കണ്ണുവെട്ടിച്ച് കടന്നു.... പൊലീസ് സംരക്ഷണയില് ഒരുദിവസത്തെ പരോളില് എത്തിയ കൊലക്കേസ് പ്രതി പൊലീസ് ഉദ്യോഗസ്ഥരുടെ കണ്ണു വെട്ടിച്ചു രക്ഷപ്പെട്ടു, അന്വേഷണം ഊര്ജ്ജിതമാക്കി
കണ്ണുവെട്ടിച്ച് കടന്നു.... പൊലീസ് സംരക്ഷണയില് ഒരുദിവസത്തെ പരോളില് എത്തിയ കൊലക്കേസ് പ്രതി പൊലീസ് ഉദ്യോഗസ്ഥരുടെ കണ്ണു വെട്ടിച്ചു രക്ഷപ്പെട്ടു, അന്വേഷണം ഊര്ജ്ജിതമാക്കി
മാതാപിതാക്കളെ കാണണമെന്ന ആവശ്യപ്രകാരം പൊലീസ് സംരക്ഷണയില് താല്ക്കാലിക പരോള് അനുവദിച്ച രാജാക്കാട് പൊന്മുടി സ്വദേശി കളപ്പുരയില് ജോമോന് ആണ് രക്ഷപ്പെട്ടത്. 2015ല് കോട്ടയം ഈസ്റ്റ് പൊലീസ് സ്റ്റേഷന് പരിധിയില് നടന്ന കൊലപാതക കേസിലെ പ്രതിയാണ് ജോമോന്.
കണ്ണൂര് സെന്ട്രല് ജയിലില് ശിക്ഷ അനുഭവിച്ചു വരുന്നതിനിടയില് പരോളിന് അനുമതി തേടുകയും എന്നാല് പരോള് അനുവദിക്കാത്ത സാഹചര്യത്തില് പ്രായമായ മാതാപിതാക്കളെ കാണണമെന്ന അപേക്ഷയില് താല്ക്കാലിക പരോള് അനുവദിച്ചു നല്കുകയുമായിരുന്നു.
കണ്ണൂര് സെന്ട്രല് ജയിലില് നിന്നുള്ള രണ്ട് പൊലീസ് ഉദ്യോഗസ്ഥരുടെ സംരക്ഷണയിലാണ് രാജാക്കാട് പൊന്മുടിയിലെ വീട്ടില് എത്തിച്ചത്. ഇവിടെ നിന്നു പൊലീസ് ഉദ്യോഗസ്ഥരുടെ കണ്ണു വെട്ടിച്ചു പ്രതി കടന്നുകളയുകയായിരുന്നു. പ്രതിയ്ക്കായി അന്വേഷണം ഊര്ജ്ജിതമാക്കി.
"
https://www.facebook.com/Malayalivartha
