാറാക്കാൻ ഒരുക്കം തുടങ്ങിയെന്ന് സർക്കാർ വൃത്തങ്ങൾ വ്യക്തമാക്കുന്നു. ഇതിനായി ഉന്നതവിദ്യാഭ്യാസവകുപ്പിന്റെ മേൽനോട്ടത്തിൽ പ്രത്യേകസംഘത്തെ ചുമതലപ്പെടുത്തി ബിൽ തയ്യാറാക്കാനാണ് പുതിയ നീക്കം.

അതേസമയം ഗവർണർപദവിയിൽനിന്ന് ചാൻസലറെ മാറ്റുന്നതിനു പുറമേ തന്നെ സർവകലാശാലാ പരിഷ്കാരങ്ങളെക്കുറിച്ചുള്ള നിയമനിർമാണവും ആലോചനയിലുണ്ട്. തുടർന്ന് തിങ്കളാഴ്ചതന്നെ ബില്ലിനെക്കുറിച്ചുള്ള ചർച്ചയ്ക്കുതുടക്കമിടും.