കപ്പലില് നാക്ക് പിഴവ്... മന്ത്രി വി അബ്ദുറഹ്മാന് എതിരായ വിവാദ പരാമര്ശം ഖേദം പ്രകടിപ്പിച്ച് വൈദികനും ലത്തീന് അതിരൂപതയും; കേസെടുത്ത് കടുപ്പിച്ച് പോലീസ്; സമാധാന സന്ദേശം നല്കേണ്ട അച്ചന്മാര്ക്ക് എന്തുപറ്റിയെന്ന് പൊതുജനം; ഖേദം പ്രകടിപ്പിച്ച് വൈദികനും ലത്തീന് അതിരൂപതയും
അച്ചന്മാരെന്ന് വച്ചാല് മലയാളികളുടെ മനസില് പ്രത്യേക സ്ഥാനമുണ്ട്. സമാധാന പ്രിയരായി സമാധാനത്തിന്റെ സന്ദേശം പകരുന്നവരാണവര്. എന്നാല് വിഴിഞ്ഞത്ത് സര്ക്കാരിനേയും പോലീസിനേയും വെല്ലുവിളിക്കാന് അച്ചന്മാരാണ് മുമ്പില്. ചാനല് ചര്ച്ചകളില് കത്തിക്കയറുന്നു. അവസാനം ഇപ്പോള് പെട്ടുപോയിരിക്കുകയാണ് അച്ചന്മാര്.
മന്ത്രി വി അബ്ദുറഹ്മാന് എതിരായ വിവാദ പരാമര്ശം ഖേദം പ്രകടിപ്പിച്ച് വൈദികനും ലത്തീന് അതിരൂപതയും. 'അബ്ദുറഹമാന് എന്ന പേരില്ത്തന്നെ തീവ്രവാദിയുണ്ട്' എന്ന പരാമര്ശത്തിലാണ് വിഴിഞ്ഞം തുറമുഖ നിര്മാണവിരുദ്ധ സമരസമിതി കണ്വീനര് ഫാ. തിയോഡോഷ്യസ് ഡിക്രൂസ് ഖേദം പ്രകടിപ്പിച്ചത്. വിഴിഞ്ഞം തുറമുഖ സെമിനാറില് ലത്തീന് രൂപയുടെ നേതൃത്വത്തില് നടക്കുന്ന സമരത്തെ ഫിറീസ് മന്ത്രി അബ്ദുറഹമാന് വിമര്ശിച്ചിരുന്നു. ഇതിന് പിന്നാലെയാണ് ഫാ.തിയോഡേഷ്യസ് വര്ഗീയ പരാര്മശം നടത്തിയത്.
മന്ത്രിയുടെ പേരില് തന്നെ തീവ്രവാദമുണ്ടെന്നായിരുന്നു പരാമര്ശം. പരാമര്ശത്തിനെതിരെ രൂക്ഷമായ വിമര്ശനം പല കോണുകളില് നിന്നുമുണ്ടായി. ഇതോടെ കേസുമായി. മലപ്പുറം പരപ്പനങ്ങാടി സ്വദേശി അബ്ദള് റഹമാന് നല്കിയ പരാതിയിലാണ് കേസ്. വര്ഗിയ സ്പര്ദയുണ്ടാക്കാന് ശ്രമിച്ചതിനും, സാമുദായിക അന്തരീക്ഷം തകര്ക്കാന് ശ്രമിച്ചതിനുമാണ് കേസ്.
പരാമര്ശം വികാര വിക്ഷോഭത്തില് നിന്ന് ഉണ്ടായതാണെന്നും നാക്ക് പിഴവായി സംഭവിച്ചതാണെന്നും ഫാ. തിയോഡേഷ്യസ് പറഞ്ഞു. സമുദായങ്ങള്ക്ക് ഇടയില് ചേരിതിരിവ് ഉണ്ടാക്കിയത്തില് ഖേദം പ്രകടിപ്പിക്കുന്നുവെന്ന് ഫാ. തിയോഡേഷ്യസ് അറിയിച്ചു. പരാമര്ശം വികാര വിക്ഷോഭത്തില് നിന്ന് ഉണ്ടായതാണെന്നും പരാമര്ശം പിന്വലിക്കുന്നുവെന്നും ലത്തീന് അതിരൂപത വ്യക്തമാക്കി. ഖേദം പ്രകടിപ്പിച്ച സാഹചര്യത്തില് പ്രശ്നം അവസാനിപ്പിക്കണം എന്നും അതിരൂപത അഭ്യര്ത്ഥിച്ചു.
അതേസമയം, വിഴിഞ്ഞത്ത് നടക്കുന്നത് ലക്ഷണമൊത്ത അന്താരാഷ്ട്ര ഗൂഢാലോചനയാണെന്ന് കോഴിക്കോട് സിപിഎം ജില്ലാ സെക്രട്ടറി പി. മോഹനന് ആരോപിച്ചു. നിരോധിക്കപ്പെട്ട തീവ്രവാദ പ്രസ്ഥാനങ്ങളിലെ അംഗങ്ങള് വരെ ഇതില് പങ്കാളികളാണ്. വിഴിഞ്ഞം സമരത്തിന്റെ മറ്റൊരു പതിപ്പാണ് കോഴിക്കോട് കോതിയില് നടക്കുന്നതെന്നും പി മോഹനന് പറഞ്ഞു. മാലിന്യ പ്ലാന്റിനെതിരെ സമരം നടക്കുന്ന കോതിയില് രാഷ്ട്രീയ വിശദീകരണ യോഗത്തില് പങ്കെടുക്കുകയായിരുന്നു പി മോഹനന്.
