വിഴിഞ്ഞത്ത് സമരം വലിയ പ്രശ്‌നങ്ങളിലേക്ക് പോയ സാഹചര്യത്തിൽ സമരക്കാരെ ഒറ്റപ്പെടുത്താനുള്ള തന്ത്രം മെനയുകയാണ് സർക്കാർ. എന്നാൽ വിഴിഞ്ഞം സമരക്കാർ സർക്കാരിന്റെ തന്ത്രങ്ങളിൽ വീഴുന്നില്ല. മാത്രമല്ല ഗവർണറടക്കം ഇന്ന് വിഴിഞ്ഞം സമരക്കാർക്ക് ഒപ്പമാണ്. മാത്രമല്ല സർക്കാർ തന്ത്രങ്ങളെല്ലാം ജനങ്ങൾ തട്ടിയിടും. മുഖ്യനെ പറപ്പിക്കാൻ ഉറച്ചാണ് വിഴിഞ്ഞം ജനങ്ങൾ സമരം ചെയ്യുന്നത്. ഇപ്പോഴിതാ ഇവർക്ക് കൂട്ടായി കെ.പി.ശശികല രംഗത്ത് എത്തിയിരിക്കുകയാണ്.

അതേസമയം തന്നെ വിഴിഞ്ഞം തുറമുഖത്തിനെതിരെ നടക്കുന്ന കലാപത്തിനു പിന്നില്‍ വിദേശചാരന്മാരും സംസ്ഥാന സര്‍ക്കാരുമാണെന്ന് പറഞ്ഞ് ഹിന്ദുഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര്‍ രംഗത്ത്. ഇപ്പോൾ വിഴിഞ്ഞം തുറമുഖ നിര്‍മാണം അട്ടിമറിക്കാനാണ് ദുബായ് ഷേഖ് പ്രത്യേക ദൂതന്‍ വഴി സമരനേതാക്കള്‍ക്ക് പണം എത്തിച്ചുനല്‍കിയിരിക്കുന്നത്.

മാത്രമല്ല മുഖ്യമന്ത്രിയുടെ അടിക്കടിയുള്ള ദുബായ് യാത്ര സംശയാസ്പദമാണ്. നിലവിൽ മുഖ്യമന്ത്രി വിഴിഞ്ഞത്തെ പാതിരിമാര്‍ക്ക് നട്ടെല്ലു പണയം വച്ചോ എന്നും സംശയിക്കണമെന്ന് ശശികല ടീച്ചര്‍ വ്യക്തമാക്കുന്നു.

വിഴിഞ്ഞം തുറമുഖം യാഥാര്‍ഥ്യമാക്കുക, ഹൈക്കോടതി ഉത്തരവ് നടപ്പിലാക്കുക, മുല്ലൂര്‍ നിവാസികളെ അക്രമിച്ച കലാപകാരികളെ അറസ്റ്റുചെയ്യുക തുടങ്ങിയ ആവശ്യങ്ങളാണ് ഇവർ ഉന്നയിക്കുന്നത്. ഹിന്ദുഐക്യവേദി വിഴിഞ്ഞത്തേക്ക് സംഘടിപ്പിച്ച ബഹുജനമാര്‍ച്ച് ഉദ്ഘാടനം ചെയ്യുമ്പോഴായിരുന്നു പ്രസംഗം.