അഞ്ചലിൽ ഹൈവേയിൽ കാർ നിയന്ത്രണം വിട്ട് മറിഞ്ഞ് അപകടം. മലയോര ഹൈവേയിൽ കാർ നിയന്ത്രണം വിട്ട് റോഡരികിലെ പുരയിടത്തിലേക്ക് വീണാണ് അപകടം ഉണ്ടായത്. അപടത്തിൽപ്പെട്ട കാർ യാത്രക്കാരായ മൂന്ന് കുളത്തൂപ്പുഴ സ്വദേശികൾ നിസ്സാര പരിക്കുകളോടെ രക്ഷപ്പെട്ടു.

അതേസമയം ഏരൂർ പത്തടി കാഞ്ഞുവയൽ പള്ളിക്കു സമീപമാണ് അപകടം നടന്നത്. കഴിഞ്ഞ ദിവസം വൈകീട്ടോടെയായിരുന്നു സംഭവം. മുന്നിലുള്ള ഓട്ടോറിക്ഷ സിഗ്നൽ തെറ്റിച്ച് മറുവശത്തേക്ക് തിരിച്ചപ്പോൾ ഇടിക്കാതിരിക്കാൻ കാർ വെട്ടിക്കവേ നിയന്ത്രണം വിട്ട് മറിയുകയായിരുന്നെന്ന് യുവാക്കൾ പറഞ്ഞു. പിന്നാലെ സംഭവത്തിൽ, ഏരൂർ പൊലീസ് മേൽനടപടിയെടുത്തു.