പത്തനംതിട്ട മല്ലപ്പള്ളിയില്‍ ഭക്ഷ്യ വിഷബാധ. നിരവധിപേർ ആശുപത്രിയിലായിരിക്കുകയാണ്. ഇതിൽ ഒരാളുടെ നില ഗുരുതരം. മല്ലപ്പള്ളിയിലെ ഒരു പള്ളിയിൽ വ്യാഴാഴ്ച നടന്ന മാമോദീസ ചടങ്ങിൽ വിരുന്നുണ്ടായിരുന്നു.അവിടെ ഭക്ഷണം കഴിച്ചവർക്കാണ് വയറിളക്കവും ഛർദിയും ഉണ്ടായത്.

ഇതോടെ വിവിധ ആശുപത്രികളിൽ ആൾക്കാരെ പ്രവേശിപ്പിക്കുകയും ചെയ്തു. ചെങ്ങന്നൂരിൽ നിന്നുള്ള ഒരു കാറ്ററിംഗ് സ്ഥാപനമായിരുന്നു വിരുന്നിൽ പങ്കെടുത്തവർക്കായി ചോറും നോൺവെജ് കറിയും ഒരുക്കിയത് . ഇരുന്നൂറോളം പേർ വിരുന്നിൽ പങ്കെടുത്തു.

വെള്ളിയാഴ്ച രാവിലെ മുതൽക്ക് പലർക്കും ശാരീരിക പ്രശ്നങ്ങൾ തുടങ്ങുകയും ചെയ്തു . എഴുപതോളം പേർ രണ്ടുദിവസങ്ങളിലായി അടൂർ, റാന്നി, കുമ്പനാട് തുടങ്ങിയ ഇടങ്ങളിലെ ആശുപത്രികളിൽ ചികിത്സക്കെത്തി.