ഗവർണർ സർക്കാർ പോര് അടുത്ത തലത്തിലേക്ക്. അടുത്ത നിയമസഭാ സമ്മേളനത്തില്‍ അവതരിപ്പിക്കേണ്ട കരട് ബില്ലിന് മന്ത്രിസഭയുടെ അംഗീകാരം നൽകിയിരിക്കുകയാണ്. മാത്രമല്ല ഗവര്‍ണറെ ചാന്‍സലര്‍ സ്ഥാനത്ത് നിന്ന് നീക്കുന്ന ബില്ലിന് മന്ത്രിസഭ അംഗീകാരം നൽകി.

അതേസമയം അഞ്ചിന് ആരംഭിക്കുന്ന നിയമസഭ സമ്മേളനത്തിന്‍റെ ആദ്യദിവസങ്ങളില്‍ ബില്‍ അവതരിപ്പിക്കുമെന്നാണ് റിപ്പോർട്ട്. തുടർന്ന് ചാന്‍സലറുടെ അനൂകൂല്യങ്ങളും മറ്റ് ചിലവുകളും സര്‍വ്വകലാശാലകളുടെ തനത് ഫണ്ടില്‍ നിന്ന് അനുവദിക്കുമെന്ന് ബില്ലിൽ വ്യക്തമാക്കിയിരുന്നു.

അടുത്ത മാസം ഡിസംബർ അഞ്ചു മുതൽ കേരള നിയമസഭാ സമ്മേളനം വിളിക്കുന്നതിന് മന്ത്രിസഭ നേരത്തെ തീരുമാനിച്ചിരുന്നു. തുടർന്ന് ഇതിന് ഗവർണർ അനുമതിയും നൽകിയിരുന്നു. എന്നാൽ ഗവർണറെ ചാൻസലർ സ്ഥാനത്ത് നിന്ന് നീക്കുകയാണ് ഈ സമ്മേളനത്തിലെ പ്രധാന അജണ്ട. ഇതേതുടർന്ന് ഗവർണറുടെ അടുത്ത നടപടി നിർണ്ണായകലമാകുന്നത്.