അബ്ദുറഹിമാന് എന്ന പേരില്ത്തന്നെ തീവ്രവാദിയുണ്ട്' എന്ന വിഴിഞ്ഞം തുറമുഖ നിര്മാണവിരുദ്ധ സമരസമിതി കണ്വീനര് ഫാ. തിയോഡോഷ്യസ് ഡിക്രൂസിന്റെ പരാമര്ശത്തില് അതിശക്തമായി പ്രതിഷേധിക്കുന്നുവെന്ന് കേരള മുസ്ലിം ജമാഅത്ത് സംസ്ഥാന കമ്മിറ്റി വ്യക്തമാക്കിയിരുന്നു. ആ പരാമര്ശം പിന്വലിച്ചു മാപ്പുപറയണം. മാത്രമല്ല, കേരളത്തിന്റെ മതേതര മനസ്സിനെ മുറിവേല്പ്പിച്ച അത്തരമൊരു പരാമര്ശത്തോടുള്ള നിലപാട് വ്യക്തമാക്കാന് വിഴിഞ്ഞം സമരത്തിനു നേതൃത്വം നല്കുന്ന തിരുവനന്തപുരം ലത്തീന് അതിരൂപതാ നേതൃത്വം തയാറാവുകയും വേണം.
നവംബര് 29നു നടത്തിയ ഗുരുതര വര്ഗ്ഗീയ പരാമര്ശത്തിനെതിരേ വ്യാപക പ്രതിഷേധം ഉയര്ന്നിട്ടും ആദ്യഘട്ടത്തില് അതു പിന്വലിക്കാനോ, മാപ്പുപറയാനോ അദ്ദേഹം തയാറായിട്ടില്ല. സംസ്ഥാനത്തെ ഒരു മന്ത്രിക്കെതിരേ, അദ്ദേഹത്തിന്റെ പേരും മതവും ഉന്നംവച്ച് ഫാ. ഡിക്രൂസ് നടത്തിയ പരാമര്ശം സമൂഹത്തില് വര്ഗ്ഗീയ ചേരിതിരിവ് ഉണ്ടാക്കാന് ഉദ്ദേശിച്ചുള്ളതാണ്. അതു കണക്കിലെടുത്ത് അദ്ദേഹത്തിനെതിരേ കേസെടുക്കാനും അറസ്റ്റു ചെയ്യാനും പൊലീസ് തയാറാകണം. രാജ്യത്തിന്റെ മതേതര ജനാധിപത്യത്തോട് പ്രതിബദ്ധതയുള്ള എല്ലാവരും എല്ലാത്തരം വര്ഗീയതയ്ക്കും ഫാസിസത്തിനും എതിരേ വിട്ടുവീഴ്ചയില്ലാത്ത നിലപാടെടുക്കേണ്ട സമയമാണ്.
എന്നാല് രാജ്യത്തെ രണ്ടു പ്രബല ന്യൂനപക്ഷ സമുദായങ്ങളെ തമ്മില് അകറ്റാനും അതില് നിന്നു വര്ഗ്ഗീയമായി മുതലെടുക്കാനുമുള്ള ഗൂഢശ്രമങ്ങള് ചില കേന്ദ്രങ്ങള് നിരന്തരം നടത്തുന്നുണ്ട്. അതിനു ശക്തി പകരുന്നതാണ് ഫാ. ഡിക്രൂസിന്റെ പരാമര്ശം.
ഫാ. ഡിക്രൂസിന്റെ പരാമര്ശത്തോട് വൈകാരികമായി പ്രതികരിക്കാനോ അതേ ശൈലിയില് മറുപടി പറയാനോ തയാറാകാത്ത മുസ്ലിം സമുദായത്തിന്റെയും സഹോദരസമുദായങ്ങളുടെയും പൊതുസമൂഹത്തിന്റെയും ജാഗ്രതയെ അഭിനന്ദിക്കുന്നു. അതേസമയം, ആ പരാമര്ശത്തിലെ വിഷംനിറഞ്ഞ ഉള്ളടക്കത്തെ അപലപിച്ചു സമൂഹമാധ്യമങ്ങള് ഉള്പ്പെടെ മതേതര പ്രതിബദ്ധത ഉയര്ത്തിപ്പിടിക്കുന്ന എല്ലാവരോടുമുള്ള നന്ദി അറിയിക്കുകയും ചെയ്യുന്നുവെന്നും കേരള മുസ്ലിം ജമാഅത്ത് സംസ്ഥാന കമ്മിറ്റി അറിയിച്ചു.
"
https://www.facebook.com/Malayalivartha
