കിളികൊല്ലൂർ കേസിൽ നിർണ്ണായക ഉത്തരവ് കാത്ത് സഹോദരങ്ങൾ. കിളികൊല്ലൂരിൽ സൈനികനെയും സഹോദരനെയും പോലീസ് മർദ്ദിച്ച സംഭവത്തിൽ പരാതിക്കാരുടെ ഹർജി ഇന്ന് കോടതി പരിഗണിക്കാനിരിക്കുകയാണ്.

അതേസമയം ഇരുവർക്കുമെതിരെ പോലീസ് ചുമത്തിയ എഫ്‌ഐആർ റദ്ദാക്കണമെന്നതാണ് ഹർജിയിൽ പ്രധാനമായും ആവശ്യപ്പെടുന്നത്. കൂടാതെ ഇപ്പോൾ നടക്കുന്ന അന്വേഷണം ഹൈക്കോടതിയുടെ മേൽനോട്ടത്തിൽ പൂർത്തിയാക്കണമെന്നും സഹോദരങ്ങൾ ആവശ്യപ്പെട്ടു.

ഇന്ന് സൈനിക കൂട്ടായ്മയായ അനന്തപുരി സോൾജിയേഴ്സിന്റെ ലീഗൽ അഡ്‌വൈസറായ അഡ്വക്കേറ്റ് അനിൽ പ്രസാദിന്റെ നേതൃത്വത്തിലുള്ള സംഘമാണ് സഹോദരങ്ങൾക്കായി ഹൈക്കോടതിയിൽ ഹാജരാകാൻ ഇരിക്കുന്നത്.

എന്നാൽ ഇതിനിടെ അടുപ്പക്കാരെ ഉപയോഗിച്ച് കേസിൽ നിന്ന് പിൻമാറാനുള്ള ഭീഷണിയുണ്ടെന്ന് വിഘ്‌നേഷ് വെളിപ്പെടുത്തുന്നു. സിഐയെ സംരക്ഷിക്കാനുള്ള ശ്രമങ്ങൾ നടന്നതായും അതിനായി ഇരുവരെയും ചിലർ സമീപിച്ചതായും സഹോദരങ്ങൾ പറയുന്നു.